الزواج العرفى يا بنااااااااااااااات

الطاهر التاي · 11-10-2007, 16:34

[align=CENTER]

يا بت الأصول ........ حسنك ...... بديع................ فتان
واهلك .... ناس كرم...... واشجع ................. الشجعان
خلي بالك .......... أوعه ... يغشك ........... ....الشيطان
بالعرفي .. والمعسول.. خبرك يكون .......... في كان
وباكر ...... تندمي ..... عمرك .... ما تلقي ........ حنان

الزواج العرفي .......... ياما ....... ضيع ...... ...الحلوات
ياما بكى .... رجال ... وياما .... طـلـق ........... الأمـات
وياما خلى ... الناس ......... تخاف .......... على البنيات
ويا ما خرب بيوت .... زاد ....... في البلاد ....... أزمـات
ويا ما ضيع شرف .... كتير ... من.................والإخوات

لو خابت ........ بنت واحدة .......... ينزف.... ضمير الحلة
وتهز ....... أركان بيوت ....... تملاها عار ........... ومذلة
وتنكس ...... رؤوس .... ناسا ........ عظام ......... وأجلة
وبت الناس العزاز ...... تتهان ..... تضوق ........... الذلـة
ومين .... تاني ..... يجيها .... بعد الهوان ......... والزلة
وخلو ..... بالكم ... هوي ... بالله هوي ........ يـا خـلـة

الشاب الوضيع ... كيف .... يضحك .. ........على الحلوات
والشاب ....... الخسيس ... منـو الفضـايـح .......... جــات
كيفن تصدقوهو ....... بالله ... ......كيف .......... يا بنات
وعز البنت ... في بيتها ..... يجيها ............ أخو البنات
وانتو بنات مدارس ..... و في ..... أحسن ..... الجامعات

الــزواج العـرفــي ......... لا سـنـه .... ......... لا قـــرآن
والزواج العرفي ....... أصلا ........ من ......... الشيطان
والبت الأصيلة ....... ما بتسمع ...... كلام ........... خوان
نـاسه رجال.... وكيـفن ... فـيـهـم تـهـز ......أركــــان
تخرب سمعتهم ... تخليهم بين الرجال ............ نسوان

الزواج العرفي ....... من بره ..... جانا ........... خراب
ما سمعنا بيهو .......... ولا جانا ........ منو ..... جواب
لـكين الزمان .... أصــبـح .... .كـذوب ...... .. نصـــاب
خلي الناس ... خايفه كتير ... من الخاين ......... الكذاب
ويا بنات الأصــول ..... لا تصــدقـوا ..... الكـضــــــاب

يا بت الرجال ........... بالله ..................... لا تأزينا
بالعار... والشنار..... يا بنيه .................. لا تغطينا
وبي دمعا هميل ...... يا السمحه .... .........لا تبكينا
ومافي داعي للتعليم لوكان ...... بجيب .... الشينة
ويخلي بت الرجال ... بالعار....... تقد ........ عينينا
والعار لو حصل .... يهدم ......... شمال ...... ويمينا

الزواج في السر ..... كيفن........ يكون ... مشروع
لو ما كان في العلن.. في حشدا كبير...... مجموع
وزغاريد ......... بناتنا ..... تملا الحلة ... والمشروع

وكيف نبني بيتا ....... بابو ....... الكبير.... مخلوع
وعريس .... الهنا ... وين أهلك .......... يـا جـربـوع
ويا بنات الحلال ...... هذا الزواج ... ...........ممنوع

يا بت الرجال ..... لا تمشي ............... دربـا شين
وخليكي اصيلة ..... سمحه ............. وطبعك زين
اقري .... واتعلمي ...... وتكوني ... من الفايزين
والعرس ... يا حلوه ... خليهو ... لي ........ بعدين
أو بشورة الأهل ....... لمن ... يحين ........ الحين

ويا .......... ود الرجال ..... لا تخدع .. السمحـات
وانت ........ عندك أكيد .. كتير .... مـن الأخوات
وعندك......الخالات....... والجارات .......والعمات
هل ترضى ليهن .. عرسا.. ما زفتو .......الأمات
وهل ترضي لي اختك . الضيعة ....... والازمات
خليك هميم وخلي......زميلاتك ....... ليك اخوات

هذا الزمان يا أخوه ... هذا الزمان......... خـداع
وفيهو بيوت كتيره عـاشت ... هوان....وضياع
وفيهو ..... كم أب حزين... كسير.......... ملتاع
وفيهو كم أم جنت .. خلاص .. العقل ...... ضاع
وفيهو كم بنت ضاعت ... ما لاقـيه ليها شراع
واحسن تسيبوا الغفلة ..... داوا الجراح بسراع
تنستر ..... البنية.. بـي زولا أصيل.... وشجاع

