سامحيني يا امي
يا أمي سامحيني
سافرت خليتك وقلت عافيني
ودرت يا يمه نسيت عناويني
والآهة في جواي دايما بتكويني
واللوعة يا امي ندما مباريني
ندما مسربلني
ندما بيطويني
ندما معذبني
ندما مزازيني
سامحيني يا امي
يا امي سامحيني
مشيت بعيد عنك
يا امي ما جيتك
مرضانه يا امي يا امي ما جيتك
وقلتي عافياني
ويا امي ما جيتك
يا امي ودرت مين البيهديني
مين البوريني
وفي لحظتي الصعبة
مين البواسيني
ومن الألم يمه
مين البداويني
ومن وخز الضمير يمه
مين البيشفيني
يا يمه عافيني
وكيفن تعافيني
وليه تعافيني
وانا البعيد سافرت
وعذابي طاويني
وانا البعيد ودرت
وشقايه لافيني
وانا البعيد احترت
والآهة تكويني
وانا للبلد غادرت
واللوعة تشويني
يا يمه عافيني
بالله عافيني
وكيفن تعافيني
وليه تعافيني
وانا البعبد سافرت
وديمه تطريني
في كل يوم يمه
دعاكي جاييني
وحبك مغطيني
في ليلي حاميني
ومن الهجير يمه
دايما مضاريني
يا يمه وين انتي
بالله وريني
يا يمه وين انتي
بالله وريني
طولت .. وما جيتك
يا يمه عافيني
جيت .. وما لقيتك
يا حسرة لفيني
جيت وما لقيتك
يا لوعه اطويني
جيت وما لقيتك
يا يمه وريني
وين رحتي يا يمه
بالله وريني
بالله وريني
بالله وريني
زمنا طويل يمه
مشتاق اشوفك يوم
ارقد واتمدد
جنبك معاكي انوم
يا يمه فليني
يا يمه حجيني
يا يمه غطيني
وارتاح حداكي انوم
والملايكة تحميني
يا يمه يا يمه
يا يمه وين انتي
بالله وريني
بالله وريني
شايف السرير فاضي
بالله وين انتي
شايف الظلام بادي
بالله وين انتي
يا يمه وين انتي
شايف المكان حزنان
شايف الزمان اسيان
شايف الجميع باكين
يا يمه وينك ..نان
شايف الشمس غابت
قبل الأوان بأوان
شايف الطيور خلت
تغريده في الأغصان
والفرحة ... يا يمه
خلت زمانا زمان
يا يمه وريني
بالله وين انتي
بالله وين رحتي
وليه الجميع حزنان
ليه البلد خربان
وليه الدموع سالت
وعمت الأحزان
يا يمه وين انتي
ولدك كتير حيران
ولدك كتير حزنان
ولدك كتير ندمان
يا امي وين انتي
فتشت في الديوان
فتشت في الحيشان
فتشت في الأركان
فتشت كل مكان
في الحلة والجيران
فتشت يا امي
ما سبت أي مكان
يا يمه وين انتي
يا يمه وين رحتي
ولدك حزين شقيان
يا يمه وين رحتي
خليتي دارنا عدم
خليتي نيلنا حزين
في عز الخريف عطشان
خليتي ليه ولدك
أسيان كتير ندمان
سافي التراب ندمان
سافي التراب ندمان
يا يمه وين انتي
بتقولي لي .. هناك
في أعلى أعلى جنان
في معية الصالحين
وضيافة الرحمن
في معية الصالحين
وضيافة الرحمن
يا سلاااااااااام يا طاهر يا نقي
هذه الكلمات دقت في قاع قلبي
وحفرت في عمق فؤادي ..
أسأل الله أن يتقبل والدتك
ويمنحك أجرها وثواب هذه الكلمات
ودعواتك الصالحات لها دوماً
فهي قد رضيت عنك وأنت
خير صدقة جارية لها بالدعاء
بارك الله لك في قلبك وفي صبرك
وفي دعائك وفي كلماتك
العرض العادي
