هموم طلبه في الخارج .....وبتسالو الناس خلت السودان ليه - الصفحة 2

المعذب · 03-04-2008, 20:06

اقتباس:

المشاركة الأصلية كتبت بواسطة ود المبارك

يامعذب ياعزيز
السلام عليكم
انا اختلفت معاك تماما فى الحتة دى لانو اى واحد شاف الغلط وكان حلوا انو يهرب فبالتالى مافى اى زول ح يحدث اى تغيير و السودان ح يكون هو الخسران الاوحد عشان كدة لازم نعلم ابناءنا واولادنا الصح يعنى نجعل الساس بتاعم متين عشان هم الح يغيروا السودان للاحسن لاننا احنا خلاص فات علينا الفوات بس الواحد يصبر
انا معاك انها حاجة حارة بس انو مافى زول يعبرك لكن برضو الواحد يوصل العندو لانو السمع مازى الماسمع
وربنا يهدى القلوب ونشوف سودانا فوق بالجد ما شعار والسلام

الزول دا ما ساب حقو حاول لحدي اخر رمق ومافي زول انصفو هو ما استسلم بس قولتا ليك اخر حاجه وصل ليها انو اخد حقو بيدو ودي زي ما عارف دي شريعه الغاب ودي كنايه يا مان وانالبيب بالاشاره يفهم

المعذب · 05-04-2008, 19:35

نواصل السرد للجلسه الثانيه
للامانه كل الوقائع حقيقيه ولم احزف منها غير الكلام الفارق
المكان
رحله
الزمان مواعيد العصر الشباب اتغدو وجلسنا نتسامر

قالو يواصلو في نفس الموضوع السابق زكره

بداء الحديث

يسرد صديقي
قال وهو متكي علي فرش علي الارض
والله انا اشان اجي هنا بيعتا اناس البيت الوراهم والقداموم تعجبنا فرد باشاره ما تستغربو
انا خريج بتاع جامعه وها فتشتا لي شغل ومالقيت وقلنا ليهو اها انته هنا ما بتقدر تشتغل لانو ما عندك تصريح عمل قال الحكايه ابسط من البساطه قلنا كيف قال انا مما جيت عندي جروح وكسور في جسمي
بتاعت شلاقه زمان قلنا اها دي بتفيد في شنو قال كيف وبتسم ابتسامه زات مغزي شيطاني
قال مشيت مكاتب الامم المتحده وريتوم الجروح وقلتا دي نتيجه لي سوء معامله من الحكومه في السودان انا معارض وطالب للجوء السياسي
واسي في انتظار استلام الجواز .
قال التاني في طريقه اسهل الحكايه كلها ما بتكلفك اكتر من 500$ قلنا كيف قال تمشيتعرس ليك واحده وتديها القروش وبتعمل ليك اقامه لحدي ما يدوك الجواز ضحكنا كلنا وقلنا ليهو اها كان ابت تفكك بعد الجواز اها حتعمل شنو .
يتبع

ibnhashim · 06-04-2008, 11:24

و الله يا المعذب أنا ما بكذب عليك سودانا دا حيصل مرحلة هو زاته حيغترب يمشي القطب الشمالي ولا أستراليا
البلد كلها مسافرة و مغتربة و الواحد بس من يلقى طريقة عمرة ينوي الزوغة قبل العمرة و كان بي مراده يعملها زوغة بس بلا عمرة بلا كلام تاني و الغريبة إنهم بيمشو و يقعدو في الغربة قعدة السودان زاتها
أنا بعرف السعودية كويس..في حتة في جدة إسمها الكرنتينة و الله تخش الكرنتينة دي من أولها ستات الكسرة..ناس الفرَّاشات..بياعين القورو..تسجيلات (ما متزكر إسمها) ندى القلعة صوتها داقي فووق و الحتة بالزبط عاملة زي أبو جنزير بي جهة الأوقاف و الناس في حركتهم هناك عاملين زي شارع المليون بليد بتاع كسلا
والشباب في القهاوي قاعدين زي قعدة السودان للأسف لا شغل و لا شي و من تجي ماري بهم يعاينو لك زي الشماشة بتاعيننا لمن يلقوك قاشر قشرة تقول يا ليل.
و الله الزمن البيتصرف في السعودية في قعدتهم دي كان صرفوهو في السودان بيع طعمية ساي كان بقوا شي تاني
لكن....دايرين الغربة و بس