البت أدبوها وبالحيا والعفاف...والدين كمان ربـوها
وفي هوج الرياح ...... وحيدة ..... لا ...... تسيبوها
أدوها الصـراح .... لكيـن ..... كـمان ....... أحموهـا
وبـنات السـواد .... بالله .... لا ..... .يـصــاحـبوهــــا
لا تمشي ...... ليهم ..... وعندكم ........... لا يـجـوها
واحــفــظ يــا كريم .... ست ستهم ..... ..و أخــوهـا
وارفع راسو عالي .... الغالي ديمه ....... أبــوهـــا

[/ALIGN

HimOvicH · 11-10-2007, 23:06

بس كده؟؟؟

مافى موضوع معين؟ حاجة نتكلم فيها يعنى؟؟

بعدين كمان شايفك ماخد انو الزواج العرفى ده بس عبارة عن تفاهة و الود الوضيع يحنك فى البت وكده!!

فى جوانب تانية!!

الطاهر التاي · 16-10-2007, 10:37

هيمو

أيوه يا هيمو .... كده .... وبدون بس .... لأن كلمة بس تبسط الموضوع
وكأنه موضوع عادي ! لم يهتز له المجتمع الفاضل كله !
ثم وبصراحه كده أنت مؤيد الزواج العرفي أم ضده ؟؟ وبعدين الموضوع
ما موضوع رأي شخصي ! فقد حسم هذا الأمر علماؤنا الأجلاء وأفتوا
بحرمته ..... والإفتاء له شروطه ... وما كل واحد يفتي على كيفو .
والموضوع ما موضوع تفاهه .... بل هو كارثه يمكن ان تهد مجتمع كامل
وتجعله تابع وذيل للأراء والمعتقدات الخاطئة .

وشكرا على المرور

HimOvicH · 16-10-2007, 15:50

حسى انا ما افتيت ولا حاجة .. لكن ما اى زول يغلط معناهو هو منحط و سبب خراب الامة و متاثر بالعادات التانية و الحركات دى!!

لازم الناس يعرفو الزواج العرفى ده اسبابو شنو لانو زى مافى ناس بيتزوجو للمتعة فى ناس تانيين!!

حسى زول جاب سيرة علماء هنا مافى و الافتاءات دى كلنا حافظينها!!

الطاهر التاي · 16-10-2007, 18:47

هيمو .... ؟
أنا لم أقل انك أفتيت ..... ولكنني قلت ان حرمة هذا الزواج محسومة بفتيى
علماؤنا الإجلاء ......
الإنسان الذي يتعمد الخطأ للإضرار بالآخرين يمكن أن نجرده من كل فضيلة
وأن نسميه بما نشاء !
وأي نعم ...... يجب أن نعرف الزواج العرفي .... وما يجره على البنت وأسرتها
من ويلات وفضائح .....
لم ترد على سؤالي ..... هل تؤيد الزواج العرفي رغم حرمته المؤكدة ؟؟؟
والإفتاءات .... أرجو أن تعمل بها !!!

ولك ودي

عطر الكون · 17-10-2007, 03:18

هذه قصة من قصص الزواج العرفي ومن بعدها احكموا

بين أسوار الجامعة ترددت على مسامعنا حكاية الطالبة م. ل التي تزوجت لمدة عامين من أحد زملائها قبل ان تتخرج من كلية الآداب وفيما هي تحمل شهادتها الجامعية في يدها كان الجنين يتحرك في أحشائها بينما الزوج تحلق به الطائرة في طريقه الى احدى الدول الخليجية.. تمر الأيام بطيئة، والزوج المسافر لم يرسل عنوانه او دعوة لتسافر إليه كما وعدها.. الأيام تمر.. والجنين يكبر.. وبطنها يتمدد.. والفضيحة باتت مؤكدة.. ماذا تفعل ؟ لابد من الإجهاض، لكن ليس عن طريق الطبيب او مستشفى حتى لا تسأل عن الزوج او ولي الأمر.. حاولت اجهاض نفسها من خلال الوصفات الشعبية.. فأصيبت بنزيف حاد، وماتت بين يدي ثلاث من صديقاتها اللائي روين القصة كاملة أمام الشرطة .

وهناك الكثير.

