الردح السوداني

بنت بلده · 19-03-2008, 21:37

وصلتني هذه الرسالة الظريفة من احد الأصدقاء عبر الأيميل

الردح السوداني
ده إيميل لزيز جدا عن الرداحات
و ( الرَدَحِى ) لمن لا يعرفونه هو طريقة من الطرق (الكثيرة) التى تستخدمها (النسوان) فى حروبهن و نزاعاتهن .. وهى طريقة تعتمد أساساً على إستخدام فنون اللغة من سجع و طباق و مقابلة لإعطاء الكلمات معنىً أكثر قوة ...... و هذه الكلمات بدورها منتقاة بعناية من قِبل (الرادحة) لتؤكد علو مكانتها أو لِتحط من قدر رادحة أخرى ...وهو ما يجعله ضرباً من ضروب الفنون تشتهر به الرادحات و يتميزن به عن باقى (النسوان) ال( بجم) اللآتى لا يستطعن الدفاع عن أنفسهن ... و للحقيقة.. فخلال تجوالى فى العديد من البلدان -عربها و عجمها- لم أجد شعباً له هذه الممارسة أو حتى مثلها من حيث ال ( flow ) أو ال ( freestyle ) .. ما عدا فى مصر فهى موجودة لكنها ليست بنفس الجودة ...

أذكر فيما أذكر قديماً أنه كانت تسكن فى حىّ قريب من حيّنا رادحة من فطاحل الرادحات .. و فوق كونها كذلك فقد كانت كثيرة الجثة سميكة الجلد وافرة اللحم كثيفة العظم واسعة الحلقوم كبيرة البلعوم لها جنازير صوتية بدلاً من الحبال الصوتية .. كانت هذه المرأة (فتوة) النساء فى ذلك الحى فكثيراً ما يلجأن لها لتأخذ بثأرهن .. بيد أنها كثيراً ما تنفجر إذا شاغلتها إحداهن بكبر حجمها ف(تغُز) إحدى يديها فى وسطها والأخرى ملوحةً بالمفراكة فتردح مفتخرةً ما تقيفى فى الزلط و تتكلمى غلط
> >
.. نحن نححححححححححححححمد الله الغدا ضأن.. و التحلية برتكان...
...العشا حمام و التحلية شمّام .....و مليانيييييييييييين يا إنتى ...
....لا كوع يقد الوسادة لا ساق يضبح الجدادة ...نحن تربية بيت و فرش موكيت

....هيييييههههيييييييييى....

.... حليلكم إنتو يا ناس الإشلاق يا الما سمعتو بى السيريلاك ....
....نببببببببرة و نستبرة و ما نسكن جبرة...
...بششششششتنة و الناس متمحنة ...
..أوع من كدا و الدنيا شتا ...

.هيييييييييييييييييييييييى ...
لا كرعيننا رقاق و لا مولودين فى زقاق ..
أولاد عوااااااااايل و عندنا فايل ....
ولدونا فى الإمتداد و حبّينا فى البلاط ..
.نححححححححححححمدو..... البنريدو بنولع ليو اللمبة.. و الما بنريدو بنحرش ليو الكلبة !!
.. عشان كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
سجم و كمان عدم فهم ؟!!
...هييييييييييييييييى و تااانى هييييييييييييى و تانى و تانى هيييييييييييييييييى....

ما تكبى الريحة و تعملى تفتيحة و تخلينا نقيف ليك فى طرف المعلقة و نوريك الصعلقة .....
كان جبل طلعناو و كان عسل لحسناو ..
.هووووووووووووى.... تنبزينى أنا يا كرور يا وسخ الخور !!
.. يا تربيزة الجزارة يا اللامّة الوسخ و الزفارة !!
بطااااااااطس و مستوى غااااااتس ....
هييييييييييييييييييى
أخير ليييييك فتحى عينك قدر الريال و خلّى أضانك قدر العقال ...
ما تخلينى أدق الصفايح و أطلع الفضايح
... يا مرة يا مجنونة يا شبه حجر الطاحونة ...يا ليمونة و عاملة فرعونة !!!
... هيييييهييييييييييييييييييييييي ....
غادى غادى الجزام بعادى .
.. يا الككوية يا أم جضوماً موية
...الشمس ضربتك و الرجال أبتك !!!!!

بنت بلده · 19-03-2008, 21:40

الفنان الجابرى مرة قابل محمد خوجلى صالحين ايام كان مدير الاذاعة
الجابرى قال ليهو شنو ... ياصالحين ؟ صوتنا ده اصلوا مابتسمع !!! نحن نغنى فى الاذاعة من زمن الميكرفون معلق فى البوسته !!! يجوا هسع ناس زيدان وابوعركى يغطوا علينا ؟
صالحين قال ليهو خلاص ماتزعل بكرة بنجيبك الساعة 12 الضهر
الجابرى قال ليهو 12 دى هسع مواعيد غناء الراجل فى الشغل والمراءة فى التكل !!!

