جدادة المزارع

نسمة حب · 19-02-2008, 17:52

ازيكم يا عشاق زي ما عارفين الناس بقت مشغولة وما فاضيةومهمومة ابسط شي الابتسامة بقينا في تلتلة لحدي ما نلقاها تعالو نتذكر ايام زمان تذكرو لعبات زمان بتاعت جدادة المزارع بيضت بيضة وشليل وينو اكلو الدودو وكمية من الالعاب تذكرو أول يوم في المدرسة كان كيف وأول نتيجة تكون جاري جري عشان توديها لي امك او ابوك وأول حب (اكيد بنت الجيران) وأول وقعة والشفع الكانو مطلعين عيون اهلم الشكال والجنو لعب في الشارع والجنو اكل الكلام ما بنتهي تعالو نتذكر مع بعض الحاجات دى كلها وكل زول يحكي تجربتو طبعا انا كنت شكالة شديد ومخوفة عيال الحلة

نسمة حب · 20-02-2008, 17:37

شنو يا ناس وين الحكايات وين القصص ما مشكلة ابد انا.
[ لما كنت صغيرة كنت اولا شينة (اسي بقيت سمحة) وشكالة شديد اي شافع يجى البيت كان يخاف مني لكن اكتر شى كان مأزمني اخواتى كانوا معزبني علي قدر ما كنتا معزبة الناس كنا مربين جداد وديك والديك اريتو ديك عدوك كان كعب كانو يفكو ويسيبوني ليهو وعينك ما تشوف الا النور بكا وزعل و غايتو واسي لما اسألم لي كنتو بتعملو كدا فيني يقولو لي ما كنتي بتقولي الا تلعبي معانا عشان نطفشك وياريتو كان ينفع

أبا غفار · 09-03-2008, 16:37

نتمني من الجميع ان يتحفونا بالدرر.........منتظرين

المعذب · 10-04-2008, 15:07

ام زوبة · 10-04-2008, 16:07

اقتباس:

المشاركة الأصلية كتبت بواسطة المعذب

هههههههههههههههههههه

حلوة منك ،، بس اللي بسمع الكلام ده يقول داك
يا الزول العمره تسعين سنة
بس شايفة قالوا عايزين يرجعوا جوز الحمام تلاتة فرد
هههههههه

نسمة حب · 14-04-2008, 09:46

اقتباس:

المشاركة الأصلية كتبت بواسطة ام زوبة

بس شايفة قالوا عايزين يرجعوا جوز الحمام تلاتة فرد

انا بموت في شوربة الحمام لمن يحصل كلميني ضروري
وياحليل ايام زمان و مشكور اخي المعذب علي المرور