غرقت في بحر الهيام من دون إذن
حبيتها من غير يستشير قلبي العقل
فسرتوا أحساسها الرقيق ترحاب وحن
ومشت خطاي تهاوي لي شاطي العذاب
وانا في حلم
عائيش سعادة مكملة في ضل ضهر
وانا منسجم
وبنيت قصور أمال تجول أفكار جميلة منمقة
أكبر حلم في دنيتي وقع البحر
حاولت أعوم ظنيت جناح حبي الكبير
يبقالي ضئ
ينشلني لي بر الأمان يحوينا تحتو وننسجم
أطفال صغار بتنسمو ريحة البحر
ويتماسكوا ويتحاضنوا ويتونسوا
ونلم تراب قيف البحر في مستطيل
نبنيهو بيت ونجيب رفات قش البحر
نكسيهو سور ونلونو بي حبنا
ومشت معاي أدتني إحساس بالأمل في كلمتين
بقن لي زاد وحرمت زاد يدخل جواي
قفلت ابوابي إكتفيت
ونسيت تقاليد الزمن
نحلم بدون نعرف تقاليد الحلم
حتى حلم مخصوص لناس
لازم جواز شان العبور
من نقطة الماضي السجم
واكتب بي دمعة الماضي الكئيب
كفؤ الحلم من دون فهم
إستسلم الحلم الجميل
واحتسب حبي الكبير
من دون مقاومة أو فعل
وانكرت أحكام الزمن
وبكل أسف قالت لي في عز الجمر
كفء الحلم وأقبل بأحكام القدر
العرض العادي