الله يرحم الجابرى فهو صوت لايتكرر اداء وطرب
وصالحين شخصية لها بصمات ادارية وصوت نادر
ودعواتنا لزيدان زابوعركى بالصحة والعافية

بنت بلده · 19-03-2008, 21:41

الهادي نصر الدين
يحكي عن الهادي الكثير ومنه الحقيقي ومنه نصف الحقيقي وبعضه منسوب أليه من باب النكتة
ما قيل عنه والله أعلم أنه في عزاء للهادي .. جا صلاح أدريس وخت في الكشف 10 مليون جنيه ، تاني يوم مشي الهادي لمكتب صلاح أدريس وقال ليه بعدين لمن يموت ليك زول أجيب 10 مليون جنيه من وين ورجع ليه 9.900.000 جنيه!
من نكاته المشهورة وحسب ماهو معروف ان نظام الأنقاذ عندما بدأ كان يسيطر عليه أبناءالأقاليم ولآول مرة لنظام حكم فى السودان.
فقيل ان احد المسوؤلين سأله لماذا لاتؤيدنا يا الهادى وتحكى عننا النكات ، فأجابه الهادى (وهو معروف بتعصبهلأمدرمان)زمان حكمنا النميرى عندما يغلط فينا نذهب لبيت اهله فى ودنوباوى فنشكيهلعمه فلان ، ومعه مامون عوض أوزيد اذا غلط فينا نذهب الى ابوه عمك / عوض أبوزيد ،فنشكيه له ، لكن انت لو غلطت ، مافى طريقه الا نشكيك لي الله.
للهادى بحر منالطرائف والمواقف التى لا تحصى ولاتعد وهو شخصية جديرة بالدراسة.
ومن ظرفاء أمدرمان أيضاً .. لاعب المريخ السابق المرحوم "كمال سينا"
ومما يحكي عن "سينا" أنه في مرور موكب ملكة إنجلترا الملكة اليزابيث إبان زيارتها للسودان سأله واحد من الواقفين "دي منو؟" رد سينا دي ملكة بريطانيا وواصل السائل "وجاية السودان تعمل شنو؟" فكان رد سينا الحاضر البديهة "جاية منقولة!"
مرة في عيد الضحية جماعة فاطرين مع سينا علق احد الحاضرين والله يا سينا الخروف ده لحمه سمح وخروف زي ده زول من أمدرمان ما بيعرف يختاره أكيد واحد أقليمي أختارو ليك. رد سينا قائلاً لا أشتريتو ولا أخترتو، الخروف جاني هدية. رد صاحبنا لكن يا سينا الضحية ما بتجوز تكون هدية .. رد سينا قائلاً " بالله هو سيدنا أبراهيم زاته مشي الزريبة ولا جاو هدية!.
أم درمان هذه فيها حكم ومواقف تحتاج الى بحر مجلدات وأمثال الهادى والمرحوم سينا كلمه منهما تمثل نقداً لا يستطيع أن يأتي بمثله جهابذة الساسة والنقاد

أوهذا مثال لمجتمع أم درمان :-" طلقة"!!
هناك شخص شبه (مخبول) أسمه طلقه دائما ما يكون موجودا بالمحطة الوسطى بأم درمان والكل يناديه (طلقه .. طلقه ..) ، فيجرى وراء هذا، وخلف ذاك ، وفى مرة ضرب أحدهم وشج رأسه حتى سالت دماءه، فأخذوه للبوليس وتم تحويله للمحكه ، وهنا ساله القاضى لماذا ضربت الرجل يا طلقة وشجيت راسه

