بنادول كالعادة زهجان ..
قعد يفكر و يفكر ليه هو طوالي كدة ؟ و ليه اي زول تهبشو تلقاهو هو زاتو زهجان؟
لقيت مشاكل الشباب عموما بتتلخص في تلاتة حاجات رئيسية :
1- الشغل او القراية .
2- الحب , العرس ( مرض حامد يعني ) .
3- ناس البيت و في بعض الاحيان نقة ناس البيت .
طبعا بنادول نمرة اتنين دي قايمة بيهو شديد , في عز المعمعة الكانت حاصلة في امدرمان الايام الفاتت , بنادول مشى نمرة اتنين مع جماعة شباب يعضو في بابا حسين بتاع نمرة اتنين , و زي المتوقع الناس كانت بتتنتاقش في الحاجة الحاصلة , و الموضوع مسخن للطيش , فجأة الجماعة اتلفتو لقو بنادول عيونو رغرغن و داير يبكي ,,, مالك ياخينا ؟ خلاس الوطنية كاتلاك ؟
بنادول رد : وطنية شنو بالليل دة يا جماعة , عليكم الله عاينو لي فساتين الزفاف دي معلقة كيف تشهيك للعرس , و الله بنادول قالها من جوة قلبو
نمرة واحد دي اساسا فاقعة مرارة بنادول , بنادول دقس زمان و قرا طب , اريتا دقسة السجم و الرماد , اول مرة اكتشف انو ( إطلبو العلم من المهد الى اللحد ) دي قاصدين بيها الدكاترة , لي يوم الليلة بنادول بيبحت و يقرا مع انو متخرج ليهو تلاتة سنين ( معلومة سغيرة : و الله بنادول كان نفسو يطلع حلاق لكن ربنا ما وفقو , فضل طريقه و اصبح دكتورا )
اما نمرة تلاتة دي خلوها ساكت ... دي دايرة ليها بوست براااااهو
المهم , بنادول عمل فيها د/ فيل و حاول يثبت صحة نظريته الاجتماعية دي , و لحدي الآن ماشي كويس تماما , معظم الشباب السوداني يعاني معاناة شديدة بسبب الاسباب المذكورة اعلاه , وحسي جاي اطبق فيكم نظرياتي دي و اشوف الزهجانين منكم سببهم شنو و هل السبب واحد من التلاتة ديل و للا حتردموني بي حاجات تانية ... داير كلو مان أو مانة ينداااااااح و يطلع الجواهو ... و ما تخافو و الله ما بكلم زول
والله يابندول استعد ساكت للحاجات المزهجه الناس وافتح دفاترك وسجل المزهج الناس ديل ماشويه انا المزهجني حاجه واحده بس كان عرفتها مابتتحسر علي توب الزفاف لا هي شنو ياجماعه مابقيتوا تلاته .... مع اني انا وهي مقتنعين بي قسمتنا بس البشريه مابتريح
والله يابندول استعد ساكت للحاجات المزهجه الناس وافتح دفاترك وسجل المزهج الناس ديل ماشويه انا المزهجني حاجه واحده بس كان عرفتها مابتتحسر علي توب الزفاف لا هي شنو ياجماعه مابقيتوا تلاته .... مع اني انا وهي مقتنعين بي قسمتنا بس البشريه مابتريح
اخونا abdon تسلم كتير على المرور ... طيب ممكن نقول تقريبا كدة مشكلتك تندرج تحت نمرة تلاتة و شكوتك ( النقة ).....
غايتو يا حبيب ربنا يعينك و يبقيك تلاتة عشان ترتاحو شوية....
إندياحة جونز
, في عز المعمعة الكانت حاصلة في امدرمان الايام الفاتت , بنادول مشى نمرة اتنين مع جماعة شباب يعضو في بابا حسين بتاع نمرة اتنين , و زي المتوقع الناس كانت بتتنتاقش في الحاجة الحاصلة , و الموضوع مسخن للطيش , فجأة الجماعة اتلفتو لقو بنادول عيونو رغرغن و داير يبكي ,,, مالك ياخينا ؟ خلاس الوطنية كاتلاك ؟ 
العرض العادي
