بسم الله الرحمن الرحيم
جلست مع مجموعه من اصدقائي نتسامر في البلكونه في الداخليه بتنزكر في احلي لحظاتنا الحلوه وانحنا في السودان وبي الغلط خشينا شمال وبقينا في اصعب موقف مر عليك وانتا في السودان
قال الاول :
والله كل ما تزكر ما بعرف اضحك ولا ابكي
خرجتامن البيت سايق في كبري شمبات متجه من امدرمان الي بحري تفادياً لزحمه الخرطوم من كبري النيل الازرق مع الصباح قبل ما اخش الكبري واذا باحد رجال المرور يشير الي بالوقوف طبعا ( صاحبنا كان بسب لي بتاع الحركه لي سلسفيل اجدادو ما علينا ) اها وقفتا جاني رجل المرور قاشر نظيف وشرايطو تقول يا غربتي طلب الرخصه وراها ليهو الترخيص عاين لقاهو مجدد اها فتش كدا ما لقا ليهو حاجه اتخيل قال ليهو قال ليهو المنشات ما شغاله وبدا في كتابته ايصال الغرامه , تخريمه( كلو دا مامشكله) ,اها صاحبنا كتم غيظو ونزل يسالو انو المخالفه رقمها كم لانو بيعرف في ظهر اليصال بتوضح نوع المخالفه لانها بتكتب باختصار في االايصال بيسال العسكري اتخيل العسكري قال ليهو شنو يا ابو الشباب جيب حق الفطور وانسا المخالفه والله صاحبنا بيحلف قال والله لو ما فكو مني كان داير ارميهو من كبري شمبات وطبعاً صاحبنا من اليوم داك حالف الا يدق ناس المرور و والده اصر علي سفره بره السودن وطبعاً صاحبنا هارب من حكم تعدي علي رجل قانون اثناء تاديه عمله .
التاني
ابتسم وقال والله ححكي ليكم حاجه ولا في الاحلام ودا السبب الخلاني افكر جدي في السفر و الدراسه خارج السودان.
انا بديت الدراسه في الجامعه (...........) ويعني وصلتا لحدي السنه الثالثه في نظام البكلاريوس قال كنتا محضر نفسي لي مشروع التخرج والتخريج والله يفكنا من الدراسه زهجنا اربعه سنين نمشي نشتغل اشان ننفع اهلنا تخريمه (كان حيلقي شغل وين) اها جات الامتحانات النهائيه للسنه الثالثه وجلس صاحبنا مع العلم وانا والله درستا مع الشخص دا هنا في الغربه مستواه الاكاديمي ممتاز
لقي روحو راسب في مادتين مع استاذ فلان صاحبنا قال يمكن عدم توفيق منو وانشاء الله يحاول يعوض في الملاحق , بيقول جلستا للملاحق وبرضو نفس الشي رسبتا في نفس المواد والنتيجه انو كانت انو ربت واتحرم من اللحاق بدفعتو صاحبنا كان مؤمن بالقدر والمكتوب قال دي ما نهايه الحياه ومكن انا مادرستا كويس السنه دي انشاء الله السنه الجايه ببتعوض مرت السنه وجلستا لي الامتحان النهائي تاني والله وكنتا مستعد ودارس ما دراسه بتاعت مشي حالك ,وجات النتيجه كل المواد نجاح الا مواد استاذ فلان يالله دا شنو قال كدي نحاول في الملاحق . تخريمه (عليكم الله عينو الزول صبور كيف ) جلستا لي الملاحق واللمره دي كان صاحبنا جاهز من مجاميعو المواد حافظا صم بخور مجهزو المافي شنو كلو في .
ظهرت انتيجه ونفس الشي .
قال ما بدها نراجع المواد الرسبت فيها يمكن يكون خطي كعب الاستاذ ما قراهو .
اتخيلو رد الاستاذ كان شنو قال ليهو انا مش قبل سنتين جيت ماشي وانتا قعدتا تضحك فيني(حنك بيش ما صدقناهو )طبعاً الحنك الاساسي هدا بتقيف معا خطيبتي ليه(علماً انو خطيبتو استاذه في الجامعه ~) داير منها شنو انتا الحرضتها علي انها تسيبني انتا المليت راسا انا كلموني وانا قاعد عمرك ما حتمر من المواد حقتي وصا حبنا بي الجد ما عندو علاقه معا الاستاذه الا انها كانت بتساعدو في شرح بعض المواد يكفي انها اكبر منو بي 10 سنوات قال لي شكيتو لي طوب الارض اتظلمتا لي ناس الجامعه طالبتا بي اعده تصحيح الامتحانات الاستاذ دا قاصدني وانو استاذ غيرو يراجع الامتحانات اداره الجامعه رفضت بحج انو الاستاذ رئيس قسم ولو استاذ اخر راجع الامتحان بنشكك في مصداقيه رئيس رئيس القسم وختوها ليهو بي الواضح انحنا نصدقك انتا ولا نصدق رئيس القسم , قال والله قنصتا ليهو في ملف من شده ما دقيتو اتفشيت حق السنتين الضيعتهن من عمري وبعدا وجاني قرار رفد لسوء السلوك لمده اربعه سنوات من الجامعات السودانيه .
التالت دا كان اظرف زول انا لاقيتو في الغربه
قال انا حكايتي ما بتنقال سيبوها تحت الحاح الشباب واصرارهم بدا في سرد القصه وقال
انا ما عندي اي شهاده ولا وثيقه شخصيه صحيحه كلنا بي استغراب كيف الكلام دا قال والله انا درستا الثانوي وامتحنتا ونتيجتي في الشهاده السودانيه جات 80% والله يدي الوالد و الوالده العافيه طبعا اصرت انو ما ادخل معسكر لنو في الزمن دا كان في الجنوب وسفر الطلبه لي الجهاد والاستشهاد وانا وحيد امي وابوي .
اها بقيت انو لو عاوز اطلع اي ورقه لازم تجيب افاده من الخدمه الوطنيه بي خلو طرف
وتحت الحاح الوالده اصرت علي موضوع انو اطلع اسافر بره البلد ادرس قلتاليها كيف يا حجه انا ما عندي شهاده قالت لي انتا مالك انا بتصرف اها وديتني لي شخص وصفتو ليها فلانه بت جيران علانه الخدم ابنهم وسفرو بره ابتدينا باول حاجه مشينا طلعنا شهاده ميلاد جديده باسم مختلف من اسمي, تخريمه ( طبعاً الكسره هنا ما كبيره يعني مابتفوت 40 الف بي القديم ) اها ومشينا قال عملنا شهاده الثانوي من وزاره التربيه والتعليم شهادتي زاتا بس ختو الاسم الجديد في الشهاده (هنا الكسره كانت كبيره ) اها طلعتا جواز الخدمه الوطنيه عملوها انو مقضيها كلها (الكسره كانت مليون ) وانا هنا اهندا معاكم مع العلم انوانااسمي الحقيقي فلان الفلاني ساكن في (...........) .
تعجبناجميعاً وسكتنا جميعا وتفرقنا كل شخص الي حال سبيله وانا لم استطع كتمان ذلك وقلت اخز رايكم فيما بدر من اصدقائي هل هو فعلاً موجود
.gif)
هموم طلبه في الخارج .....وبتسالو الناس خلت السودان ليه
[IMG]h
