متأسف..جدا

عبدالمجيد عشريه · 13-05-2008, 05:44

السلام عليكم

اول شي اسمحو لي اتكلم بالدارجي .. ملاحظ بالجد شي غريب
مافي زول عايز يرد علي ..ولا حتي في الترحيب غير ناس معينه مشكورين شديد..الباقيين ما بتردو علي مواضيعي ليه؟؟؟؟؟؟؟ خايفين مني...؟؟وله محصور علي ناس معينه المنتدي؟؟؟علي العموم مشكورين جدا وتاني ما مشارك..مواضيعي الموجوده زاتها ممكن الادمن يمسحها..وغلطان انا..واسف خالص..سلام

محمد الامين عبدالرحيم · 13-05-2008, 10:37

صديقي الوارف عشرية

سلام ينضح بالعذوبة

صديقي تمهل بالحكم علينا ولا تُغالي

فليس هناك ما يدعو للخوف منك

فأنت مازلت في بداية العطاء

الذي اتمني له عدم الانقطاع

صديقي تمتع بروح المثابره

واصل هديلك النامي علي امل التميز

ارهابيه · 14-05-2008, 10:26

الاخ عبد المجيد انت لازلت في بدايتك فلماذا الاستعجال .. نحن لانتجاهلك
ونعتذر لو وصلك الفهم ده ..
لكن يا اخوي اسمع كلامي اي واحد فينا برضو لمن بدا جديد ما بيلقى ردود كتيره لكن شويه شويه الموضوع بسلك ..
طول بالك وما تاخد على خاطرك ..

الفنان · 14-05-2008, 14:20

هون عليك أخي عشرية
إنت قلم يبدو أنه له لونه الخاص وشفافية وعمق مميز
فاترك فرصة للآخرين يتعرفوا عليك بنفس العمق واجذب إليك الآخرين بمدادك ستجدنا كلنا حماس مثل حماسك
قف تمهل
وسنقرأ لك الكثير

ام زوبة · 15-05-2008, 13:40

اخي عبدالمجيد

حقيقة في الايام الماضية لم يكن تواجد الاعضاء كما كان من ذي قبل
فلا تتضايق من عدم الرد ،، صبراً علينا ..
و

وبالتأكيد حنستفيد منك
وما تزعل مننا

وحقك علينا .........