كيفكم يابنات

عمرو عبده · 08-03-2008, 11:03

صباحكم خير
انا جيت
كل واحدة تخت طرحتا فوق راسا
مسؤلات من الخير :

1/ هل توافقين على الزواج من غير السودانيين .. بقوا كتار وبقبضوا مرتبات بالدولار

2/ شنو يابنات قصة اللبس الغير محتشم الانتشرت دى .. الحشمة بقت موضة قديمة
ولا سياسة العرض والطلب والمنافسة الملتهبة

سحر حيدر · 08-03-2008, 13:31

نحنا تمام وطرحنا دايمن جاهزة
اولا موضوع اللبس ده ممكن الواحدة تكون انيقة ومحتشمة
اما موضوع الزواج من الاجانب انا شخصيا مابحبذو اظن فيهو شوية مجازفة

**طارق** · 08-03-2008, 17:46

فيك الخير ياعمرو ... وبناتنا فيهن الخير كله برضو .....

بس نحن واياهن عاوزين حوار وجلوس مع بعض .. بدأ من مملكة البيت .. مرورا بالمجتمع .. والدوله ..
والثغرات بقت كبيره ... للاختراق الفكري .. والنوعي للوعي الاسلامي في مجتمعنا ...
لأن الاصلاح بقى إما عن تزمت وتشدد في تطبيق الاحكام ... أو التساهل المفرط الذي يميع
قيم الدين ويتساهل في ضوابطه ..... ! نحن نريد الكلمه الطيبه والحكمه والموعظه الحسنه ..
وهو نوع جديد من أنواع الجهاد ....! ويسمى الجهاد المدني .. لانه يحتاج الى صبر ومثابره
حتى يؤتى أكله وثماره .. وآثاره في المجتمع ...
والجميع ما محتاج توعيه بما يحصل وبما هو حاصل ...! بأكتر ما نحن عاوزين تذكير بالله ..
وتنبيه من الغفله الحاصله لينا من البعد عن التدين وقيمه ....!

عمرو عبده · 09-03-2008, 11:30

شكرا سحر وطارق للمشاركة بالراى
ادعو بقية الاعضاء خاصة البنات بالمساهمة .. لاتحرمونا من تواصلكم حتى ولو كان صغيرا
واعتقد ان انجح قواعد الاصلاح (أبدأ بنفسى)..
وايد على ايد .. بتعمل شنو
القاكم ..

بنت الغربة · 15-03-2008, 20:29

شكرا ليك اخوي عمر طرحك الموضعين ديل وانا بعتقد انو الحشمة بالعكس بتبين جمال البت اكتر من اللبس غير المحتشم وغير كدة انو د فرض على كل بت شريفة وعفيفة نفس .. تاني حاجة القصة ابدا ما قصة مرتبات لأنو المال ما كل حاجة ومال بمشي وبروح اما لحكاية انهم غير سودانيين فدي بترجع لطبيعة واخلاق الانسان الممكن ترتبط بيهو البت

نسمة حب · 16-03-2008, 12:07

احنا كويسين موضوع الزواج من اجانب مرفوض كليا
لانو مهما كان الظروف الي حيعيشك فيها ما زي ولد بلدك
وعلي قول المثل "ما حك جلدك مثل ظفرك" وموضوع
اللبس دا مشكلتو كبيرة الناس بتلبس عشان
الموضة واخر صيحة وكدا واذا ما لبستا
معناهو انك ما بتعرف تلبس تبع الموضة وانك
رجعي المشكلة الحقيقية انو الناس بقت ما فاهما الحاصل
شنو وما عارفة الدين بيقول شنو اللة يهدي
الناس

بنت الشاطئ · 17-03-2008, 10:10

اخي عمرو عبده
موضوع جميل ويمس الكثير من التصرفات الموجوده الان في المجتمع السوداني

1/ هل توافقين على الزواج من غير السودانيين .. بقوا كتار وبقبضوا مرتبات بالدولار ؟

هذا يعتمد علي الكثير من الاراء اذا كان مسلم ويحترم المرأة السودانية وما في اي سبب
لرفضه سوي انه اجنبي لا اعتقد انه سبب وجيه للرفض , اما ان كان سبب الموافقه انو مرتبو
ولا نو بالدولار فهو سبب لا يبني عليه زواج سعيد ومستمر .

