|
بى مويه .. وكملت
صادف ان كنت فى اجازة صغيرة طارئة للسودان خلال الايام القليلة المنصرمه .. وارتبطت اجازتى بانجاز بعض المهام والمستندات الخاصة والمتعلقة ببعض اجهزة الخدمة المدنية بالسودان وطبعا لا يخفى على الجميع التعديل الذى تم بخصوص ساعات العمل الرسمى .
بدأت رحلتى يوم الاربعاء واخبرونى فى الدائرة المعنيه ان الموظف المختص غير موجود نسبة لانه يسكن فى المسعودية وقد سافر لظرف طارىء وطبعا الليلة الاربعاء وبكره الخميس والجمعه والسبت اجازة ما حيجى الا الاحد .. (بالله هل يعقل هذا ) اربعه ايام بحالها ستضيع هباءا منثورا .. وكل اجازتى عشرة ايام وانا فى اول محطة .
الامر لله .. امضيت الاربع ايام فى التسكع والحوامه حتى يوم الاحد ذهبت فرحا كطفل موعود بلعبه جديده .. ولكن سرعان ما خاب الظن .. تمكنت من اخذ توقيع احد المعنيين والثانى لم يحضر .. رجعت الاثنين .. حضر الاستاذ فى آخر الدوام وعلى بال ما انتهى من مراجعة الاوراق والمستندات والتحويل من قسم الارشيف الى قسم الحاسوب الى قسم سجم الرماد .. وده موظف فى الفطور ودى موظفه والده ليها بت ما جات النشوف ليك زميلها .. باختصار كانت الساعة اثنين ظهر .. والخزينة قفلت .
باختصار لمن انتهيت من اوارقى فى مختلف الدوائر كانت قيامتى قامت مع اكثر من عشرين موظف .. وتسألت هل حقيقة نحن محتاجين ليومين اجازة .. ولا محتاجين ليومين عمل اضافى .. وبينى وبينك اصلها ( بى مويه .. وكملت ) .
|
العرض العادي