بي مناسبة الطعمية دي
في محل إسمو ملك الطعمية حاجة كده ما تخلاش في بري
إنت عارف سيده كان شنو؟
كان عنده صاج و اسطوانة غاز سغنتوتة كدي جنب دكان في بري قريب لي المحل الجديد
ربنا فتحها عليه عمل دكان ناصيتين في نهاية الشارع البيجيبك من طلمبة النحلة و بيدخلك على المنشية طوالي و منه لي كبري المنشية الجديد
و الله المحل دا شغال شغل جد
24 ساعة (دي مبالغة) وحكى لي نسيبي ساكن في بري قال لي الزول دا في اليوم أقل شي بيدخل مليون

دا سيد الصاج الكان بيتكلوا في حيطة الدكان الناصية الجنبو
شبابنا دايرين القرش كدا هوبا هوبا هوبا
و هوبا زاتها كان لقوا طريقة و عملوها واحدة يكون تمام
و الهوبا دي لازم تكون في الغربة لأنه هوبا بتاعت البلد دي عليها دمغات كتيرة

أنا حاسي روحي كترت الكلام شديد لكن و الله قدر ما أقول أقيف أقول الزول دا في غربة و شايفك زهجان من حكاية الردود البي المحسوبية فـ مافي مانع إني أونسك

بي مناسبة الدمغات دي أحكي ليك حكاية عم صاحبي
حبوبة صاحبي دا مصرية عشان كدا في البيت عادي أبوه و عمه بيتكلموا مع بعض و مع أولادهم بالمصري
المهم يوم عمك دا كان عندو إجراءات معينة (ما متذكرها بالضبط) و كل ما يمشي لي مكتب يقولوله رسومك كدا و معاها 50 دينار دمغة جريح، و في كل مكتب كدا و عمك زهجان و كاتمها لحد ما خلاص وصل آخر مكتب و قالوا له دمغة جريح
عمك مرقها و رفع صوته: يخرب بيت القريح اللي مش عاوز يموت دا.

مشكور على الموضوع الظريف دا
و الحكاية بتاعت صاحبك الفي الجامعة دق الأستاز. دي من شدة ما عجبتني لمن مشيت حكيتها لي أختي..و هي اتكيفت كيف ما تتصوره؛ لأنها هي زاتها كان حصل لها شي قريب لي دا مع واحد من الدكاترة، و الظاهر اتخيلت روحها هي القنصت لي صاحب صاحبك داك و دقتو لمن فشت غبينتها.

تشكر مرة تانية على الموضوع الشيق و الله يردك سالم و غانم

المعذب · 06-04-2008, 15:16

زوربا · 07-04-2008, 15:36

يا دي البلاد الكل ما طايبتها
نزلت علي جرحك جرح
الكل ما نقطت للكلمات عسل
نزلت علي خاطرك ملح
لا تاكت أبوابا الأنيقه ورحبت
ولا ليلها بي جيتك فرح

والله يا معذب البلد دي حيرتنا وكل يوم نقول بكره بتتصلح.........
لكن شكلها كده زي ما اتريق علينا واحد وقال:
(السودان بلد المستقبل وسيظل هكذا الي الأبد)
أححححححححححححححححححححححح

المعذب · 08-04-2008, 14:56

اقتباس:

المشاركة الأصلية كتبت بواسطة زوربا

يا دي البلاد الكل ما طايبتها
نزلت علي جرحك جرح
الكل ما نقطت للكلمات عسل
نزلت علي خاطرك ملح
لا تاكت أبوابا الأنيقه ورحبت
ولا ليلها بي جيتك فرح

والله يا معذب البلد دي حيرتنا وكل يوم نقول بكره بتتصلح.........
لكن شكلها كده زي ما اتريق علينا واحد وقال:
(السودان بلد المستقبل وسيظل هكذا الي الأبد)
أححححححححححححححححححححححح

بلادي وان جارت علي علي عزيزه واهلي ان ضنو علي كرام زوربا ايها الرائع
بلادي تنكاء الجروح بس نعمل شنو ملزمين بيها تسلم ايهاالرائع علي المرور

بنت الغربة · 11-04-2008, 00:34

شكلها مواقف صعبة ولكن في داخلها طريفة الله (يعين لمن امشي السودان)