2/ شنو يابنات قصة اللبس الغير محتشم الانتشرت دى .. الحشمة بقت موضة قديمة
ولا سياسة العرض والطلب والمنافسة الملتهبة ؟

الحشمه اصبحت مؤرق هذه الايام ونرجع ونقول السبب الرئيسي القنوات الفضائيه
وعدم الرقابة الكافيه من الاسره والوازع الديني فاذا توفرت هذه الاسباب مااظن
يكون في مثل هذا السفور في مجتمعنا

اما عن
سياسة العرض والطلب والمنافسة الملتهبة فهي موجودة واحيانا بمباركة
من الوالدين لتزويج ابنتهم

وربك يلطف غايتو

سلامي

وئومة · 14-04-2008, 14:34

السلام عليكم ورحمة الله وبركاته

بعد اذانك احب اطرح رأي في موضوع الزواج من غير السوداني

انا في وجهة نظري المتواضعة ان اهم شيء في الحياة يكون في حب وتوافق واحترام بين الطرفين بغض النظر عن الجنسية لان الحياة الزوجية حب وتفاهم وتناغم ومسؤوليات وجب على كل طرف معرفة واجباته ومسؤولياته بعيدنا عن الجنسيات وبالنسبة للبس الغير محتشم للاسف البنات لم يجدوا من يردعهم ويوقفهم عند حدود وضوابط معينة يلتزموا بها والله يهدينا جميعاً واشكركم على الموضوع الرائع والمنتدى الاروع وهذه اول مشاركة لي واتمنى ان اكون اخت بالنسبة لكم ولكم كل التقدير والاحترام

البـــ الحديقة ـــت · 03-05-2008, 15:58

موضوع الزواج بغير السودانى مافيها حاجة
ربنا قال (يا ايها الذين آمنوا انا جعلناكم شعوب وقبائل لتعارفوا ان اكرمكم عند الله اتقاكم )
الجنسية مامهمة مدام الانسان متدين وذوا اخلاق حميدة ويخاف الله فينى ومتفاهمين ويربطنا الحب
فلا مانع من الزواج به
اما عن مرتبوا البى الدولار فالقروش طايرة فايدتها شنو مدام مافى اتفاق بين الطرفين
والقروش ما عند الاجانب بس ممكن يكون سودانى مقرش بس فايدتها شنو لو هو سيء واخلاقوا غير حميدة
الواحد يفكر فى البنى ادم الاول وبعدين القروش والبنى ادم و البيجيب القروش عمر القروش ما بتجيب بنى ادم

اما حكاية اللبس غير المحتشم فما حتكلم عنها كتير فهى ظاهرة سادة فى البلد ولكن من المسؤل عنها ؟
ــ قد تكون عدم الرقابة فى البيت اولاوالبنت نفسها تريد الخروج عن اللبس المؤلوف وتمشى ورا الموضة
ــ و سماح الحكومة بذلك بعدم منعها وحسم الامر من البداية

وسياسة العرض والطلب والمنافسة الملتهبة نجدها فى بعض الاسر تجارة يستخدمونها لبيع سلعتهم (البنت)

البـــ الحديقة ـــت · 03-05-2008, 15:59

موضوع الزواج بغير السودانى مافيها حاجة
ربنا قال (يا ايها الذين آمنوا انا جعلناكم شعوب وقبائل لتعارفوا ان اكرمكم عند الله اتقاكم )
الجنسية مامهمة مدام الانسان متدين وذوا اخلاق حميدة ويخاف الله فينى ومتفاهمين ويربطنا الحب
فلا مانع من الزواج به
اما عن مرتبوا البى الدولار فالقروش طايرة فايدتها شنو مدام مافى اتفاق بين الطرفين
والقروش ما عند الاجانب بس ممكن يكون سودانى مقرش بس فايدتها شنو لو هو سيء واخلاقوا غير حميدة
الواحد يفكر فى البنى ادم الاول وبعدين القروش والبنى ادم و البيجيب القروش عمر القروش ما بتجيب بنى ادم

اما حكاية اللبس غير المحتشم فما حتكلم عنها كتير فهى ظاهرة سادة فى البلد ولكن من المسؤل عنها ؟
ــ قد تكون عدم الرقابة فى البيت اولاوالبنت نفسها تريد الخروج عن اللبس المؤلوف وتمشى ورا الموضة
ــ و سماح الحكومة بذلك بعدم منعها وحسم الامر من البداية

وسياسة العرض والطلب والمنافسة الملتهبة نجدها فى بعض الاسر تجارة يستخدمونها لبيع سلعتهم (البنت)