امتحانات للجميع

اسطوره · 05-06-2008, 10:54

بسم الله الرحمن الرحيم

التحيه الي الاعضاء الكرام والتحيه ايضآ الي الساده الادارين والمشرفين بقدار زخأت المطر
وفيما هنا اود الاطلع علي تجاربكم ومواقفكم في اوقات الامتحانات اومواقف مرات بشخاص تعرفهم او برنامجك وانت تعيش اجواء امتحانات واتمنى انا ينال موضوعي اعجابكم ....ودمتــــــم

دلوعــه · 05-06-2008, 15:26

انا أبدا ليك يا أسطوره

أول شئ انا ما أذاكر إطلاقا ولا نص ساعه

وقت الإمتحانات أجي أبكي والماما ما شاء الله عليها تشاكل أخواني أخوتكم ليش ماتذاكرو ليها (طبعا لاني انا بت واحده عند أمي ) دلع شديد....ههههههه

وطبعا مابسقط لكن بجيب أعلي من نصف الدجه بدرجتين ثلاثه ( لا حد يحسدني )

الشئ الثاني وأنا صغيره كنت أرفض اروح المدرسه (يجي أبوي وأمي يحنسوني أستسلم وأروح يوم إكون في إمتحان الله لايوريكم أعمل نفسي مريضه شويات بكاء

علي دلع وما أروح المدرسه )

والباقي ما بقوله عشان ماتضحكون علي

هههههههههههههههههه

دمت إسطوره.....

.

African_son · 05-06-2008, 16:12

اسطورة موضوعك جميل لاكن وقت الامتاحانات ده انا بخاف كانو ماشي للنار
بيعمل حرب اعصاب وبعد الخوف دا مرات بننجح ومرات بندقس
وبعدين يا دلوعة امشي شوفي قرايتك الامتحانات على الابواب

ودمتم

تحيـــــــاتــــــــي

دلوعــه · 05-06-2008, 16:45

اقتباس:

المشاركة الأصلية كتبت بواسطة African_son

اسطورة موضوعك جميل لاكن وقت الامتاحانات ده انا بخاف كانو ماشي للنار
بيعمل حرب اعصاب وبعد الخوف دا مرات بننجح ومرات بندقس
وبعدين يا دلوعة امشي شوفي قرايتك الامتحانات على الابواب

ودمتم

تحيـــــــاتــــــــي

كده
African_son تحرجني

علي العموم مشكور وانا في الجامعه

وانا مادايره أقرا ومخي ده ( مقر شاهو)

.

African_son · 05-06-2008, 16:47

دلوعة ما تقول لي بتقري في Aou
دي الوحيد في السعودية

الحالمه · 05-06-2008, 17:12

يالهوتي يالهوتي من الامتحانات
انا طبعا ايام امتحانات الشهاده اي ماده عندها مزاج براها وطريقة قعده خاصه وطريقة قراية خاصه مثلا الكيمياء مابقدر أدرسها الا فوق راس الدولاب بتاعي (مبالغه شديد طبعا لكن دي الحقيقه) بس حسي في الجامعه الحمدلله تخصصي مافيه دراسه كتيرة يعني يادوب ايام الامتحانات حتى اجي ابدا ادرس وبي مزاجات برضو بعدين مابقدر اقعد في مكان واحد وادرس يعني في مواد لازم اكون لافه في البيت كلو وانا بدرسها ربنا مايعيدها الايامات ديك.
بس موضوعك جميل خالص وتشكري عليه

بنت الغربة · 05-06-2008, 21:17

والله اكتر وحدة مفروض تجاوب هي أنا لانو انا يادوب مخلصة من ثاونية عامة والحمد لله نجحتا لكن كانت تجربة اكتر من صعبة يعني كل الحلات الهستيرية والخوف والرعب بتكون جواك الحمد لله ما دخلتة مستشفى مجانين

زاااهر · 05-06-2008, 22:32

انا في امتحانات اولى ثانوي كنت عايد دور تاني في 7 مواد وتخيلوا معاي المواد شنو:
تاريخ-جغرافيا-ادب-نحو-توحيد-حديث-حاسب الي.
لما اخدت الورقة ولا كضبت مشيت زورتها وعملتها مادة نحو فقط
وناس البيت اقتنعوا بالموضوع دا يالله تعالوا للمذاكرة طبعا بقرا لما ناس البيت ينومو ولا لما يطلعوا ولا احيانا بخت الكتاب داخل جريدة وكدا يعني.......
جا وقت الامتحانات:
مسافة المدرسة للبيت تقريبا بالسيارة ربع ساعة انا كنت بمشي بالعجلة بعد صلاة الصبح وبصل وقت الامتحان.
اليوم الاول جغرافيا امتحنت ورجعت البيت والاهل بسالوا اها الامتحان كيف؟؟؟والله مشيت اشوف الجدول.
اليوم التاني توحيد مشيت امتحنت اها ناس البيت الامتحان كيف؟؟؟والله الاستاذ بتاع النحو قالوا في اجازة.كل يوم في كضبة ورا كضبة
اليوم الثالث امتحان النحو اها حليت كيف؟؟؟والله تمام لكن بكرة داير امشي المدرسة عشان اعرف الشهادات متين.
اليوم الرابع امتحان الادب اها النتايج طلعت؟؟والله لسة قالوا تعالوا يوم السبت
يوم السبت كان امتحان الحديث والتاريخ امتحنت ونفس السؤال اها النتايج طلعت؟؟لسة وعدونا بكرة
الاحد امتحان الحاسب امتحنت ورجعت النتايج متين؟؟؟؟؟قالوا لي يوم الاربعاء
لما رجعت البيت طبعا دي الحاجة الوحيدة الماكضبت فيها قولتا ليهم النتايج يوم الاربعاء ابوي شك في الموضوع الحاصل شنو قالي انا ماشي معاك يوم الاربعا اشوف الحاصل ,اوكي تعال معاي ولما دخلت المدرسة وجنبي ابوي تخيلو لقيت شنو..............
-
-
-
-
-
-
-ناجح بتقدير جيد
وطبعا تانية ثانوي فيلم برااااااااااااااااااااااو

اسطوره · 06-06-2008, 02:09

كان لي عظيم الشرف ان ان نألت شرف تعليفأتكم علي موضوعي الاعضاء افريقي والغاليه دلوعه والاخوات الحالمه وبنت الغربه وكل عذيز ادله بشأرته في البوست بس خوفتني وانا خاشي امتحانات نهايه الجامعه الواحد يجيب البلاوه لي نفسو هاهاهاهاهاها امزح

فجر جديد · 07-06-2008, 18:54

[color="Purple"]واااااااااااااااااااي انا من الامتحانات دي
يعني جد يا جماعة اكتر كابوس انا عشتو في حياتي كان
امتحانات الشهادة الثانوية
كمان الامتحانات دي كوم وانتظار النتيجة كووووووووووم تاني
يعني الناس ذاتها ما تريحك تشيلك هم ذيادة
وما ذلنا منتظرين
ربنا يستر دعواتكم