jOojOo : الصديق هو الوفاء والاخلاص والامان ..

3ashg hana · 16-06-2008, 17:09

أخوتي الأفاضل في صرحنا العملاق لكم التحيه ..

أخوتي ها نحن من جديد .. نستضيف في الكرسي الساخن ..

شخص محبوب لجميع ..شامخ كالأبنوس ..طيب الخلق والمظهر ..

عرفت حروفة الصدق قبل الكتابة ..أقتحم قلوبنا بعباراتة البسيطه الحلوة ..

كان حضور في كل المناسبات ..عرفه الجميع .. بمشاعرة الرقيقة ..

ونحن هنا نتصيد أمثاله ..لننهل منهم ولو القليل ..

أخوتي يجلس في الكرسي الساخن ..

joojoo
فتفضلوا أخوتي بإلقاء أسئلتكم ..

3ashg hana · 16-06-2008, 17:10

أولا" ..

البطاقه الشخصية ..

**معتز زيزي** · 16-06-2008, 20:57

دا اليوم الدايرنه ليك يا جوجو
.
.
طبعاً الكرسي دا زماااااااااااان كان حاااااااااااااااار
وبرد ليهو فترة .....
بس كويس جابوك لينا عشان نولعها (نار منقد)
أها جاهز ....؟؟؟

.
.
أنت البطاقة الشخصية غلبتك ....!!!
أمانه ما وقع راجل ....
.
.
راجع ليك بس اظهر وبان

jOojOo · 17-06-2008, 21:02

اقتباس:

أخوتي الأفاضل في صرحنا العملاق لكم التحيه ..

أخوتي ها نحن من جديد .. نستضيف في الكرسي الساخن ..

شخص محبوب لجميع ..شامخ كالأبنوس ..طيب الخلق والمظهر ..

عرفت حروفة الصدق قبل الكتابة ..أقتحم قلوبنا بعباراتة البسيطه الحلوة ..

كان حضور في كل المناسبات ..عرفه الجميع .. بمشاعرة الرقيقة ..

ونحن هنا نتصيد أمثاله ..لننهل منهم ولو القليل ..

أخوتي يجلس في الكرسي الساخن ..

والله ما عرفت نفسى .. انشاء الله دة أنا ..

يا أهلاً وسهلاً.. بكل العشاااق .. ..
ويا ألف مرحب بيكم وحبابكم ملياااااااااااااار ..

تخريمة بالكرب كدة :

اصلى انا ما عندى زووق عشان كدة ح اخليكم انتو واقفين وانا ح اقعد فى الكرسى دة براااى ... وصراحة مابقدر اخمس لى زول معاى ..

jOojOo · 17-06-2008, 21:13

اقتباس:

المشاركة الأصلية كتبت بواسطة 3ashg hana

أولا" ..

البطاقه الشخصية ..

الاسم : مجاهد بشير الطيب أحمد
العمر : عدوا من واحد لحدى ماااااااااااا ..... تفتروا ..
العمل : مهندس اتصالات ... وحالياً مهندس كمبيوتر وشبكات (افهموها براكم )
محل الاقامة : ام در... الحنان والأمان

تانى شنو ..!! تانى شنو ..!!

jOojOo · 17-06-2008, 21:24

اقتباس:

دا اليوم الدايرنه ليك يا جوجو

.

أبشر .. يازيزى عقبالك كدة انشاء الله ..

اقتباس:

طبعاً الكرسي دا زماااااااااااان كان حاااااااااااااااار
وبرد ليهو فترة .....
بس كويس جابوك لينا عشان نولعها (نار منقد)

ومالقيتو تولعيوها الا فينى انا المسكين دة ....

اقتباس:

أها جاهز ....؟؟؟

ثوانى آخد لى كم تمرين كدة واجهز ليك ..
.

اقتباس:

راجع ليك بس اظهر وبان

ماعندك اى مشكلة ... ونحنا فى انتظارك ..

وماتنسى تجيب لى معاك مسند .. عشان فى جماعة كدة شكلهم ناوين اقلبوها ..

**رغــَــد** · 17-06-2008, 21:45

يا سلالالالالالالام

ابو الجوج حتـــة واحدة

أولا احب ان اقول كلمة حق ... فمن يعرفك يعلم تماماً ان المقدمة
التي تفضل بها اخونا عاشق هناء حقيقية جداً وخالية تماماً من المجاملة

يلا نخش في الجد

سؤالي التقليدي... (قبال ما زول يلفحه)

ما علاقتك بالمطبـــــخ والطبــــــــيــــــخ ؟؟؟!!!

ماتفرح دي الرمية بس

بجيك رااااجعة ان شاء الله

بنت الشاطئ · 17-06-2008, 22:11

جــــــــــــــــــــــــوجـــــــــــــــــــــــ ــــو

ماعجبني ليك

من اولها كده
بعدين بطاقتك الشخصيه دي ناقصه ياخ اهم حاجه ما كتبتها (فصيله الدم)
مهمه شديييد دي

اخليك تاخد نفس من الشباب الشايلين نارهم ديل وبجيك بي ناري انا زاتي

jOojOo · 17-06-2008, 22:15

الغالية رغووووووودة .. بى هنا حتة واحدة ..

اقتباس:

أولا احب ان اقول كلمة حق ... فمن يعرفك يعلم تماماً ان المقدمة
التي تفضل بها اخونا عاشق هناء حقيقية جداً وخالية تماماً من المجاملة

الله يكرمك ..
تسلمى ياست الناس كلك زووق ..

اقتباس:

سؤالي التقليدي... (قبال ما زول يلفحه)
ما علاقتك بالمطبـــــخ والطبــــــــيــــــخ ؟؟؟!!!

دة سؤال ليك .. هسة
اكيد علاقتى بالطبيخ زى علاقتى باللغة الصينية ..麦克：劳驾，西单离这儿远不远 ماعندى علاقة ..

اقتباس:

ماتفرح دي الرمية بس

بجيك رااااجعة ان شاء الله

ياريت لو كل الرميات زى دى كدة ...

حتى انتى بقيتى مع الجماعة .. ..
المهم انا مصنقر ليك فى كرسينى دة .. امشى وتعالى ...