من طرائف ابو داؤد

monty90 · 02-06-2008, 15:01

عبد العزيز محمد داؤد هو ولا شك ابرع اهل الفن طراً فى تاليف النكات الا تعليقاته وحكاياته: كان ابو داؤد قد اخذ قرضا من البنك الزراعى واككترى بعض فدادين فى الحلفاية زرعها برسيما ولكن مشروعه فشل ولم يعد عليه بقرش واحد ولاحقته ادارة البنك لتسديد القرض وإلا... فكتب اليهم يستعطفهم(أنا عندما عملت المزرعه دى كنت قايل نفسى حابقى زى عزيز كافورى بقيت عزيز قوم زل).

كان لأسرة ابى داؤد كلبة مدللة اسمها"فلة"..وعندما ماتت حزنت عليها زوجته المصرية فوزية حزناً مبالغاً فيه.فقال لها مواسيا ايا"فى مصيبتها": يا فوزية شدى حيلك انا الجيران جايين يعزوك.

فى احد الايام كان على المك يقود عربته ومعه صديقه ابوداؤد الذى قلما يفارقه، وعند مدخل سوق الموردة توقفا ليسمحا بمرور قطيع من الخراف وفيهم كبش بنى اللون نبيلة ، فتأمل فيه ابو داؤد وقال "خروف كموش"

ومن طريف ذكريات ابى داؤد فقد روى بأن الاذاعة القديمة كانت عبارة عن منزل بالايجار لعله فى بين الامانه وكان لمالك المنزل ابن اخت سكيراً وكان كثيرا ما يأتى مخموراً الى الفنانين فيتحرش بهم ويتشاجر معهم بدون ادنى سبب ويصيح بهم ان (اطلعوا من بيت خالى)
قالواابوداؤود كان شغال حفلة وبعد ما غني الفاصل الاول الجماعة نادوه للعشاء فعلي حسب عادته قال عاوز يتعشي مع الجمهورقام قعد في طربيزة ومعاه مجموعةجات الصينية الاولي عاين فيها لقاها فقرة (رقبة)..عاين للصينية التانية برضو لقي الضلع فقرة (الجماعة كانوا ضابحين خرفان كمية)التالتة برضو كداقام نادي العريس وقال ليهو اسمع يا خوي انتو ضابحين زرافة ولا شنو؟؟

ابوداؤد كان بغنى فى حفلة والصف الاول كان كلو جكس حجم عائلى كلو واحدة اسمن من التانية وبعد الاغنية الاولى قام الجماعة كوركو ليهو بالله يا استاذ فريع البان ...قام عاين ليهم وعاين للصف الاول...وقال ليهم فريع البان كيف مع شجر التبلدى بتاعكم دة

ومن الطرائف التى يحكيهاعبد العزيز محمد داؤود عن زوجته الفاضلة فوزية محمد حسين انها ابان الفترةالاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟يقول: الاذاعة…
هى: وحتجى متين انشاء الله ؟؟؟هو :بعد ساعتين..
و فى وقت اخر:عبد العزيز ماشى وين؟..
هو: عندنا حفلة عرس فى امدرمان...
هى :وبتجى متين انشاء الله ؟؟؟هو: بعد اربعة ساعات
..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟؟؟

طيب الله ثراه.........
ارجو ان تنال رضاكم
.