منتهى الخطورة
موضوع منتهى الخطورة ياطائر النورس ولكن نمرة واحد انا مع رقيص العروس كأحدى العادات الرائعة جدا جدا في اعراسنا السودانية واكون صادقة معاك مرات بفوت الحفلة بتاعة العرس وبمشي تاني يوم لرقيص العروس وما يليه من عادات حتى لما زرت السودان ذهبت لافراح كتيرة جدا بس ما يوم الحفلة يوم رقيص العروس وبصراحة شفت التجديد اللي وصلت إليه هذه العادة الرائعة ولكن بالنسبة لما اثرتموه عن د*** التكنولوجيا والتصوير والموبايلات احب انوه اننا لما بنعمل عرس سوداني نقصد بيه الرجوع للأصالة الرجوع للسودان ومن مثل بنات بلدي في الحيا والعفاف وحسب معلوماتي البسيطة كنت بسمع من الكبار ان رقيص العروسة ده كان بيتعمل للنسوان والنسوان القراب فقط وداخل بيت العروس فلما لا نطبق العادات كما هي وعلى اصولها علما بأن الاعراس الغير مختلطة موجودة في دول عديدة ومجتمعات عربية مع ملاحظة الفرق يااخت مشمشة انهم ما بيقولوا ممنوع الد*** بالكاميرات بل بيكون الرجال من اهل العروس مسلحين لحماية وصون اعراض نسائهم واعطائهم حرية التمتع بالمناسبة زي ما عاوزين وكمان بدون ما يدخلوا لان د*** اهل العروسة من الرجال ممكن يخلق حروب قبلية ممكن تستمر لسنين واحتمال ما تنفض ابدا لكن بالنسبة للمجتمع السوداني المتحرر ممكن بس يطبق العادات بس كما هي في الاصل وكفى الله المؤمنين شر القتال وما اكون اطلت في الرد والرغي .
منــــــــــــــــــــــــــار
التعديل الأخير تم بواسطة : منار بتاريخ 10-01-2005 الساعة 02:05.
السبب: الكتابة
|