عن مشروعية الزواج العرفي يقول الشيخ عطية صقر عضو لجنة الفتوى وأحد أبرز علماء الأزهر: يطلق الزواج العرفي على عقد الزواج الذي لم يوثق بوثيقة رسمية، وهو نوعان: نوع يكون مستوفيًا للأركان والشروط، ونوع لا يكون مستوفيًا لذلك.
النوع الأول: عقد صحيح شرعًا يحل به التمتع وتتقرر الحقوق للطرفين وللذرية الناتجة منهما، وكذلك التوارث، وكان هذا النظام هو السائد قبل أن توجد الأنظمة الحديثة التي توجب توثيق هذه العقود.
أما النوع الثاني: من الزواج العرفي فله صورتان: صورة يُكتفى فيها بتراضي الطرفين على الزواج دون أن يعلم بذلك أحد من شهود أو غيرهم، وصورة يكون العقد فيها لمدة معينة كشهر أو سنة، وهما باطلان باتفاق مذاهب السنة.
وإذا قلنا إن النوع الأول صحيح شرعًا تحل به المعاشرة الجنسية، لكن له أضرارا، وتترتب عليها أمور محرمة منها:
1- أن فيه مخالفة لأمر ولي الأمر، وطاعته واجبة فيما ليس بمعصية ويحقق مصلحة والله يقول: (يا أيها الذين آمنوا أطيعوا الله وأطيعوا الرسول وأولي الأمر منكم) [النساء: 59].
2- كما أن عدم توثيقه يعرض حقها للضياع كالميراث الذي لا تسمع الدعوى به بدون وثيقة وكذلك يضيع حقها في الطلاق إذا أضيرت، ولا يصح أن تتزوج بغيره ما لم يطلقها، وربما يتمسك بها ولا يطلقها.
ومن أجل هذا وغيره كان الزواج العرفي الذي لم يوثق ممنوعاً شرعًا مع صحة التعاقد وحل التمتع به، فقد يكون الشيء صحيحًا ومع ذلك يكون حرامًا، كالذي يصلي في ثوب مسروق، فصلاته صحيحة ولكنها حرام من أجل سرقته ما يستر العورة لتصح الصلاة.
وكذلك لو حج من مال مسروق فإن الفريضة تسقط عنه، ومع ذلك فقد ارتكب إثماً كبيرًا من أجل السرقة

فاسد وباطل‏!!
ويعلق الدكتور نصر فريد واصل مفتي مصر السابق قائلا أن الزواج العرفي الذي يتم حاليا بين الشباب فاسد وباطل
ويخل بكل المبادئ والقيم الروحية ويؤدي إلي ضياع الأبناء وتشريدهم في المجتمع ولا تترتب عليه أي آثار شرعية‏..‏
ويعتبر نوعا من أنواع الزنا لأنه لم تكتمل فيه أركان النكاح وفيه مخالفة لحدود الله ورسوله‏..‏ فوجود الولي ركن أساسي من أركان النكاح وقد قال صلي الله عليه وسلم لا نكاح إلا بولي وشاهدي عدل وعدم وجود الولي يجعل الزواج باطلا أصلا ويدخله في حيز الزنا‏..‏

HimOvicH · 17-10-2007, 14:20

يا الطاهر و يا زهرة الياسمين كلامكم ده على العين و الراس و كلنا عارفين انو الكلام ده غلط و فى حاجات الانسان ما بيحتاج فيها فتوى علشان يعرفها لكن انتو لازم تناقشو السبب الخلى الناس تخترع نوع الزواج ده !!

الطاهر التاي · 22-10-2007, 13:18

نعم يا هيمو ... يجب مناقشة هذه الظاهرة وصولا الى حلول ناجعة لها
والمجتمع كله مسؤول .... ومطالب بالحيطة والحذر :

يا بت الأصول .... لا تبقي جاهلة .... عويرة
ومعسول الكلام ..... بحر هلاك .... وجريرة
ولحظات السعادة في العرفي والله قصيرة
والزواج في السر ... ديما عواقبو ....خطيرة

الطاهر التاي · 28-10-2007, 18:02

والـزوله بـت الناس ما بتـسوي ليـها أزيــه
وما بتمشي مع بنات ما عندهن اي قضيه
فاكرات الدنيا لعب .... وزيادة في الحرية
ندمانه والله الخابت دفعت شرفها .. هديه

HimOvicH · 28-10-2007, 18:41

يا زول انت كلامك ده كلو بيدل على انو الزواج العرفى ده المذنبين و البيحنكو هم الاولاد و البنات هم اخر من فى بالك من مذنب!!