الطرفو نايم وصاحي ... صاحي كالنعسان - عشق الآباء

ود البقعة · 05-03-2008, 15:32

هكذا كان يقول العاشق .. في المحبوبة

بكل بساطة ... وبكل الصدق والإخلاص والإحساس

بالله عليكم .. أقرأوا القصيدة

و أسمعوها .. وأطربوا إن شئتم

يجلي النظر يا صاحي
منظر الإنسان الطرفو نايم وصاحي
صاحي كالنعسان
في الضي جبينا النادي .. والبدر خلان
تجمع لطافة ورقة .. نفرة الغزلان
ما بين أن جسيما لادناً كسلان
يذهل حريرها الناعم .. والفريع اللآن

أنا قلبي طار من صدري
يا صديقي عشان .. شوفت حور الجنة
داخل الخيشان
شفت الجمال الوافر .. فوق عظيمة الشأن

دعجة ومكحلة خلقة
عظما الرحمن .. بكمال جمال الخلقة
وشحا الإيمان

----------
ود البقعة

عفواً لم يمكنني تحميل الأغنية .. بسبب حجم الملف بعد الضغط

عمرو عبده · 06-03-2008, 17:03

خطيييييرة ياودالبقعة
تعرف اغانى الحقيبة دى نحنا الظاهر مابنسمعا كويس
بالله شاعرا منو
ده السهل الممتنع البقولو عليهو ذااااتو

ابوالشوش · 06-03-2008, 17:34

ود البقعه .. هبشته الوتر الحساس
حليل الجاغريو ومحمد على الأمى والمساح
والكبيييير ابو صلاح ..
التحية لك وأنت تتحفنا بالروائع التى للم ولن تندثر مع الزمن

سودانى · 06-03-2008, 20:01

الاغنية بصوت عاصم البنا

شكرا ود البقعة علي الاختيار الرائع

ابوملاذ · 06-03-2008, 23:31

شيء جميل فعلاً إذا ما قورن بقول بعضهم
ياحبيب ما تنسى
في شارع خمسة
الساعة خمسه .. مواعيدنا ؟؟؟؟؟

وغيرو وغيرو وغيرو

ود البقعة · 09-03-2008, 15:32

عمرو عبده

أبو الشوش

أبو ملاذ

شكراً على مروركم الدافئ ...

وكلماتكم ... المسعدة

------------
ود البقعة

ود البقعة · 09-03-2008, 15:37

أخي سوداني ...

تعجز كلماتي .. عن شكرك

لك كل التقدير ...

ودمت ...

-----------
ود البقعة

الفنان · 10-03-2008, 12:16

جميل جداً ورائع ود البقعة على نشر هذا الفن الراقي والمطبوع
الذي يمثل البساطة والرقة المتناهية والعفوية والإحساس المرهف
والذوق السليم ..
كل التحية والتقدير لاخيتارك الجميل ..
وتحية للشباب المتنتمي لهذا الفرع الأصيل