ســــــــــــــودان الخــــــــــــــــير

ود البدري · 10-05-2008, 01:26

اليوم قررنا نحن نقوم
ولي سودانا بكرة نسافر

عشان نلاقي ناس طيبين
وبي لقياهم يطيب الخاطر

ولما نكون مع ناس سمحين
ما بنفكر في يوم باكر

ولما بنشرب موية النيل
ننسى الهم الغائب وحاضر

عشان سودانا فيه الخير
وبيهو أنحنا ديما نفاخر

عزة ورفعة دين وشمخ
ما بتحكم فينا يهودي وكافر

خصبة أرضنا علينا تجود
بالمحصول الاجود وفاخر

القطن الأبيض زي الماس
ننتج منو النوع النادر

القمح الأصفر من انتاجنا
نأكل منو الخبز الفاخر

الصمغ العربي للتصدير
من عايداتو الخير الوافر

الفول سوداني كمان السمسم
نطلع منو زيوت في معاصر

العيش الأبيض زي الماس
يأكل منو البادي وحاضر

الفاكهة كمان أشكال وألوان
حامض وحالي طعمو سكاكر

ثروتنا كتيرة بقر وجمال
والضان والماعز طالع صادر

اسطولنا البحري في موانينا
من أنواعو سفن وبواخر

دفاعنا الشعبي دعم حقيقي
لي قوات الشعب الكاسر

والبترول في بلادنا كتير
نطلعوا بي خبرات وكوادر

السلام التام لي بلدنا يعم
ميري وشول مع نور وجواهر

ملوال ومجوك في شندي ومدني
وخالد وأحمد في جوبا والناصر

ياالله تحقق لينا أملنا
نعيش أتباع لنبينا الطاهر

نقضي ونحكم بي شرع الله
نطبق دينا وبيهو نفاخر

نطبق دينا وبيهو نفاخر

ودالباز · 10-05-2008, 09:52

وطنا البي إسمك كتبنا ورطنا .....................مشكور ود البدري .....أيد البدري قومي بدري وأزرع بدري شوفي كان تنقدري ...
واصل يا بطل

ود البدري · 16-05-2008, 15:03

شكراً أخي ود الباز على المرور وهذا أقل ما يمكن أن
نعبر به عن حبنا للوطن وفخرنا واعتزازنا به ..

الفنان · 16-05-2008, 23:15

أخي ود البدري
بارك الله في قلمك ورد غربتك
مشاعر رائعة وقلم مبدع وحساس

ربي يحقق حلمي وحلمك
وأحلام كل الشعب الصابر
ويجمع بي رحماتو وكرمو
شمل القضي عميرو
مسافر
ربك عالم بينا وقادر

ود البدري · 18-05-2008, 20:46

شكراً أخي الفنان على مرورك وتشجيعك
وحقيقة الواحد حاسي إنو مقصر تجاه الوطن
ولكن يكفي ماتكنه القلوب ..