فقال (طلقه) للقاضى قيل ان أجيبك (طلبتك بى الله يا حضرة القاضى تقول) لا الههههههههه الا اللللللللللللله ، محمد يارسوالللللللله بصورة (ممطوطه) فقال له القاضى ( لا اله الا الله محمد رسول الله) فطلب منه (طلقه) أن يقولها مرة أخرى وعلى نفس ذلك النحو ففعل القاضى ، وعندما طلب منه (طلقه) ذلك المرة الثالثة على نفس ذلك النحو ، نهره القاضى قائلا ، ماتقول لماذا ضربت الرجل. فقال (طلقه) ، يا مولاى أسم الجلاله وحبيبو محمد ، غلبك ان تصبر لنطقه 3 مرات ، فكيف بى أنا والكل ينادينى الف مرة فى اليوم (طلقه ..طلقه)، فقال له القاضى أطلع برائة يا ملعون. فمن هو المحامى الذى يستطيع فعل ذلك مهما تعلم وحصل من خبرة أنها جامعة أمنا (أم درمان(
ومن الظرفاء أيضاً الدكتور عوض دكام ..
في عيادته في بحري وهو يعالج احد المرضى ..وعنده تلفزيون في داخل العيادة وبدأتمباراة هلال مريخ
..ومعروف عنه أنه هلالابي متعصب و انه لازم يحضرها في الاستاد ...خرج الىالصالة ووجد مجموعة كبيرة من المراجعين والمرضى ...واتلفت الى التلفزيون ورأىان المباراة ستبدأ ...فالتفت الى المرضى قائلا : انتو عاوزين الجد ولا ابنعمو؟انا من ما فتحت العيادة دي ما شفت واحد كتلو ضرسامشو وتعالو بكره
وما في زول بيكتلو ضرس
قالوا عوض دكام لمن كان فى الدفاع الشعبى جاكين فى الكلاكلهوعطشوا ... مروا بىشفع كده قام عوض دكام قال لى شافع جيب ليناجك مويه ... الشافع جاب المويه وسالدكامانت شغال وين ياهناى ؟
دكام قال ليهو انا دكتورالشافع عاين لىصاحبو وقال ليهو ….. العب عايز يدقس بينا يافردهياخوى اشرب مويتك دى واديناجكناقال دكتور قال
عوض دكام بقدم فى قعدة فيها على ابراهيم و زيدان ابراهيم اول ما بدأ على ابراهيمغنى تمساح اب كبلو الضارب الليه ،،، عوض دكام نطى لى طوالى قال ليهو التمساحالابلعك حسى دا وكت تماسيح زيدان عليك الله وسط الزهور متصور
عوض دكام كان فى فراش بكاوكان يوم رفع الفراش وعوض دكام مشى عشان يدفعفى الكشف
واحد من اصحابو قال ليهو : انت يا عوض مفروض تدفع بالدولارعوض دكام قال ليهو : لية فارشين فى السوق الحر
أما أبو داود فيحكي عنه الكثير ..
قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا فيبيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة فيالسن قالت ليهو إمبارح العب ساهر بيكم يا ولدى.. قال ليها والله ياحاجة العتب علىالنظر
قالو ابو داؤود مشى بيت فرح على اساس احياء حفل ،
فوجد الفنان القديرالمرحوم / خضر بشير واقف على المسرح ويغنىومعروف المطرب خضر بشير انه ينفعل معالغناءعندما وصل ابو داؤود ووجد هذا المنظر سحب ليهو كرسى وقعديتفرج وهوزعلان جدا ، وكان امامه طفل واقف يشاهد فى المطرب خضر بشيرقام ابو داؤودقاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك
قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت دهالعروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ماالحفلة انتهت قام قال للجماعة فى الميكرفون
انتو يا اخوانا عرسكم ده خبرولا شنو

بنت بلده · 19-03-2008, 21:58

الفتاة شيء وعندما تتحول إلى زوجة تصبح شيئا آخر تماما، وربما تكون طبيعتها وهي فتاة مناقضة تماما لطبيعتها بعد أن نضع قبل اسمها لفظ "مدام"، وإليك 10 تناقضات توضح لك الفارق بين الفتاة والزوجة.
الفتاة: أنثى
الزوجة: انسى
الفتاة: ست الستات
الزوجة: ستك وتاج راسك
الفتاة: تغير عليك
الزوجة: تغير منك
الفتاة: تحكي عنك لصديقتها
الزوجة: تسب فيك لوالدتها
الفتاة: تختار الأشيك
الزوجة: تختار الأغلى
الفتاة: تحب السفر
الزوجة: تحب السفرة
الفتاة: تهتم بأظافرها
الزوجة: تأكل أظافرها
الفتاة: لا تكذب ولكنها تتجمل
الزوجة: تكذب ولا تتجمل
الفتاة: أنت تحاول مسك يدها
الزوجة: أنت تحاول مسك أعصابك
الفتاة: تقتني ما ليس عندها
الزوجة: تقتني ما ليس عند اختك ووالدتك

بنت بلده · 19-03-2008, 22:00

يا الواردة ماشه على البحر
ساعة الشمس يا دوب بتطلع
---------
يالنازلة ماشة على الحرث
ساعة الشمس يا دوب بتطلع
والشعاع من بين فتيحات الغصون رقرق على قش الدرب
مع الندى وقع متل خرز السبح خيطو انقطع

