اكيييييييييييييييييد انت في السودان

عاشق النجمه · 18-06-2008, 15:47

آســــــــــــودآنآ آه

لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان

لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان

لو طالعتك إعلانات شركات (مسئول) كبير وهو لا زال (فى الخدمة)… تبقى أنت
أكيد فى السودان
لو (لبد) ليك شرطى (مرور) فى نهاية شارع<SPAN
(إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد في السودان

لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان

لو أنت في بلد وزارة الصحة فيهو قالت (الدواء) ده (فاسد) أحظروهو .. وبعد
شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد ف السودان

لو لقيت فى بلد (الصحف) بتتقفل بى (ماده) فى القانون (معموله)
للمطاعم …تبقى أنت أكيد فى السودان

لما تلاقى الترزي كاتب على باب المحل بتاعو آيه بتقول ( وفصلنا كل شئ
تفصيلا) صدق الله العظيم … تبقى أنت أكيد في السودان

لما تخلص تدخل (مكان) وتيجى تركب عربيتك تلاقى (المساحات) مرفوعه
عشان تعرف على طول انو فى واحد مسحها ليك وح ياخد منك ألف جنيه … تبقى أنت أكيد فى السودان لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى<SPAN
السودان

لو زوجة الوزير مليانة دهب بتتجدع بيه بالعلن في الشارع من غير حساب وأطفالها يملطشوا اولاد الجيران أكيد إنت في السودان
لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان

لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية أكيد أنت في السودان

لو لقيت أنو وزارة الداخلية عندها مؤسسات (تعليمية) ووزارة التعليم عندها<SPAN
مؤسسات (صحية) ووزارة الصحة عندها (شركات إنشائية)… تبقى أنت أكيد ف السودان
لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى (تبقى أنت أكيد في السودان

لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة أنت أكيد فى السودان

لو توقفت (الحركة) إثناء ساعات (الذروة) وإكتشفت أن السبب (كشه) …. تبقى أنت
أكيد فى السودان

لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله …. تبقى أنت أكيد فى السودان

لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان

لو تقدم إبنك (المهندس) لشغل وظيفة وكان (الإنترفيو) عن (صلاة
الجنازة)تبقى أنت أكيد فى السودان

لو (فجأة) إكتشف (المسئولون) أن (الخريف) على الأبواب …. تبقى أنت أكيد فى السودان

لو عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو
(الدكتور) كان ماسك الأشعة (بالمقلوب) …. تبقى أنت أكيد فى السودان

لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد فى السودان

لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان

لو لقيت لوري التراب وكومر البلدية من سنة 50 شغال بالاضافة للرقشة في نفس الشارع اكيد انت من السودان

لو وجدت أن رؤساء (الأحزاب) هم (رؤساء) مدى الحياة …. تبقى أنت أكيد فى السودان
لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان<FONT

لوقريت الكلام دا وما علقت ولا جنيت وكنت بارد شديد ومستسلم أكيد أنت من السودان

عاشق النجمه · 21-06-2008, 15:26

اكييييييييييييييييييييييييد والله

saafaa9 · 21-06-2008, 15:39

لو لقيت عشاق النجوم وعشاق الهلال يتشاكلون بالايادي وبدون روح رياضية

اكيد انت في السودان

وبرضو بنحب وبنعشق وبنموت في السودان

روعة فؤاد · 22-06-2008, 11:58

ياجماعة الخير مالكم على السودان
قسما بالله احلى بلد في الدنيا كلها
عارفه قصدك خير ياعاشق نجمة
لكن السودان ذنبو شنو لو كان فيه (بعض)ناس عايشين
على قوانين و.... هي اقرب ماتكون الى الحماقة والتخلف
السودان ماقصر معانا ... القصرو والغلطوا في حقنا (بعض)ناسه
هم بينهبوا ويظلمو ويملوا كرشتهم
والسودان ياعين امه بياخد اللوم
لكن جزيت خير على كلامك

الفنان · 22-06-2008, 15:08

أخي عاشق النجمة ،،
لك التحية على هذه السخرية الجميلة والهادفة والتي تجبر الواحد يقرأها حتى النهاية .. رغم أنو أذكر مريت بموضوع مشابه .. لكن المضامين تختلف جداً وكلها
تصب في خانة السخرية اللاذعة والهادفة كذلك ..
كل ما ورد في فقرات ومقاطع هذا الموضوع صحيح ويكاد يكون لا ينطبق إلا على السودان ..
وقابل للإضافة والزيادات بكافة أطرافه وجوانبه ..

وكان لقيت في بلد بيشيلوا قبانة من بتاع الكارو والركشة عشان يدفعو لكبار الموظفين رواتبهم .. يبقى البلد دا السودان ..

وكان لقيت في بلد بيمسكوا توريد مادة أساسية وهامة للمواطن لي زول واحد ولا شركة واحدة ويخلوها علي كيفها تبقى في السودان

وكان لقيت في الدنيا بلد فيها الحكومة تتغذى على دم المواطن لتعيش فتبقى انت في السودان

،،،،،،،،،،،،،،
وكثير كثير

بارك الله فيك

African_son · 22-06-2008, 15:29

لو جيت تلقا نفسك بتلقاها في السودان .................... ولا تعليق \

تحيـــــــاتي لك عزيزي على الموضوع

African_son

عاشق النجمه · 04-07-2008, 01:25

عموما يلا سوا في المنتدي انرقي بالسودان الغالي

البرق · 04-07-2008, 19:31

اقتباس:

المشاركة الأصلية كتبت بواسطة saafaa9

لو لقيت عشاق النجوم وعشاق الهلال يتشاكلون بالايادي وبدون روح رياضية

اكيد انت في السودان

وبرضو بنحب وبنعشق وبنموت في السودان

واذا جا واحد واقتبس الكلام دا وكتب بعدو

ههههههههههههههههههههههههههههههههاااااااااااااااااا اااااااااااااااااااااااااااااااااااييييييي

يبقى اكيد انتا في السودان

haytham · 04-07-2008, 20:08

إنت عارف أكيد نحنا في السودان لكن الناس التانين ديل في السودان ولا في أفغانستان؟ إنت جاوبني علي سؤالي بعدين قول لي إنت قاصد منو؟ خليك مفتح.

سودانية كوول · 04-07-2008, 21:17

اكيييييييييييييييييييييد

يسلمووووووووو عشاق النجمه على الموضوع