نداء الحبيبه

elfatihshowaa · 09-01-2008, 20:22

امبارح
سارح
بيني وبينك كان امبارح
فجر الليله
هداك ما ودع
ليل انجدع
فوق شمسين
ونحن قبايل شوق متشابكه
ايه خلاك...
واللا خلااااااص
نرجاك بعدين
نحن وكل الشافو محاسنك
بهجه وزين
نحن وفينا
معانا محاسنك
جد طيبين
سيب عشاق ناس ليلى وعبله
نحن هديل
مالك عاشقين
اصلو الحب ميلاد الرحمه
جوه قلوب التعبانين
والاحساس خلقوه موده
وهسي مخده
وتحتي يقين
يا زول طيبين
خير يا زول
ما بهم الراد
والشال زواد
من كحل العين
والروح درداق
ما بين جايين
وما بين مابين
لكن وحيات الزين والزين
تلقانا قبايل
جواك حافين
والشوق الراجع
تكس ماشي
وفات العين
فتحت جبين الشمس المارقه
علي بيت الله
وما بغباني الشوق وداني
عليك يا رحله
وخوفي جبين الشمس المرهف
نحو علاك ينزل يدلا
وخوفي نجوم الشوق والاحرف
تجري عليك
والصادك جله
يوم امبارح كان امبارح
وبرضو الليله يكون امبارح
نفسي اصافح
عين الريح
الراحت بيك
يوم جات ملخومه
واهري الليله يا ليل
بي نجوما
بس فطوما
المرقت تاهت
وخوفي الغول
يلقاها عزوما
ويا فطوما...
ويا فطوما...
الشالت شوق الشاقي
زقاق الضي والضلمه
ويا فطوما
الرادت عتمه
وشالت زحمه هم وارتاحت
حدي ارتاح بي هم العالم
مين القادر
يزرع شتله
ويرجي الشتله
ويهدي االشتله
لي قبر العتمه
آهـ يا كتمه
وآهـ يا فاطمه

تاهت داخلك
وانت مداخلك
دوشكه ومدفع
كانت داخلك
حايمه ولافه
وحولك طافت
كعبة بكره
بت للزكرى
بت بي نفس معاني الفكره
تاهت وكانت داخلك بذره
كانت تقره
الكف وتريدك
كانت تقره
عيونك وتفهم
انو امبارح
كانلك ارح
كانت تفهم
فيك احساسك
ضربة راسك
جوة تماسك
وحوة نصايص الدنيا بتحلم
انك تندم
وترجع تاني
ووين ما تبت
محل غفرانك

حولك طافت
داخلك ضاقت
وكل ما ضاقت
ترجع فرجك
ترجى قبولك
وارجي معاي
جواي دخولك
زي ما كان
في العتمه افولك