عليك السؤال وعلينا الاجابة

muntaha · 24-02-2008, 00:26

السلام عليكم
في اكتر المنتديات (السودانية) المرت على دايما بلقى
اقبال الناس على الفوتوشوب وبرامج التصميم ضعيف جدا
وما عارف ده من شنو ، المهم في خطوة جريئة ققرت اشجع الناس
على البرنامج ده لانو برنامج جميل ولذيذ وساهل جدا وممتع ، وانا كنت مفكر
اعمل دورة للفوتوشوب هنا لكن للتخوف من عدم رغبة الكتيرين في تعلم البرنامج
قلت في الاول ننزل بوست عن أي سؤال في الفوتوشوب واذا الناس حبت ممكن نعمل
دورة بطريقة مختلفة عن المكرر والمعاد والمنقول من المنتديات . . .

راجيينكم تسالوا بس . . .

لكم ودي .

selvister · 03-03-2008, 19:38

فكرة هايلة شديد

ماقصرت يا منتهى

معليش إتأخرت عليك في الرد بس الأيام دي مدروش شديد

وانا معاك إن شاء الله

ومع نهاية الشهر سوف يكتمل إعداد الدروس الخاصة بالمبتدئين إن شاء الله

والله ولي التوفيق

عمرو عبده · 09-03-2008, 14:24

اعزائى منتهى وسلفستر
ده الشغل النضيف البخلى الناس الاميين فى تقنية المعلومات زى اخوكم العبد الفقير الى الله يبقوا معاكم ماجوه الشبكة .. انشاالله مشعلقين فيها من بره
شكلكم كده بروفات فى الشغلانة .. تقوموا تدونا زى اكل العنب حبة حبة .. بصراحة ماعارف تدونا شنو وكيف
انتو ادرى .. تشوفوا الطريقة البتدخلنا العولمة عشان مانجيب ليكم الكلام ويقولوا علي الناس الزينا اعضاء عشاق السودان اميين
ولكم ودى