موضوع في كملتين لكن مقلق جدا

ايهاب نميري · 26-01-2008, 22:15

السلام عليكم ورحمة الله وبركاته

تحياتي واشواقي ليكم ،،،،
عندي موضوع ممكن بعض الاعضاء يهتم بالموضوع دا ويدينا رائيه وممكن البعض الاخر يضرب بالموضوع عرض الحائط ..
الحاصل ظاهره غريبه تمر على الشعب السوداني
ظاهرة زاوج البنات من هم دون ال 25 سنه برجال تعدوا عمر ال 49 سنه او اكثر
الصراحه انا فتحه الموضوع دا لاني انا مريت با تجربه زي دي
الحاصل انو تفكير بعض اللبنات للأسف اصبح مادي شديد ( وهمخاتين في بالم انو لو اتزوجت واحد اكبر من ابوها ح ب\يسيب ليها ورثه وقروش ومال والكلام الكتير دا كله لكن ح تكون نست انو الاعمار بيد الله وممكن هي تموت قبله ودا فعلا حصل )
وللأسف بعض الشابات بختو ا فبالك انو لو ارتبطت با شاب في عمرها او اكبر منها با فارق بسيط ممكن ما يقدر يعيشا في الوضع الهي بتحلم بيه وبرضو برجع وبقول هي نسيت انو مصير الزول البيقوم صغير يكبر يوم من ايام والكبير مصيره ينترم او يقع دق الدلجه وفي الاخير هي الخسرانه .
بتمنى انو اعرف وجهة نظري دي صحيحه ولا انا غلطان

شكرا ليكم

سرورة الدكتورة · 26-01-2008, 22:54

التفكير المادي بشكل عام ما كويس و دائما عواقبو لا تحمد.

حتى لو كان شاب و كان الدافع مادي برضو ما حاجة كويسة.
وكلامك صاح الصغير باكبر

ايهاب نميري · 27-01-2008, 00:46

اقتباس:

المشاركة الأصلية كتبت بواسطة سرورة الدكتورة

التفكير المادي بشكل عام ما كويس و دائما عواقبو لا تحمد.

حتى لو كان شاب و كان الدافع مادي برضو ما حاجة كويسة.
وكلامك صاح الصغير باكبر

ليك تحياتي واشواقي يا سروره وربنا يديك العافيه واشكرك على تعليق

smilee666rami · 27-01-2008, 08:10

السلام عليكم
زواج الرجل بزوجه تصغره سنا كثيرا مشكلة كبرى
لان فارق السن عامل مهم(كيف ينسجم معها حبا و تفكيرا وجنسا) هذا مؤسف جدا ويؤدي الى عواقب وخيمة.
فشكرا لك على طرح هذا الموضوع

بيت البلد · 27-01-2008, 12:03

الاخ العزيز ايهاب ..........
شكرا على الموضوع الجميل ، فعلا فى كثير من البنات بيفضلوا الزواج بالاكبر سنا لاسباب ماديه ودا طبعا فى النهايه طمع لانو الواحدا اصلا مابتكون على علاقه او رابط بالشخص المعين انما هو مصدر دخل ليس الا عشان تعيش كويس وتلبس وتتفسح بس فى قراره نفسها بتكون بتفتش فى حبها الضائع وتحس دائما انها كتيرا على الزول دا خصوصا لو كانت جميله ..... وبالتالى هو بكون عندو احساس بى عدم الثقه فيها على كل دا زوج فاشل حتى لو ماوصل المراحل دى من احساس بى عدم الثقه او كدا .........
بس فى مرات دوافع اخرى للبنت تتزوج من الاكبر سنا ممكن يكون نضجو او احساسو بالمساوليه اوفهمو ومرونتو وردود افعالوا انا شخصيا بافتكر انو الرجل الناضج مريح جدا فى التعامل ، بس دا فى النهايه بيخضع لمقاييس خاصه ...........
ودمتا ......

ايهاب نميري · 27-01-2008, 16:40

بيت البلد الصراحه الكلام عين العقل وانا معاك وبأيد في كلامكم الجميل
وفعلا الظروف الماديه بتلعب دور كبير في الموضوع دا
يديكم العافيه وشكرا ليكم