ثلاثه مواقف في الحب السوداني !!!

عبدالعظيم م · 01-07-2008, 07:58

كنت قبل يومين مع أحد الأصدقاء المصريين في منزله
أدهشني تعامله مع أهله وتعامل أهله معه
فمثلا : إذا أراد أن يطلب من أخته شيئا يناديها ياحبيبتي
وكذلك أمه وأبيه
أعجبني هذا التعامل وحاولت أن أقلد ذلك فماذا حصل ؟؟؟
1- دخلت البيت لقيت أمي تقرأ في كتاب
قلت ليها : يما داير أقول ليك حاجه ممكن ؟
قالت لي : سامعاك عندك شنو ؟؟
قلت ليها : والله يا أمي بحبك حب شديد
قالت لي : حب يحلحل راسك الكبير دا ..قوم من وشي!!

وقلت : اجرب مع أختي يمكن تفهمني
2- دخاتا غرفتها وكانت تحضر في مسلسل قلت ليها ريري :
ممكن أقول ليك حاجه في قلبي
عدلت قعدتها وقالت لي : طوالي يا عظمه قول :
قلت ليها ك والله أنا صراحه داير أقول ليك إني
بحبــــــــــــك يا أختي .... وفي الحال ردت :
طاااااااخ بالريموت وقالت لي :
قوم ..قوم شوف ليك شغله حب يجننك إن شاء الله ...

وقلت في نفسي ديل نسوان متعقدات
وقلت أجرب مع أخواني بيفهموني
3-دخلت الصاله :
أخوي الكبير يتدرب ملاكمه

والبعدي يرفع حديد

ناديت عليهم وقلت ليهم : اسرعوا دايركم في موضوع مهم
وطوالي جوني وقالوا لي :
شنو الحاصل مسوي مشكله
في زول ضربك
داير تضرب زول...........الخ
قلت ليهم : دقيقه الموضوع ما كده خالص
قالوا لي : إلا تكون بتحب يا كوتش ؟
قلت ليهم :: نعم بحب
وشوفو الأسئله : منو ؟؟ ومن وين ؟؟ وحلوه ولا لا؟؟
قول اسمها يللا
قلت ليهم :
أنا بحبكم إنتو يا كباتن !!!
وقاموا علي ::
شلوت .. وبنيه ..وضربه ...وهم ما شاء الله لطيفين شديد !!!:

damnmate:

وبعد كده مشيت غرفتي وأنا مقتنع إنو الحب السوداني
مختلف عن أي حب تاني؛؛؛

دالـــيا · 01-07-2008, 08:45

هههههههههههههه

طبعااا دمرو ليك نفسياتك

على كده ما حتحب تاني

والله وانا معاك الحب السوداني

مختلف عن اي حب تاني

عبدالعظيم م · 01-07-2008, 09:16

شكرا داليا
بس أوعى تجربي !!

فاطمه · 01-07-2008, 09:57

بس نحن في بيتنا ما كده انا بخجل اصرح باحساسي لكن عادي اخواني بقولوا نحت بنحبك ياتنتونه احتمال عشان هم كبار علي يعني اربعه وانا اول بت بعدهم انا بعبر بالبكاء لو واحد طلع او كان عيان وبحاول ما اخليه يعمل حاجه في البيت خالص يعني بحاول اريحهم علي الاخر دلع وكده

عبدالعظيم م · 01-07-2008, 10:00

حظهم والله
بعدين شنو حكاية
تنتونه
بت خالتي إسمها فاطمه
وبنقول ليها تونه كمان

فاطمه · 01-07-2008, 10:05

اي فاطمه تونه وياريتهم واقفين علي تونه مره تونه مره تنتونه مره التنينه مره تنتن مره بتوته يعني اي زول بناديني بي اسم تونه ومشتقاتها

يسري الياس ابنع · 01-07-2008, 11:04

الرائع عبد العظيم
تحياتي للموضوع الجميل
بس أنا بختلف معاك شويتين في موضوع التعبير أخي لاننانحب بقلوبنا والحب في القلوب أصدق وبعض الكلام يموت حين يقال .. ديل ناس بتاعين بكش ما تتغش فيهم.
واختلاف الرأي لايفسد للود قضية أخي

عبدالعظيم م · 01-07-2008, 11:25

معاك الحب في القلوب بس
لو كان معاهو الكلام الجميل بكون أحسن
غير إننا السودانيين طبعنا خشن
حتى ما بنعترف بالحب
&&&&&&
يسري
هل رأيت يوما طالبا
قدر يشكر استاذو
فكذلك انا لن
استطيع شكرك
بكلماتي المتواضعه

عروس الرمال · 01-07-2008, 12:00

هههههههههههههههههههههههههههههههههه

انت عارف ليه عمل معاك كدا لانو ما اتعوده على النغمات دى على ما اعتقد الحب فى السودان احساس وفعل ما مجرد كلمات بنقوله مثلا اذا حد مرض عندنا تلقى البيت كلو قايم وقاعد ومقلق فى المناسبات بتلقى اخوانك واهلك معاك وفرحانين ليك عكس الجنسيات الاخرى بالجد الحب فى السودان اجمل واسمى فدمت بــود سودانى ..

روعة فؤاد · 01-07-2008, 14:47

ههههههههههههههه
زكرتني مرة بتكلم مع ابوي بالايميل لمن كنت في السودان ...
فحبيت ادلع عليه
قولت ليهو....بابا حبيبي
وتاني ماشوفت الابابا اوف لاين

تسلم ياعبده