الى كل عشاق السودان : دعوة للتغيير

ود المبارك · 11-02-2008, 17:12

الاخوة الكرام
السلام عليكم ورحمة الله تعالى وبركاتة
يتميز الشعب السودانى عن سواه من شعوب العالم بعادات وتقاليد نادرا ما توجد فى العالم وكلنا نفاخر بذلك فنحن نتميز بالمحنة وصلة الرحم والطيبة الزايدة والكرم وكثير من الصفات ولكن

................ واه من لكن لدينا عادات وسلوكيات اسواء من عادات وسلوكيات العالم اجمع

ففكرت ان اضع هذا البوست حتى نغير ما نستطيع من هذة السلوكيات فنقوم بوضع سلوك معين من سلوكياتنا السيئة ثم يقوم كل شخص بمحاولة تغيير هذا السلوك على (نفسه فقط) ويلتزم بذلك ويقوم بعد ذلك باعطاء نفسة درجة من 1 الى 10 فى مدى التزامه بالسلوك الجديد وذلك على مدى اسبوع ويقوم بزيارة البوست ويخبرنا عن تقييم نفسه والتغيير الحاصل فى حياته سوا كان ذلك سلبى او ايجابى وسوف اقوم انشاء الله بكتابة واحدة من السلوكيات كل اسبوع ولنا متفائل ان النتيجة ستكون مذهلة اذا ما روعيت الجدية وسوف نغيير الكثير فى حياتنا
ولا رايكم شنو ؟؟؟؟؟؟؟؟؟؟؟؟؟

ضربة البداية

السلوك القديم : اذا اراد احدنا زيارة الاصدقاء او الاقارب فاننا نذهب فى اى وقت واى ساعة من اليوم وندخل البيت من غير طرق الباب او دق الجرس بل نكتفى بالدخول للصالون او الحوش ونصفق و ( يا ناس البيت يا الجوة)

السلوك الجديد : الاتصال قبل الذهاب حتى يكون اهل المنزل على علم بحضورك و تجنب الزيارات فى الاوقات المنهى عنها فى الاسلام

وانا فى انتظار تفاعلكم

**طارق** · 12-02-2008, 09:58

اخى ود المبارك تحيه طيبه ...

جميل ان نغير ما بأنفسنا حتى الله يغير الله حياتنا .. وواقعنا .. والاجمل أن نبدأ نحن في تغير
سلوكايتنا .. والسلوك لا يتغير الا عندما ينبع من أخلاق جميله وحميده مبدأها من الدين الحنيف
والالتزام ... ولذلك كل تغيير في السلوك لا تطرأ عليه الاستمراريه ما لم تكن مستمده من اخلاق
كريمه وعاليه وحسنه .....

السلوك اللى ذكرته ما من أدب الاسلام في شئ .. رغم اننا تجاوزنا عتبة الاستئذان بطيبة اخلاقنا
وعاداتنا .. ولكن من الاصول واداب الزياره هو الاستئذان في كل شئ .. عند استعمال اشياء
اصحابها ...

نتمنى التغيير في السلوك ... الى الافضل ...

ود المبارك · 12-02-2008, 10:38

Size="3"]الاخ طارق شكرا على المرور[/size]

اقتباس:

السلوك اللى ذكرته ما من أدب الاسلام في شئ

..
لم افهم ما تقصده هل تعنى ان فكرة الاتصال بالذين ترغب بزيارتهم ليست من الاسلام فى شى اذا كان هذا ماتقصدة فاعتقد انك قد جانبت الصواب
وهل تؤيد فكرة البوست؟؟؟؟؟ ..

muntaha · 12-02-2008, 11:23

جميل يا ود المبارك وانا اول مؤيد ليك في الموضوع ده
وبالمناسبة دا ما تقليد للحضارة الغربية ده لو كان العندهم اسمو حضارة
لكن دا خلق اسلامي والاسلام جعل مواعيد للزيارة وطرق للاسئذان
والتحية للعفوية السودانية والطيبة الماليانة حتى التشبع لكن خطوة للتغيير للاحسن
فما اجمل ان نكون عفويين وطيبين ومستئذنين
وتقبل مروري ...

