|
بناتنا .... ماذا قالن عن الزواج العرفي ؟؟؟
نحنا بنات قبايل .... في شرفنا .... ما بنساوم
وكـلـو دخـيـل عـلينا .... والله ليهو.... نـقاوم
مستـورات دوام .. لصلاتـنـا ديـمه .. نــداوم
ما جينا نلعب ونطرب .... مع كل واحد حـايم
مجتهدات في دروسنا .... مـا فـينا زولا هـايم
وحق الزمالة نصونو .... مع الأديب الصــايم
والشلة ديك نبراها .. بيناتنا مافيش تـــــأيـــــم
ونمشي مع الجديرة... صلاحه .. بــاين ودايـم
والزواج العرفي .... سمعــنا ..... بيـهو كـتـيــر
وسمعنا بيها كوارثو ...... دمر بيوت .... تدمير
ولازم ..... تقيف الامة ....... وكل زول نحرير
نـوقــف الـفـتـان ....... ونـعادي ......... للشرير
ويـبـقى الـبـلد في أمان ... خـيـرو كـتير ووفـير
نـبـنيهو ونـصونـو .... مـن كـبـير ....... لصغير
والعريس ..... لو جانا ....... لازم يكون مستور
زول دين.. زول اصل .. وبالورع ..... مشهور
واهلو ناس صالحين ..... ناس مشاعر وشـعور
ويتم الزواج .. بين الناس .. لا هناك في قــبـور
ويلعب الجميع ..... بالدلوكة ...... والـطــمـبـور
والزول الكذوب ..... وغريب ... ليهو ما بندور
وبـاكر.. يـسافر بـلـدو .... يـخـلي ... حرثـا بور
وتـبـحث عنو البنية..... وبـكانـو مــا مـخــبــور
وتعيش حياته عذاب .... دهور .. وراها دهــور
|
العرض العادي
