مش عارف كلما أكتب كلمات في الزمن الجميل تأبي الشبكة أن تعمل عندي وتضيع في الهواء .. ليه كدا يا أحلى زمن ..........؟
أنا مصر على الزمن الجميل ..
رغم أن الماضي دائماً أحلى باعتبار أنه شوق للمستحيل .. لكن ليس كل ماضي أحلى وما علينا إلا أن نغض الطرف عن صفحات حزينة في ذاكرة الزمن الجميل .. وننظر في أيام الفرح والجمال في أخرى ..
أختي عروس الرمال ..
أولاً .. وقبل كل شيء إنت الكلام دا ... أدوك ليه وين ؟؟ وفي ياتو مدرسة .. ما أظنك حضرتيه ..
وتاني .. من الذي همس في أذنك بهذا الحس والجمال لتهيجي أشجاننا بهذا القدر ...
آه يا أجمل زمن ...
كثيرة كلمات كتبناها فيك وأقسمت أن تأكل سطورها رويداً رويداً حتى آخر حرف ..
زمان والناس بتتحكى .. وساقية حزينة كان بي صوتها تتبكى ..
هذا الحنين إذا اختلط عندك بشيء حامض المذاق يسمى الغربة ستخلق في جوانحك أحاسيس ومرارات وشجون لا تستطيع أن تصفها ولا تعبر عنها ..
كم دمعة سالت .. وكم قصيدة كتبت .. وكم أغنية ومعزوفة أبكت سامعيها .. في روعة هذ الزمن الجميل قطار الهم .. حفظنا السكة محطة محطة جبل موية جبل عطشان وجبل رويان وحتى الناظر وجرسو النايم ولون المكتب وعفش الناس الماشي يناهد بالكيمان ..
قولة يمة
ولبن الشاي وحجا الحبوبة
وجبنة ست الريد الرايقة
عصافير في الشدرات يتغنو
ونهرة يابا ودمعاتو
وخدار السوق جابنو سواقي
وهوى الرايقات غزلنو طواقي
وصبن فيه جداول شوق ومحنة
على الساحات
قصبات يتمايلو فرحانين
بصباح الدنيا وضحكاتو
ونخيل رويان من ثدي النيل
يتمايل زي ست الريد
لمان بي شوق ترمي الشبال
.
.
يا ريت لو أقدر أكمل ... ولو دايرين تعرفو شوقي الحاصل بي .. زوروا روابي ..
..