محاسنك

بنت الغربة · 05-06-2008, 14:14

أقيس محاسنك بمن

يالدر ماليك تمن

نور عيني نور الزمن

ما شفنا في طول الزمن

سوالك بدري في داخل كمن

الأنوار يتزاحمن

في خدودك اخدن أمن

ومن فاهك يتبسمن

بروق في بروق يتقسمن

دي الدنيا ام جنة عدن

شفنا ملاك لابس بدن

إنسان لكن مفردا

حاز الننور حاز اللدن

غصنه مهفهف أملدا

وهيبة اسد في عيون شدن

يالجبرة المازجة العدن

وجسمك بالطيب إنعجن

إذا النسمات بيك عرجن

طبقات الجو يتأرجحن

والأنفس يتهيجن

إنت نرجس من الوسن

لعيون الأعين جسن

إنت آية الحسن الأسن

وغصون الروض يتمايسن

في ذلك الزي الحسن

وكل حسن مالك حسن

روضك زي عارضين صفن

حلاك سحر ما سحر فن

كواكب النور البلصفن

بصفاتك ما إتوصفن

بدور الكون لو ينصفن

يسجدن ليك ما يكون وفن

فيك عيون بالحسن ازدرن

ومهما افكارهن يكبرن

زي حسنك ما يعبرن

مع البدرين سيرك سرن
من وزنك هن يقصرن

ام يوسف · 05-06-2008, 16:18

الله الله يابت الغربه على الدرر

African_son · 05-06-2008, 18:51

الله الله الله
لو في زيك 2 يا بت الغربة ............

تحيــــــــــــــــــــــــــــاتـــــــــــــــــ ـــي

بنت الغربة · 05-06-2008, 21:05

الله يخليكم ام يوسف وافريكا سن د بس من طيب اصلكم

ناعس الاجفان · 05-06-2008, 21:18

لكى منا الشكر والتقدير /بنت الغربه

ونحي فيك هذا الذوق الراقى وأنتى
تبحرى بنا مع مرغنى المأمون وأحمد
حسن جمعه فى هذه الرائعه الفريده

بنت الغربة · 05-06-2008, 21:32

تسلم اخوي ناعس الأجفان وبشكرك على مرورك الكريم

الرسام · 06-06-2008, 01:18

كثر خيرك بت الغربة
الحاجات دي من زمن العشق النبيل
والزمن الجميل
الطرب الأصيل
والنغم الما ليه مثيل
اتحفينا كل مرة بواحدة من روائع الحقيبة
لكي يتطلع عليها هذا الجيل
ولك كل الود

بنت الغربة · 06-06-2008, 14:23

شكراالرسام على الكلام الحلو دة وطلبك من العين دي قبل العين دي

اشجان البـــ الحديقة ـــت · 07-06-2008, 01:13

يا سلام على الكلمات الجميلة
اختيار ممتاز
سلمتى بنت الغربة
كونى بخير

بنت الغربة · 08-06-2008, 01:37

تسلمي اشجان وبشكرك على الرد الجميل