رباعيات هلالية

ام زوبة · 26-04-2008, 23:05

اربعة مليون مبروك للبطل وسيد الاسياد
حبيبنا
وشوف بالرغم من الجو السئ الا وانه قد احرز اربعة اهداف
وثأر من صن داونز ومن مدربه الذي تطاول علي لعب
الموج الأزرق في ملعبه ووعد بتحطيم خرافة ملعب الهلال
ولكن .... لم يكن
لعب جميل وتهديف اجمل
فكيف كان سيكون الحال لو كان الجو صافي !!!
مبروك والي الامام

**طائر النورس** · 27-04-2008, 04:34

الف مبرووووووك لسيد البلد وان شاء الله يواصل دوماً على دروب الانتصارات وكأس افريقيا السنة دى مابنفرط فيه نهائى ...

وقف مشاهدك يا زمن
راجع دفاترك يا محال
في السكة موج أزرق هدر
تاريخ ندر أسمو الهلال

الملعب الأخضر سكوت
ساكن الخطوط من هيبتو
كل المساطب من قديم
عرفت جلالو وعزتو
حتى المقاعد والسياج
أدوا السلام لي روعتو
أهو دا الهلال قيمة ومثال
تاريخ عظيم في فكرتو

حيوا الفريق العالمي
حيوا الهلال رمز الفخار
فرسانو قلب بيدق وفاء
ويتفانوا في حب الشعار
جمهورو في التشجيع أبان
في كل حوبة وأنتصار
شمس الرياضة الضاوية نور
عزم الصمد القلبو نور

يا بصمة الدم في العروق
أزرق مع أبيض يحوق
يا مارد إفريقيا الصعب
بين العرب زاهي الشروق
كل ما تواجه وتنتصر
لي نصر تاني يجينا شوق
ما أصلو قمنا على شعار
بنقولوا ديمة هلالنا فوق ...

mejo_33 · 27-04-2008, 10:38

القادم احلا.....

ام زوبة · 27-04-2008, 11:55

اقتباس:

المشاركة الأصلية كتبت بواسطة طائر النورس

الف مبرووووووك لسيد البلد وان شاء الله يواصل دوماً على دروب الانتصارات وكأس افريقيا السنة دى مابنفرط فيه نهائى ...
وقف مشاهدك يا زمن
راجع دفاترك يا محال
في السكة موج أزرق هدر

انشاءالله طائر النورس نكون اهلاً له وللبطولة وان كان لنا بإذن الله
فسيكون لنا بالمجهود الجبار والإخلاص للشعار ولروعة هذا الموج الأزرق
كل التحية ولك الشكر علي الكلام الرائع .....

الرائع mejo _33
حلوة منك والله ،برضو عشان التاريخ

بنت الشاطئ · 27-04-2008, 12:05

مبروك مبروك مبروك مبروك

الهلال حبيب الملايين
وياها المحريه فيك

والي الامام الي الكأس

abdon · 30-04-2008, 16:34

الف مبروك والي الامام والتحيه لابطال الهلال علي الفوز الغالي والسمين ونتمني مواصلة المشوار والتاهلي الي دور ال16

الأسد · 30-04-2008, 17:49

والله ألف مبروك حضرناها وكأننا هلالاب وهنينا الهلالاب كان يفهموا معنا انو الفريق لاعب بإسم بلده ..
بالرغم من مريخيتي إلا أنني أعتد تهنئتكم يا هلالاب وهيمو يشهد بذلك والله خير الشاهدين بس ما شفنا منكم يوم غلبنا في نفس اليوم وفي أرضهم 2/صفر فريق الهضاب ..
تمنياتي بإستمرارية الفوز للهلال وبلوغ الكأس وللمريخ كمان والمنتخب كان منه رجى ..
من جديد بقول مبروك ولو متأخره نسبة لظروف حصلت في نفس يوم الكورة ..

ام زوبة · 01-05-2008, 14:20

مسروقة وكمان بالنص ......!!!!!

فارس الرومانسية · 01-05-2008, 15:12

مبروووووووووووووك ومليوووووووووون مبرووووووووووك