ود المبارك · 04-03-2008, 10:38

وينكم ياناااااااااس؟؟؟؟؟؟؟؟؟؟؟؟؟؟؟؟؟؟؟؟؟

ibnhashim · 04-03-2008, 12:07

كلامك عين العقل
و أكبر مشكلة عندنا التهاون في موضوع الزمن لحد ما بقت الدول القامت بعدنا تضرب بينا المثل في الكسل و الترطيبة و ينكتوا بينا كمان

و السلوك السليم: احترام الزمن و عدم إخلاف المواعيد و التي هي من صفات المنافقين

ومشكور على الموضوع الحيوي دا

ود المبارك · 16-03-2008, 10:33

يا اخوانا بالجد لازم نغيير ما بانفسنا حتى يغير الله ما بنا

انا تانى بكرر الدعوة لتنشيط البوست دة ودا ما ممكن يكون الا بتفاعلكم
ويللا ورونا همتكم ماتقروا الرابط دة من غير ما تشاركو او تقولو (شكرا على الموضوع الجميل) دايريين شغل

والسلوك بتاع السئ بتاع الاسبوع دة هو
دايما انا صح ورأئي هو الراى السليم وما بسمع كلام زول الا انا
السلوك السليم
انا ممكن اكون غلط بس المفروض اسمع راى الطرف الاخر واعترف لمن اكون رائى غلط

تولستوي · 16-03-2008, 14:13

ود المبارك ..

أحييك ما بتحيينا.. نهاراتك سعد ..

مع أن كلامك أبان سلوك (السوداني) في تصاريف حياته اليومية ودعوتك للتغيير، إلا أنني من وجهة نظر خاصة أظن أن قمة التعامل ينبغي أن يكون هذا سداح مداح.. وهذا ما يميزنا عن غيرنا في التكلف السمج.

خلونا يا أخوانا على عفويتنا دي والله مرتاحين بيها.. بدل ما نقوم نتكلف كأننا نقوم بزيارة مدير في وزارة أو خلافه.

بس بالليل يا ريت الزيارات ما تكون سداح مداح.

ودادي ليك..

عمرو عبده · 16-03-2008, 15:09

احييييكم ياود المبارك .. وكل الناس الشاركو
كتبت موضوع اليوم مشابه لموضوعك دون علمى بوجود موضوعك القيم
اسمح لى ان اقول لك : احترام الوقت من اكبر مشاكلنا وكذلك آداب الزيارة
اتفق معك .. نضرب تلفون قبل الزيارة
ونزور معارفنا فى الاوقات المناسبة لهم

واؤكد على اهمية التواصل والتوادد بين الاقارب والاصدقاء

واهمية تطوير بعض سلوكياتنا السالبة

ود المبارك · 16-03-2008, 15:26

الاخوة الاعزاء
السلام عليكم
ردين فى نفس اليوم

انا ما مصدق

ايوة كدا التفاعل

العزيز تلستوى
اشكر مرورك القيم بس انا مختلف معاك شويييييييييييية ايوة نحن عفويين شديد وبسيطيين خالص دى صفة حلوة جدا وما فى الا عندنا نحن السودانيين معاك 100 100 بس انها تصل لدرجة (سداح مداح ) دة انا البختلف معاك فيهو لانو لازم البنى ادم حريتو تقيف عند حدود الاخريين فمثلا اديك مثال حى يحدث فى كل المجتمع السودانى مرتين فى السنة فعند حلول الاعياد تفتح ابوب البيوت والقلوب مشرعة لتستقبل التهانى ويدخل اهل الحى الواحد على بعضهم مهنئيين بحلول العيد ( دى عادة حلوة جدا جدا صح ؟؟ انت معاى ؟؟؟) ....................
...................... بس خلينى اقول ليك الجانب التانى مجرد ماتنتهى صلاة العيد يتلمو شباب الحلة ويقولوا يلا نلف على ناس الحلة ...... لكن نبدا بى ناس فلان لانوهم عندهم حاجات موبالاغة( جمع التفجيخ من مبالغة) و التانى يقول ليهو لا احسن نبدا بى ناس هناى لانى مشتاق اشوف فلانة و بعد ما يطلعوا من البيت هاك ياتعليق وهاك يا ضحك ................ و المشهد د اتكرر قدامى اكتر من مرة وفى اكتر من منطقة فى الخرطوم

اها رايك شنو يا تلستوى يا اخوى النخليها سديح مديح ولا نوزنها شوية

الاخ العزيزعمرو عبدو
شكرا على التعقيب ونتمنى اننا نتغير الى الافضل فالعفوية حلوة بس احترام الغير و المحافظة على خصوصيتهم احلى
ودمتم
والله من وراء القصد