الحقونى بسرعة

سحر حيدر · 09-06-2008, 13:49

شكلى كده
اتهببت وحبيت
كنت صامدة فترة طويلة
لكنى طبيت
وطبعا هو آخر من يعلم
على الاقل حتى الآن
اعمل شنو؟
عاوزه آراء ووصايا ماتخرش الميه

jOojOo · 09-06-2008, 14:02

عزيزتى سحر...
حقيقة اريد ان اساعدك .. لكنى لم افهم اى كلمة مما كتبتيه ..!!!!!

فى انتظارك للتوضيح ...

تحياتى ..

ناعس الاجفان · 10-06-2008, 01:16

لبيك وسعديك يا سحوره وأها دا أنا جيت جارى

شفتى كيف لمن نفسى أنقطع بس شايف
الأمواج قدامنا لاكن مامشكله برضو نحاول
نجيك ولو

ولكى ودنا

African_son · 10-06-2008, 01:25

اديني تلفونوا انا بكلمو يا سحر حيدر والله ده غايتو حظو .............

حاوليه تشعريه بدون ما تكلميه بالحاصل بالظبط لكن حاولى ..........
والله ما عارف اقول ليكي شنو د حاجات اتوماتك تجي
تحيأأأأأأأأأأأأأأأأأأأأأتي

سحر حيدر · 10-06-2008, 10:58

صباحكم خير
طبعا (هو) صارحنى بمشاعرو قبل سنة تقريبا
وانا كنت عاملة البت حريفة
وهسه وقعت لى شوشتى
وزى ماقلت ليكم انامااعترفت ليهو لحدى هسه
اسوى شنو ياجماعة
وووووووب على
الحقونى
وينكم
اختكم محتاجة ليك شدييييييد

اسطوره · 10-06-2008, 12:10

لو انا في مــــكانوا وعــــايـزه تـــبــيــني لــي حـــبـي باالاهـــــتــمام ياســــيـــدتي يـكـــون الاهتمـــام طــوال الـــيـوم مــســـاء الــخــير نــهـارك ســعيد تــــصــبح ع خـــيــر اصــــبحــت كــــيف اهتـــمام بــــهــوس ده بوضح اهـــتـــمام لـــدارجه تــــسبـــب الــــقــلق كـــــده بـــــــعــرف انــــك بـــتــموتي فـــــيـه ـ............ـ.................ــــــ

عمرو عبده · 10-06-2008, 14:36

اقول ليك شنو هسه ياسحر يااختى
اهديك بيت شعر منسوب لليلى العامرية:
قالت شنو ليلى
قالت
لم يكن المجنون فى حالة
الا وقد كنت كما كانا
لكنه باح بسر الهوى
واننى قد ذبت كتمانا

.. قلبى معاكى

ام يوسف · 10-06-2008, 15:28

عايزنصيحتى ياغاليه .
خلى ياخد هوالخطوه الاولى .يعنى لولسه بحبك حيرجع تانى يفاتحك فى الموضوع وقتها ممكن تصارحيهوانك بتبادليهونفس المشاعر.وخدى وقتك فى التفكيرماتتسرعى.اتمنى اكون افدتك.
قلبى معاك

بنت الشاطئ · 11-06-2008, 10:47

يا بت يا سحر حب شنو وكلا م فارغ شنو
ركزي في قرايتك وكان انتهيتي من القراية
ركزي في شغلك المهم ركزي الفي الحاجة القدامك
اوعي من الحب والهباب ده (ده طبعن نسبة للبورة الفيها وكده)

لو انتي عايزة تصرحي لحبيب القلب بي مكنون قلبك
مافي داعي للكلام نهائيا اي تصرف او رد فعل او حتي كلامات
زي ما قال اسطوره صباح الخير ,اخبارك , خلي بالك من نفسك
وحاجات بي الطريقه دي حيفهم طوالي انك بقيتي بتحبيه
اما اذا مافهم يا هناية معناه انو زهج منك ومل من الانتظار (ههههه)

يلا يا بت خليك حريفه نسمع عن الخطوبه والعرس قريييييييييييييييب

المتميزة · 14-06-2008, 02:14

الاخت سحر اهم حاجه اوعه تتهببي وتكلميهو صراحة اوعك اوعك ..
واحسن حاجه انك تجيبيها ليهو بي فوق يعني زي ما قال ليك اسطوره وبنت الشاطئ تصبحي وتمسي وكده .. انشاء الله الفهم وقع .. وبعدين ما تنسي حاجه لو وصلتو المعلومه وجا تاني فتح معاك الموضوع اتقلي شويه يعني ما تتبهلي طوالي ( لكن ما تزودي عيار التقله ) ...
ما تنسي تورينا التطورات ...