|
شارك والموضوع للنقاش مقتل طالب بجامعة الجزيره
الاخوه الاكارم بمنتديات عشاق السودان .... سلام
*****************************************
نفتح اليوم ملف العنف الطلابي في الجامعات السودانيه واسمحوا لي ابدا اشارة البدء في الموضوع دا بانوا اكتب راي المقتنع بيهو واتمني انو الناس تطل عليهو وترد وتعلق بما يقتضيه الواجب والضمير لو صح التعبير لاننا في الاساس عشاق السودان ولما يموت سوداني بالطريقه دي الموضوع بكون مخجل في حقنا كسودانيين. ليه الخلاف يصل مرحله القتل حمدنا الله انو الحرب في الجنوب وقفت انفتحت دارفور ودي ماقادرين عليها نحلها ولا ننقل الميدان للجامعات.
شباب غض المستقبل قداموا ليه بيعمل كده ؟
وياتو قناعه شوم بتوصلك لي كتل؟
ودا كلوا لو جردت المسائل تلقاها اشان كرسي الحكم . خلينا نكون اكتر صراحه اهو السودانيين من الاستقلال حاكمين الحصل شنو جديد والاتقدم شنو انا مابقصد انو الناس كلها تزهد في الحكم ودا طبعا من الاساس مستحيل لكن اليتم الموضوع ومعاهو شويه حكمه مش هوس اعمي. بعدين الاخر موجود وحيظل موجود سيدنا عمر اعدل الخلفاء الراشدين مات مقتول دي صوره بغيضه من صور الخلاف وعدم احترام الاخر فموضوع انك تلغي الاخر بالتصفيه دا في الاساس موضوع جبن ما شجاعه . دي نقطه النقطه التانيه دايما طلاب الموتمر الوطني اللهو بيمثل الحكومه الان تغلبم حيله ينادوا اخوهم الكبير *البوليس والامن* يعني الطلاب بقوا اتنين في عين الجهات الامنيه طلاب يجب حمايتم ورعايتم وطلاب مطاردين ومشردين بس اشان بيقولوا رايم ايا كان الراي شنو.
والرد دايما جاهز ديل مغشوشين ماعارفين مصلحتم وين المفروض يقروا قرايتم ويتخرجوا لي اهلم الحارسنهم صرفوا فيهم دم قلبم. اولا انت بالصوره دي بتطلع جيل قاصر سياسيا وتانيا منو الاداك انت الحق اشان تقرر لي الناس تعمل شنو وماتعمل شنو والنتيجه مزيدا من التمرد وحتي لو بتتكتم عليهو.
علي العموم الموضوع جوانبوا كتيره خالص لكني بعتبر انو دي بدايه واتمني ردود ومشاركات والنقاش يستمر....
التعديل الأخير تم بواسطة : twaaf بتاريخ 16-01-2008 الساعة 23:16.
|
العرض العادي