اللوبا في وسط الجرف من فرحه فجاله الدرب
ونوارو مال فوق بعض وسوس وقال
السمحة جات السمحة جات السمحة جات
ولما انشبك نوارو في توبه الجديد
مالت بشيش
السمحة مالت وفكتو
شان لاتحت نوارو لا تقطع صفق

شجر الطلح رمى البرم
أصفر تحت أردافا (ها) مفروش قرمصيص

فيكي البحر يالسمحة اتقطع ترع
أصبح بعيد أصبح بعيد
والترعة وسط الرملة زي كبة عسل
جابوها في صينية لي .... عريس

مارأيكم ورأيكن في هذه القصيدة التشكيلية؟

بنت بلده · 19-03-2008, 22:07

يا اخوانا الحبوبات ديل الحصل ليهم شنو ؟؟؟؟؟؟؟؟

طبعا الحبوبة قيمة عالية جدا في مجتمعنا و عندها مكانة

عالية شديد و تربية الحبوبات معروفة زي ما بقولوا اخوانا

المصريين ما تخرش الميه .

لكن الحصل شنو لحبوبات الزمن دا , اول حاجة بقى عدد كبير منهم

من النساء العاملات الماعندهم زمن يراعوا اطفال اولادهم او بناتهم

و الحبوبة بقت مشغولة بالايدولوجيه الفكرية و المنظور الثقافي

و مافاضية تمسك شفع ولا تراعي اطفال .

و بقى بعض الحبوبات يرفضوا رفض بات لقب حبوبة و الواحدة تقول

لحفيدها اوع تقول حبوبة انا ماما ....

و شوية شوية حنفقد الخبرة في التربية الكان دايما بستعين

بيها كل جيل جديد من الجيل القباله ببساطة لانه الحبوبات

ما فاضين عشان يساهموا في تربية احفادهم و مشاغلهم اكبر بكتير

ولا لما يجي الدور على الجيل الجديد دا و يبقوا حبوبات

غايتو دا تصور حاخلي ليكم ...

بنت بلده · 19-03-2008, 22:09

--------------------------------------------------------------------------------

لبنات اصناف كل بنت لديها ميزات وصفات تمتاز بها عن غيرها، كما ان لكل واحدة طباعع كثيرة قد تكون موروثة وقد تكون مكتسبة . امامكم فرصة للتعرف على انواع البنات واحدة واحدة !
* البنت العنيده : همهـا تكون شـديـده ..
وكل من يقابلهـا " بتلوى ايده " ..
ومن يطـاوعها تزيـده ..
ومن تطيعـه .. هذا "عـيـده " ..
تعاند نفسـهـا .. حتى لـو عاشت وحيده ..
* البنـت الثقيـله هـذى قليــــــله ..
نظراتها تطــرح قبيــله ..
ومن تعجبـه .. مسكين ياويلـه ..
تعطيه وجـــه ؟ .. مستحيـله!!
ماينفع معاهـا مليـون حيله ..
دايــم رزه .. ومو طويـله
* البنـت القصيـره هذى كثيــــــــره ..
وطبعها .. داهيـه وبصيـره ..
دايم .. لسانها طـويل .. وخطيــره ..
لو هى حرمـه ..او صغيــره ..
صوتها يرعــد فى ديــره ..
البعـد عنهــا ..تــراه خيــــره
* البنـت الثـرثاره : ياهى برباااااااااره .. وفيهـا بثـاره ..
ليمن حكت .. ماتوقـفهـــا اشاره ..
تحكى فكل شـي .. وفأى عبـارة ..
تفهم فى الطبخ .. فى الموضه .. وفى الاداره ..
حتى فـى فـن العيـاره ..
دبــه .. تزعجك .. تمرضك .. تجيب المــراره
* البنـت القبيـحـه : ياهى جــــــريحه ..
واطباعها ... طيبـه ومـريـحـه ..
ماتحب كثر الظهور .. تخاف الفضيحه ..
تبي .. معجـزه .. وتكون صحيحه ..
تغير ملامح وجـههـا .. وتـصبـح مـليحــه ..
* البنـت الغـبـيـه : دايـم غـنـيـه ..
استيعـابـهـا .. بـطـئ شـويـه ..
مـرة تـحـكى لـبنـانى .. ومره بدويه ..
فيـهـا .. سـذاجـه .. وعـفـويـه ..
لاهـى ضعـيفـه ولا قــويـه ..
مـاشـيــه .. بـس بالـنـيـه ..
* البنـت المغــروره هذى مشـــــــهـوره ..
مابتراعــىلأحــد شـعــوره ..
بس غلاف .. او مثل صــوره ..
من كـل زينـه .. هـى غـيـوره ..
تبتسم .. مجامله ..او للـضــروره ..
من كل شـي .. مـقـهـوره ..
دايـم تـقـول .. " انا مسحوره