من فضلك....أدخل وأجب..

روعة فؤاد · 26-06-2008, 20:27

أسعد الله أوقاتكم...

أحبائي في منتدى عشاق السودان..

..بعد التحية والسلام واللازم منو....

اتمنى من كل من يدخل هذه الصفحة انه يجاوب على سؤالي...

او بمعنى اصح ...سؤالين

س1.. عايز تكون شنو.... بقدر ماتقدروا امشوا بعيد واحلموا واكتبوا اللي في بالكم واشطحوا وطيروا.....ووووو
لكن ارجعوا تاني عشان تجاوبوا على السؤال التاني

وبمناسبة السؤال التاني....

فهو ...

س2....... بعد عدة سنوات مابين ال 5 - 25 تتوقعوا شكلكم حيكون كيف...

وعشان نولعها اكتر

قول العضو اللي قبلك متخيله حيكون كيف (بعد ماتكتب عن نفسك)

....وانا حبدأ و أجاوب عن السؤال الأول....

...أنا ..وأعوذ بالله من كلمة انا...

عايزه أكون الاعلامية السودانية والعربية الاولى

كما أود أن أكون سفيرة السودان لأي من الدول التالية..
(مصر.... الاردن....الأمارات...قطر....وممكن الكويت)

او أكون وزيرة الأعلام...

....وبس

طبعا السؤال التاني

بتخيل نفسي

... مذيعة محشورة في قناة السودان ...

لا قادرة اطلع فوق ولا انزل تحت

ولكم مني كل التحايا والتبريكات للناجحين.....

السودانى2008 · 26-06-2008, 20:56

بالنسبة للسؤال الاول
اتمني ان تكون لي اسرة جميلة وحلوة ومكونة اولا من زوجة صالحة تعينني علي نوايب ومحن الزمان واولاد وبنات..............
بالنبسة للسؤال الثاني
بعد 5-25 سنة اتخيل نفسى اسعد انسان لان لي اسرة ادخل عليهم وانا مبسوط واخرج منهم وانا ايضا مبسوط
وبقول ليك .....
ايه ايه الدنيا ايه غير لمت ناس في خير او ساعة حزن.....

غارسيا ماركيز · 26-06-2008, 22:15

أبقى رئيس المكسيك

شكلي ح أكون رئيس المكسيك

روعة فؤاد · 26-06-2008, 22:47

سوداني...
شكرا على مرورك....

غارسيا...
الله يحقق أمانيك...بس عليك الله ماتنسانا

عبدالعظيم م · 27-06-2008, 02:36

ج1/ أريد أن أكون أفضل من قرأ كتاب الله في
هذا الزمان
وكمان يكون قلبي ما فيه غير الفرح
والسعاده وكل قلوب الناس
ج2/ متخيل شكلي قاعد جنب واحد
أهديت له قلبي وروحي
ولكن فرقت بيننا الدنيا
**********
روعة فؤاد
اتركك تشكرين نفسك
فإني عجزت عن شكرك

روعة فؤاد · 28-06-2008, 13:20

نورت الصفحه بمرورك

والله يحقق أمانيك ..عاجلا غير اجل...

كل الشكر لك أخي عبد العظيم

الفنان · 28-06-2008, 17:26

أحفظ كتاب الله بكل الروايات والقراءات
وأغوص في تفاسيره ومحكمه ومتشابهه
وأكون أولى الناس بتطبيق منهجه على نفسي
وأبلغ من يوصل رسالته ويعلمه للناس
بدون دكتوراهات ولا شهادات

عبدالعظيم م · 28-06-2008, 17:45

فنان
مالك علينا داير تنافسنا
خليني احقق الحلم دا وبعدين
خش فيه انت
بس ماتضايقنا عشان ما بنقدر عليك

روعة فؤاد · 28-06-2008, 19:03

الله يحفظكم.. زي مابتتنافسوا على حفظ كتابه

وشكرا على مرورك يا فنــــــان...

فاطمه · 28-06-2008, 20:18

والله نفسي ابقي غنيه في كك شئ ديني وعقلي ومالي بس مش عشان المال نفسه عشان عندي حلم من اول يوم شفت فيه السوق العربي والاطفال المتشردين عارفين عاوزه افتح ملاجئ ومدارس للتدريب التقني للمتشردين الكبار ومستشفيات خيريه ومنتزهات وووووكل حاجه اقدر اعوضهم بيها عن حرمانهم ابقي امهم وابوهم واعتم الناس انه مانحن الاخترنا حياتنا كان ممكن نكون مكانهم بس ربنا عافانا واكرمنا نشكرو بمساعدتهم
وبهد 5لى 25 سنه بتخيل نفسي قدرت اعمل حاجه وادعو لي اقدر اعمل حاجه