مسأله تبحث عن حل

أبا غفار · 17-03-2008, 13:14

 كم عدد اللفات التي يجب أن يقوم بها الترس الكبير لتعود بقيه التروس لوضعها الاول ؟

الأرقام الموضحه تبين عدد التروس في كل ترس

**zesty4ever** · 17-03-2008, 16:20

56

شكلها غلط

أبا غفار · 18-03-2008, 08:29

الرائع والمتجلي دوماً zesty4ever لك التجله...

نرجو منك شاكرين أن توضح لنا كيف توصلت للإجابه لتبرهن للإخوه الزائرين بزعامه روميو وأنا منهم صحه إجابتك من عدمها ......

نتوقع رد من الفاضل...روميو

[center] ودمتم ...........[/CENTER]

أبا غفار · 18-03-2008, 16:03

وينك ياريس منتظرين توضيحك ....
وأبشرك هنالك لغز جديد في إنتظار حلولكم المتفرده ......

كونو معنا هنالك المزيد.............إنشاءالله.

**zesty4ever** · 19-03-2008, 13:51

يا عمي snikeofrocke...

أنا منتظرك تجي تقول لي الإجابة صاح ولا غلط تقول لي اشرح

بس لو شرحتها وجيت بعد كدا قلت لي غلط ما بسيبك

طيب يا سيدي الحكاية كالآتي:

معروف إنو الأنظمة بالتروس استعمالاتها كتيرة جداً وضرورية لنقل الحركة من مكان أو مستوى لآخر .. أو لزيادة سرعة .. أو تغيير الإزاحة الزاوية ... أو زيادة العزم وكدا ...

السؤال كان كالآتي:

اقتباس:

كم عدد اللفات التي يجب أن يقوم بها الترس الكبير لتعود بقيه التروس لوضعها الاول ؟

ومعنى السؤال دا إنو عاوزين الترس الكبير بتاعنا (13) يلف لينا عدد معين من اللفات بحيث أن بقية التروس أيضاً تقوم بـ (عدد صحيح) من اللفات ... علشان ترجع لوضعها الأول ... يعني ما ينفع عدد لفات واحد من التروس يكون 1.25 أو 1.5 يعني واحد ونص لفة لانو كدا مستحيل يرجع للوضع الطبيعي ...

وبما انك في السؤال ما حددت وقلت أقل عدد من اللفات معناها الحكاية مفتوحة وأي رقم بحقق لينا اللام الفوق دا يعتبر إجابة صحيحة

نرجع للتروس ... حنقوم نستفيد من عدد التروس اللي موجود في كل ترس وهي :
13 - 8 - 7 - 4
أجمل حاجة انك جبت لينا أعداد صغيرونة ورحمتنا من الاختصارات في القسمة ... بنحتاج القسمة في إنو نجيب النسبة بين كل ترس والترس اللي بعدو ... كيف ؟

يعني النسبة بين الترسين :
(13) و (8) = 13/8
(8) و (7) = 8/7
(7) و (4) = 7/4

معنى الكلام دا شنو ؟

لما الترس الكبير يلف لينا 8 لفات ... الترس (8) مفروض يلف لينا 13 لفة بناء على النسبة الأولى
ولما الترس (8) يلف لينا 7 لفات ... الترس (7) مفروض يلف 8 لفات بناء على النسبة الثانية
ولما الترس (7) يلف لينا 4 لفات ... الترس (4) مفروض يلف لينا 7 لفات بناء على النسبة الثالثة
لانو نحن هنا بنتكلم عن عدد لفات .. يعني إزاحة زاوية ... ومعروف انها بتتناسب عكسياً مع عدد الأسنان أو عدد التروس في كل ترس ...

طيب نحن عشان نصل للحل الصحيح مفروض نجمع أو ندمج النسب دي كلها في حاجة واحدة عشان تكون لينا مرجع بالنسبة للمنظومة ككل ... نشوف المقامات بتاعتنا في النسب اللي هي : 8 * 7 * 4 ...
الـ 8 والـ 4 مافي مشكلة بالنسبة ليهم ممكن ناخد الـ 8 قاسم مشترك بالنسبة ليهم الاتنين ... بتفضل لي الـ 7 اللي لازم نشوف رقم يكون قاسم مشترك بالنسبة ليهم الـ 3 ... نقوم بي كل بساطة نضرب الـ 7 × الـ 8 وبكون الناتج : 7 × 8 = 56

يعني مفروض الـ 56 لفة دي تحقق لينا النظرية الأولى بتاعتنا ... طيب نرجع ونعمل حساباتنا عشان نتاكد من الكلام دا ... وناخد معنانا النسب الـ 3 بتاعتنا القبيل عشان نشوف كل ترس مفروض يلف كم لفة ...

عشان نجيب عدد اللفات في كل ترس نقوم بي بساطة نضرب عدد لفات الترس اللي قبليهو في النسبة بين الترسين (Drive & Driven)

الترس الكبير قلنا خلاص إنو حيلف لينا 56 لفة ... طيب نشوف البحصل شنو لما يكون عدد لفات (13) : 56 لفة:

56 × 13/8 = 91 (لفة) ==> (عدد صحيح)
91 × 8/7 = 104 (لفة) ==> (عدد صحيح)
104 × 7/4 = 182 (لفة) ==> (عدد صحيح)

أو بطريقة أخرى .. بما أن الترس الكبير عدد لفاته 56 لفة ... معنى كدا انو عدد الأسنان أو التروس حيكون :
56 × 13 = 728 ترس صغير ... مفروض إذا قسمنا العدد دا على عدد الاسنان او التروس الصغيرة في كل ترس تطلع لينا نفس النتيجة :

728 ÷ 13 = 56 (لفة) ==> (عدد صحيح)
728 ÷ 8 = 91 (لفة) ==> (عدد صحيح)
728 ÷ 7 = 104 (لفة) ==> (عدد صحيح)
728 ÷ 4 = 182 (لفة) ==> (عدد صحيح)

وبي كدا معناها الـ 56 أو أي من مضاعفاتها بحقق لينا النتيجة المطلوبة

أبا غفار · 22-03-2008, 08:49

الرائع zesty4ever .....

لقد طلبنا منك التوضيح ولكن صراحه توهتنا

...
والحاجه المتأكد منها إنو الجماعه

تاهو في بحر بلا شط

ولكن للأمانه الإجابه صحيحه

100%

....

وياعم zesty4ever إنت كدي