عاوزين هديه يابنات ؟

عبدالعظيم م · 28-06-2008, 16:31

نجحت بنت خالتي في السودان
في الشاده السودانيه بمعدل
92%
اتصلت فيني وفرحتني بالخبر
ووعدتها بهديه
بس .......
ما عرفت أهديها شنو؟؟؟
لذلك طلبت مساعده من البنات في المنتدى
أن يختاروا شيئا من هدايا البنات
فهن أعرف بذلك
الرجاء ماتتأخروا علي
برسل الهديه بعد 3 يوم
وتحياتي

عبدالعظيم م · 28-06-2008, 17:52

يا جماعه طالع السوق بعدين
وين احتراف التسوق يا بنات؟؟؟
عليكم الله اسرعوا
في الرد

ام يوسف · 28-06-2008, 18:24

ممكن ذهب(سلسله اوخاتم)او موبايل اوساعه يد
يعنى حسب ظروفك ياعبدالعظيم ............

عبدالعظيم م · 28-06-2008, 20:19

لا لا لا
أم يوسف
داير حاجه محترمه
قلت لاب توب بس عندها

دلوعــه · 28-06-2008, 23:59

شوف احسن شئ جوال و ساعه وسلسل دهب وريحه

باي

.

عبدالعظيم م · 29-06-2008, 00:14

المشكله يا دلوعه
إن أمها سألتها عن أحسن هديه
قالت ليها :
منتظراها من عبدالعظيم
هي قافله علي
يعني لازم أرسل حاجه رووووعه
شوفي حاجه من حاجات البنات الموضه

دلوعــه · 29-06-2008, 00:19

طيب بوريك عن نفسي انا

اكتر شئ بحبو الميك أب ( المكياج ) والريحه والأكسوار

وممكن تشيل ليها جوال راغي كدا

ولي عوده إن شاء الله

.

عبدالعظيم م · 29-06-2008, 01:19

قلت كده
بس اختي رسلت ليها
شنطة مكياج
والجوال
اشتريتو ولمن عرف أخوي الكبير إني داير أرسلو
ليها أشترا واحد ورسلوا قبلي
يعني دايرين يفشلوني
بس على مين؟؟؟؟

African_son · 29-06-2008, 10:07

اقتباس:

المشاركة الأصلية كتبت بواسطة دلوعــه

شوف احسن شئ جوال و ساعه وسلسل دهب وريحه

باي

.

دي بقت شبكة يا دلوعـــــــة ما هدية