جايك في وقت الغروب
سابق الاصل.... اتنفسك
جايك شايل .....ليك في
جواي محنه.... بتسعدك
سابق الزمن واتحدي بيك
كل الظروف عشان أوصلك
عاهدت نفسي أكون ...إليك
أديك عمري.... وأحتويك
بقيتي لي لوحة جمال
مرفوعة فوق في منظرك
بتمعنك !! بتأملك
أمد يدي دار أوصلك
بتحسسك انك معاي
بلقي الأمان في ذكرتك
نفسي و مناي
أفضل وأعيش في حضرتك
تبقي حلمي ألفي حياتي
وابقي زاد في سكتك
واعبر معاك كل المحن
ماسك أيديك معتز بيك
أنا فيك قلت ألف مقطع
وفي عيونك ألف بيت
أنا ذي محاسنك ما لقيت
وفي سواد شعرك بنيت
من ضفائر خصلتك
خطت كيف أوصل إليك
وكتبت بخط عريض
في كل سكه وكل بيت
(والله بحبك )
وما إكتفيت
كلمت بي حبي القمر
وشهدته ليك كل النجوم اخلص اليك
كتبت فوق قيفة الهدف
بلون دماي
حبك شرف
العرض العادي
