( بركة ) سواها فى الجماعة ( صورة ) ..!!

**طائر النورس** · 16-04-2008, 01:55

احبتى الغوالى
وشرب المريخ من ملح بورت سودان وفقد ثلاث نقاط غالية اثر سقوطه من ( سوكرتا ) الشرق حى العرب
وفعلها اللاعب ( بركة ) ودك حصون المريخاب بصاروخ لايصد ولا يرد ... فهل يعوض المريخ هذه الثلاث نقاط ام ستكون له حجر عثره وتساهم فى فقده للدورى الممتاز للمرة السادسة ؟؟!!
وشوفوا العلقة الساخنة الادها ( بركة ) للمريخاب

ام زوبة · 16-04-2008, 02:02

ااااااااااااااي
البركة فيكم
وبركة الجينا بدري بدري
البركة في الجميع
يبركوا فيك خنق يابركة
ويييييييييييين ناس كبير يامريخ
ناس العلم داك ما شايفنهم
المهم بنقول ليهم بركة الشفته براكم
انا يا النورس ماقايلاك جبت بسكويت بركة ده تشرب به معانا الشاي
انشاءالله بس يكون من دكان عمك بركة اصله راجل بركة
والبركة في حبة البركة قالوا سمحة سماحة ً
خليها سااااااااااااااي
جيب البسكويت ده بجاي
وتعال اقعد اشرب الشاي ده مايبرد

الأسد · 17-04-2008, 11:32

جنس بوخ .. حسي لو ما لاعب اهلي مدني المطرود ده كانو بقى فيكم الحصل لينا ..
غالبين ناس ناقصين 5 (كورة أمس) .. احنا الجماعه تامين أديناهم 6 (كورة أول أمس) .. بعدين لسه ننتظر الجاي .. لسانكم الطويل ده يبقى ليكم بمبي بعدين ..

بنت الشاطئ · 17-04-2008, 13:23

ما عجني للمريخاب بي لسانهم الطويل ده
وبركاتك يا بركه باقي الموسم ده
وان شاء الله ما يشوفوا الكاس نهائيا
ويبقي خشمهم ملح ملح وانا متبرعا ليهم بالملح من هنا (بورسودان)
شنو وين يا عاشق هنا ما سمعنا صوتك
مع بركة

sanagah · 17-04-2008, 14:36

**طائر النورس** · 18-04-2008, 05:49

اولاً يالاسد ماتتضايق ...
ثانيا شكراً على مرورك و الشفناك طيب ..!!
انتوا بس تلقوا لى الحمام الميت دة وتتفسحوا فيه ارجوا الراجيكم ... والله نحن اهلى مدنى دة لو كان بى عشرة او بعشرين كان برضو ( بنرشوا بنرشو ) .. لكن الباقى عليكم انتوا الفرطوا فى الثلاثة نقاط دى وبقيتوا تتجاروا عشان تلحقوا بالصدارة تانى ... وتانى وين وين وين تلقوا زى دة ... تشوفوها فى الشاشة تانى ..!!عليك الله شفت ( هوبة ) مهند الطاهر دى رهيبة كيف ؟؟!!

abdon · 18-04-2008, 21:23

يناس المريخ دي مستو ليكم لقيتو الحمام الميت دا وهاك ياضرب ..... نتيجة مباريات حي العرب والخرطوم ديل طمننونا شديد انو الممتاز حق الهلال للمره السادسه واحسن من بدري تشوفوا ليكم مدرب ولاعبين ناس سيد واخوانه

**طائر النورس** · 19-04-2008, 22:10

والله كلامك صح يااخ abdon
وبالمناسبة دى ليك ولى جماعتنا الطيبين عندى ليكم نكتة لزيزة
قالوا واحدة راجلها مريخابى جات راجعة لبيت ابوها شايلة شنطة هدومها وهى تبكى ..!!
امها قالت ليها: مالك يابتى ؟؟!!
قالت ليها: راجلى طلقنى ..!!
قالت ليها : ليه يابتى سويتى ليه شنو ..؟؟؟!! زعلتيه فى شنو ؟؟!!
قالت ليها : ابداً ياامى بس جبت ليه مع الشاى بسكويت ( بركة ) ..!!!

HimOvicH · 25-04-2008, 16:41

الاسد انت والله اشجع زول

ناس عاشق نفيسة و روميو ديلاك غتسو ويييييييييييييييييييييين