تخيل كيف يكون الحال لو ما كنت سوداني

مقنع الكاشفات · 12-02-2008, 15:36

تخيل كيف يكون الحال لو ما كنت سوداني:

كنت ح تلتزم بالمواعيد..

كنت ح تتصل بالتلفون قبل زيارة أحد في منزله بدري شويه, مش و أنت في خشم الباب...

كنت انتظرت دورك في الصف..

ولم تتفنن في تجاهله أو الوصول إلى مقدمته بأي صورة...

كنت ح تنهر أولادك لما يبهدلوا ليهم بيت زول..

و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...

كنت ح تدفع ال share بتاعك في العشاء الجماعي دون ملاحقة.. أو سك من منظمي المناسبة المتوكحين بالفاتورة...

كنت ح تتردد في إعطاء رقم تلفون أو عنوان شخص ما دون إذنه...

كنت ح تتكلم بلسانك و ليس لسان كل من يحمل الجواز الأخضر...

كنت ح تتوقع يحصل شنو لما ترقد طفلك الصغير, دون بامبرز في سرير في بيت الناس..

كنت ح تلبس حزام الأمان في السيارة..

وكنت امتنعت عن السماح بجلوس طفلك الرضيع في المقعد الأمامي على حجر والده او والدته...

كنت ح تترد في زيارة شخص ما أنصاص الليلي و صابح يوم مدارس و عمل....

كنت ح تخلي الصغار في البيت عندما تكون المناسبة مناسبة كبار...

كنت اتونست بصوت معقول, حصوصا" عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...

كنت امتنعت عن التدخين في منزل شخص اخر, او على الاقل استأذنت قبل ما تولع...

كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...

كنت رجعت القروش الاستلفتها في وقتها, أو في الحقيقة رجعتها و بس..

كنت امتنعت عن زيارة احدهم في مكتبه , للونسه او مناقشة امور لا صله لها بالعمل..

كنت خجلت من عدد المسكولات التي تعملها, مش كمان تقول "شنو يا فردة, خمسه مسكولات ما ترد عليها؟ و الله الفيك اتعرفت".....

ود المبارك · 12-02-2008, 16:45

العزيز مقنع الكاشفات
كلامك كلو صح ...............................
رايك شنو نغير الحاجة دى ونكون زى ماقلت............
وانا كنت نزلت بوست بخصوص الحاجة دى والسلوكيات الزكرتها دى كلها ح نتطرق ليها
ودايريين دعمك
البوست بعنوان الى كل عشاق السودان : دعوة للتغيير

muntaha · 12-02-2008, 18:39

والله يا مقنع الكاشفات ما خليت لينا ناحية ننوم عليها ،،،
لكن الكلام الصريح ولو زعل مريح
كلامك صاح وياريت دعوة الاخ ود المبارك للتغيير
يكون في تجاوب معاها عشان نكون احسن مما نحن عليهو

عاصم السمري · 12-02-2008, 18:53

كلامك اطيب الخاطر واتمني الجميع يعمل وانا اولهم اخوك عاصم التكينة

عارف جلال · 13-02-2008, 15:54

مشكووووووووووووووووو رعلى

الموضوع بامقنع الكاشفات

mrzool · 13-02-2008, 16:31

عشا الباياتات
والله ما بتخيل اني اكون ما سوداني
وما اظن اني في يوم من الايام اتطبع بي طبعة غير اللكنة و الطبعة و البصمة السودانية الركيكة
وبرغم ركتها الا انها عاجببببببببببببببببببببببببببببببببببببببباني
تسلم اخوي انا
الابنوسي،،،

كسلاوية · 13-02-2008, 18:05

اقتباس:

كنت اتونست بصوت معقول, خصوصا" عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...

كنت امتنعت عن التدخين في منزل شخص اخر, او على الاقل استأذنت قبل ما تولع...

كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان
تسلم شديد يامقنع الكاشفات موضوع جميل بس مابتخيل ما اكون سودانية

تسلم شديد يامقنع الكاشفات موضوع جميل بس مابتخيل ما اكون سودانية

مقنع الكاشفات · 14-02-2008, 20:08

يا أخوانا انا قصدي إحنا بنتكلم بدون ما نعمل ونحلم بدون ما نحقق يعني بي صريح العبارة ( كلام خشم )

إحنا محتاجين التغيير ومحتاجين للكثير

اقرب مثال محتاجين نغير الجوانا بس قولوا لي كيف

قال الله تعالى ((لا يغير الله قوماً حتى يغيروا ما بأنفسهم ))

ناعس الاجفان · 14-02-2008, 22:49

اقتباس:

المشاركة الأصلية كتبت بواسطة مقنع الكاشفات

يا أخوانا انا قصدي إحنا بنتكلم بدون ما نعمل ونحلم بدون ما نحقق يعني بي صريح العبارة ( كلام خشم )

إحنا محتاجين التغيير ومحتاجين للكثير

اقرب مثال محتاجين نغير الجوانا بس قولوا لي كيف

قال الله تعالى ((لا يغير الله قوماً حتى يغيروا ما بأنفسهم ))

صدق الله العظيم

نعم أخي مقنع الكاشفات فنحن نحتاج ألي تغير داخلي
بكل ما تعني هذه الكلمه ويجب علينا وضع أهداف محدده
لكل مناحي حياتنا ونكون جادين في كل ما نأتي وما نــذر

ولك منا كل التقدير

elnemire · 14-02-2008, 23:36

[السلام عليكم ورحمة الله وبركاتو

اولا ناسف الى الدخلو من غير دق باب حتا لو رنه بس في خلاف مع احد الشباب
وعيزن منكم الرد القاطع

السؤال ما المقصود بي ارض الكنانة بنعرف مصر0 من ما مخوز الاسم