ما عندك مشكلة يا عروس أنا بتمها ليك .. والله أقول ليك أنا زاتي مرات تفلت مني الكلمات ولا أستطيع حتى أن أصل إلى مثل هاتين الكلميتن

ليك الرمـــلة مشتاقة كتير
وبتسأل عنك وعن الجــية

فعلاً جميلتين وتحكي عن شوق ومحنة ودمعة ..
أذكر كنا أصحاب في المدرسة المتوسطة ونذهب لنسلم على حبوبته فاطمة بت عبد الله وكانت مشهورة بمشاعر فياضة سموها في ذلك الزمن بالمحنة .. فكانت تحضنا في سلامها بقوة وتذرف دموع كثيرة .. لمجرد السلام .. كنا لا نفهم .. ساعتها .. لكن الآن فقط فهمنا لماذا كانت تبكي عند السلام علينا .. لا بد أننا كنا نذكرها وتعصر قلبها بشخصيات وأحداث وأشياء مضت من عمرها الطويل لن تعود فكانت ترى فينا جزء من تلك الأشياء الجميلة ..
فعلاً مسكين من لم يحظ من ذلك الزمن بشيء ..

ليك مشتاقة الرملة كتير
بتسأل عنك وعن الجية
بتسأل عن جلسات الريدة
وعن خطوات مرواحه عشية
وعن آهات كانت مكبوتة
وعن أحلام عاشت منسية
كنت حضن وفراش أفراحكم
وحافظة اسراركم وليها وفية
وبوح همساتكم بي أشواقها
مع النسمات شايلاها هدية
أنا من يوم فرقتكم ببكي
وما لاقيت العافية شوية
**
يا رملاتنا ويا قمراتنا
ان شاء الله عدوكي
وانتي برية

سافر طار أسراب اسراب
وزين وخريف بكاي وسحاب
سافر وخلى الحلة خراب
كان شتلاتو ملانة شباب
نديانة مفرهدة داب الداب
وكان النيل ساقيها تساب
رويانة ورامية ثمار ورضاب
أنا كنت زمان عاشق كبكاب
وكنت بسوي الحيلة سلام
وسؤال عن الأحوال وجواب
ورمية فنجان جبنة
مع ضل الكضاب
ودا كلو عشان السمحة
تجي ونتلاقي سلام أحباب
وتضحك بت الحاج حبوبة
شديدة وعارفة القصة
وعامله ليها عشانا حساب
ونشش بع في الونسات
الصافية صفا نياتنا
تزيد أشواقنا
مع الخطوات لي عند الباب
ويشلع نور قمراتنا
مع خديداتها الضوايات
أشوف الدمعة تسيل
حراقة بتحكي
سنين ريدنا الجايات
كأنها عارفة ثمارها الشايل
ما برجاني عشان أتخرج
ومن الغربة أجيك ونتم
فرح الأمات ..
حليل قمراتك في الحيشان
وحليل نجماتك ضووا ورحبوا بالضيفان
وحليلها شموسك في العصرية
بيقدلوا فيها كدي العرسان
وحليل شتلاتك حارسة جروفها
وقالدت النيل بالأحضان
وخدارها الفوق
وجداول شوق
وقلوب فاضن ملن الحيضان
.................
**********
&&&&&&&

دد دق
دد دق دد دق
دد دق دد دق
دد دق دد دق
ددق ددق ددق ددق
ددق ددق ددق ددق

صفارة طوييييييييييييييييييييييييلة
غبار وعجاج ناعم ومهتاج
نغمة وإيقاع حلوة وبسراع
والناس يتراقصو هن نايمين
وقطار النار طايع ومختار
شاقي القيزان
يبكي وحزنان
سالن دمعات وفراق حبان
وقليب بالشوق طاير فرحان

وكحيل العين تالا الشباك
ينظر مشغول البال بي هناك
ومع النسام طارن خصلات
شالن بالشوق الريد ولهان

بالك مشغول صاحي وساهي
فتح الكراس وجريدتو وطرحتو
فوق الراس

ما كنا زمان أحباب وسغار
شفع نجري
ما بنعرف إلا صدى الصفارة
وصوت وهدير غضبان وقطار
جاري وعجلان
شايل من خلقو كتير
نسوان ورجال
لحظات ويغيب ومعاه غبار
ما كنا بنعرف في جواه
حزن وأفراح وجمال أرواح
وقصص يادوبك ريانة
وقلوب تتلاقى وتتفرق
وعيون بالريد زين تتحرق
وكلام ألغاز
فتح الصنفور
ورمي التابلت
داخل عتمور
ناظر وأجراس
من غير حراس
في كل بلد
اصناف واجناس