فتق الجـــــــــرح

الدابى · 28-05-2008, 00:43

التحية الي جميع زملائي
بجامعة السودان بدون ذكر اسم
وتحيه خاصة لأجمل عيون شفتها في العمادة
ياريت لو كنت بعرف اسمها كان............. لكن

القصة ياجماعة انا كنت جوه القاعة
راقد علي إيدي سارح همومي كتيرة
برتب في الاوضاع ومشاكلي باقية تقيلة
معزول من الحولي والشلة والضليلة
من الصباح بدري قايم علي الميري
وأفكاري مشغولة في اللاب وفي تيستي
الكل داير حقو ولازما نعدل الميلة
أفكار كتير شغالة بالجنبي ما حاسي

ورفت راسي في ضيقة
قابلني شي يحير
وجها صبوح ناير
وعيونها ياخي عجيبة
اكبر من الفنجان
فجاة العقل طش
وافكاري فات وين
محتار لي هسه
لوما الحقيقه الراسخة
نحن جوة القاعة
بحلف بقول قمره
وسط النجوم طاشه

داير اشيل نظري
السمحة بتعاين
والله بتعاين
قرزت سهام حاده
ممزوجة بي بسمة
هددت كيان قلبي
اصبحت زي درويش
وغرت في النوبة
وأحوالي مقلوبة

والسمحة بتعاين
ياخوانا وين العدل
من السمح لي السمحه
تهتك جدار قلبي
وأداها تأشيره تدخل مدن محميه
مجروحة ليها زمن..!!!
حاولت اتنكر وأشرد من الإحساس
جابتي بنظرة ورمتي بي رحمة
في قمه الذكري
كتمت علي نفسي
وخلتني اتشهق

الفنان · 31-05-2008, 18:18

والله أخوي الدابي الله يكون في عونك

قبلك زمان .. نفس المكان
كان فيه بركان انفجر
كان فيه طوفان
طاف على كل القلوب واتدفقن
كان فيه درب الريد بحر
كانت حدائق وجنة محفوفة
وقمر
كان في ميادينه الصباح
يشرق وكت تاتى وحضر
تشرف ظلال وتعود تلال
يهطل مع الأشواق مطر
آه يا قليب .. لكت الصبر
وطبقت رمشيك لا الصباح
شايل السهر ما ضقت نوم
تبكي وتصبر في الخلوق
لمان قطار الشوق عبر
سافر وساق زولا عزيز
لا هسى محفور اسمو
في جواك حفر ...

نبراس الامل · 01-06-2008, 13:33

العيون التى فى طرفها حور ...
قتلننا ثم لم يحينا قتلانا ....
*******************
جننى ياخى العيون ياحلاتن ....
هن اساس الريد والفنون .......
(الله يكون فى عووووونك اخى الدابى وخلى بالك ..... الحب صعب برميييك عديل ) ......

African_son · 01-06-2008, 14:53

والله روائع وتسلمو جميعاً