صعب أنساك بعد ما أعتاد قليبي عليك
وصعب ألقاكِ مهما أحاول أوصل ليك
بين نارين بقيت عايش مقطع فيك
أزرف في الدموع طوالي باليل والنهار أبكيك
لأنك سر سعادة روحي والأمل العقدة عليك
وشلتك جوّ في وجداني في أروع مكان خاطيك
بحلم بيك ليل ونهار خايف اصحي مالاقيك
خايف أعيش جريح في الدنيا محروم من سحر عينيك
ومن الابتسامة الهادي ومن نبست بنات شفتيك
وأكون ضيعت عمري سدا جاري ورا سراب واديك
وأموت زي قيس فطيم الحب علي وادي العذاب باكيك
صعب أنساك عشان بهواك وما شايف بلاكِ شريك
وأريدك ريد كلامُ برا نبيل ما بقبل التشكيك
ريد لا رادُ إنس لا جن ولا أزواج حمام الأيك
لو أتلمن حسان الدنيا ما بيسون ضفيراً فيك
وما يشغلني عن حبك شقا الأيام ولا كل المصايب ديك
وعارف نفسي ما بلقاك لكن قلبي مرضان بيك
صعب أنســـــــــــــــــــــــاك
العرض العادي
