التعــداد ( خاطرتي قبل إنطلاقته بساعات ) رجاء التثبيت

ابوملاذ · 21-04-2008, 19:40

مش تعـداد ؟
واحد اتنين تلات ارباع ؟
عـدونــا !
بس يـاريت بـالحــاجــات
تمـدونـــا
بالتمـويـن والتعـلـيـم والصحـة
وما فيش اصلو زول عــاقــل
يقـول لازم تكفــونــا
كمــان لكيــن .. إيـــاكــم
تغــشــونــا
إمكــانــاتنـا مــا تدســوهــا
بـي امــوالنــا ورونــا
كمــان بـالعـدل والإنصـاف
وزعــوا مــا تفطــونــا
وتــانـي بقــول
واعيــد القــول
إيــاكم تـغـشــونــا
نـاس تسكـن قصــور عــاليــات
ونــاس بالفقـر مطـحــونــا
وناس تلبس حرير ناعــم
ونـاس دبــلانــا ما لاقيــالو
صــابونـــه
ونـاس تـاكـل عنـب وأننــاس
ونــاس مــاريقــه مـا لاقيــالو
طــاحونــة
وناســاً تركــب الســوناتا والفيــرنا
ونــاس فـي الحــافلــه مشحــونــا
ونــاس اولاده في الأحفــاد
وناس اولاده عدم الجامعه
صبحت منو مغبونه
وناس لو مرض فد زول
بالتلفون ينادوا ليهو
كم دكتــور
ونـاســاً تمسكه الحمــى
تكــورك تبقى مجنــونــه
ونـاس بتعيـش نعيــم
الدنيــا بـالـكــامل
ونـاس فـي الدنيــا
نــارن ديمــة مضمــونــه
وفـي الآخــر
كــلامــي عـديـيـل
بوجــهو ليــك
أكــان غــالبــاك !
ســوق نــاســك
واختـــونـــا

الإثنين 21 /4 /2008م

**طارق** · 21-04-2008, 21:37

خاطره جميله تعكس مانهفوا اليه من التعداد ونتمنى ان يصدق من يتغنى بالتعداد كل
يوم في مصلحة البلاد والعباد .. مشكور عزيزي ..

ابوملاذ · 22-04-2008, 13:36

مشكوووووور طارق فقد اضئت البوست

ودالباز · 22-04-2008, 16:24

مشكور مشكور مشكور مشكور مشكور مشكور مشكور مشكور مشكور مشكور أبوملاذ

بس قول عدونا وغشونا ... نقبل يوين يامردونا
إخلينا البلد ياخي ديل طردونا
ساكنين إجار وهم شقق وبلكونا
ضقنا المر أف اف بالله ديل فركونا

.......

نحنا بره بالله بس أحصونا
عشان نجي نكب بترول ملح .... ونضرب تونا
نسوق سيوبر ماركت ... نتفسح ونطق بالونا

............
ماتقولينا نسكن تاني قش ... نشرب بير وننغش ؟؟؟

علي الحسين · 22-04-2008, 16:33

مشكور علي المشاركة في يوم التعداد السكاني

بس في ناس بغشوا ناس الحصا كان هم 5 افراد بقولوا عشرة عشان احتمال اقولوا فيها توزيع بتاع سلطة وثروة وكدا ولا رأيكم شنو

انا ما عارف الكلام دة كيف ممكن تسال ناس الاسترتيجية القومية ولا الاحصاْْْْ ولا ديوان الحم الاتحادي

ابوملاذ · 22-04-2008, 20:07

مشكورين ود الباز وعلي الحسين على تعليقاتكم الطريفة الظريفة .. واصلاً كفتي الميزان هما نحن ( المواطنين ) واجبنا الصدق والشفافية والتجاوب مع العدادين والكفة الأخرى ( العدادين ) يعملو بكل صدق ونكران ذات .. ومن بعدنا على الحكومة أن تجد وتجتهد في توزيع الثروة ( اما السلطة ) فدا طرفنا منها بس بنذكرم بأن الظلم ظلمات يوم القيامة ..