اي عاشق للسودان لازم يدخل ويرد علي ضروووووووووووري

eatemadinf · 09-01-2008, 10:59

صباح الخير ياعاشق السودان ويومك زين ياعاشقة السودان

انا الليلة بطرح عليكم اننا نعمل نظام الكورسات او الدورات التعليمية

يعني

دورة تعليم اللغة الانجليزية نبداها من الصفر لحدي الاحتراف ونكمل الفرنسية بعدها
نبدا اللغة الالمانية وهكذا نكون عشاق السودان بي كم لغة نقدر نوصل الموقع للعالمية ويكون بي كم لغة يكون الكلام دا في دورة اسمها دورة اللغات مثلا لي مدة 6 شهور نخلص لغتين او على حسب ما الله يقدرنا

مثلا دورة في تحفيظ الفران
دورة في فن التخاطب
دورة في الطبخ
دورة في الديكور
دورة في صيانة الموبايل
دورة في المكياج
دورة في الخياطة

وكل أسبوع نبدأ نسجل لي دورة ويكون في أستاذ وناس تلامذة

أظن الفكرة واضحة

والكتير الكتير

رايكم شنو؟؟؟؟؟

تعالو نخلي عام 2008 عام متميز علينا

أختكم

اعتماد

HimOvicH · 09-01-2008, 12:29

و الله الفكرة جميلة لكن كيف حيكون التنفيذ على الواقع هل على المنتدى ولا باى فهم؟؟

الفنان · 09-01-2008, 16:49

فكرة ممتازة يا إعتماد نؤيدها تماماً
لكن كما قال هيمو كيف يمكن تنفيذها من خلال المنتدى
أعتقد أن الكوادر ستكون موجودة ويمكنها تقديم هذه الخدمة
لكن هل ذلك ممكن تقنياً يعني الأخوة في الإدارة يشوفو طريقة لبرمجة صفحة لهذا العمل لو كان ذلك ممكناً عليك أن تتقدمي بهذا الإقتراح للإدارة عن طريق (قسم المقترحات ) وطلب الإفادة عن الإمكانية ..
وفقك الله إعتماد

bad boy · 10-01-2008, 06:57

الاخت اعتماد و الله فكره جميله

يا ريت تتنفذ علشان كلنا نستفيد

بس كيف ها تتنفذ ؟؟؟؟؟؟

ورينا كيف و نحنا معاك كلنا .

احترمااااااااااااااااااااااااااااااااااااااااااااا اااااااااااااااااااااااتي

همسات مشاكس · 10-01-2008, 13:24

اعتماد لابده ان تسارعى فى تنفيذ الفكر
بالجد فكره مباااااااااااااااااااااااااااااااااالغه
على الاقل الجميع يستفيد
وليك العافيه
وكل التحايا

mrzool · 10-01-2008, 16:49

dear eatemadinf
very nice SUGS

HimOvicH · 11-01-2008, 05:00

البت نامت بالموضوع

eatemadinf · 13-01-2008, 11:15

السلام عليكم ورحمة الله تعالى وبركاته

اولا شكرا ليكم على تشجيع فكرتي وردودكم

اخي هيمو انا مانمت بالموضوع ولا حاجة

بس كهربتنا كعبة اليومين دي وبتقطع كتير

فكرتي نعمل الدورات على الموقع وتكون متسلسة وانا ماعارفة يعملون قسم جديد للدورات التعليمية ولا كيف ؟؟ ناس الموقع بيتصرفوا لكن ح نعملها في القسم العام

نحنا بنعمل الدورات والعاوز يسجل معانا ولو في سؤال في الدورة تسأل كانك في القاعة وكدا والتعليم دا جماعي

انا عاوزة انو نبدا أول شئ بي دورة متكاملة
ونسجل
ونستمر

لو زول حسا انو كسل نحنا ما نخليهو وكدا لمن نستفيد

وانا عارفة انو الموقع مليان بالجهابزة في كل المجالات

بس اقتراحاتكم أول دورة تكون شنو ؟؟؟

وتكون مكثفة ولا على راحتنا ؟؟

لو مافي اقتراحات كتيرة ممكن اختار ليكم نبدأ بي تعليم الانجليزية

وطبعا مفروض ما تكون نقل وبس

شرح متسلسل وساهل

نحنا نبدأ يوم الاثنين ان شاء الله التسجيل للدورة المختارة

بس تسجل اسمك الاول ما المستعار

ولو كان العدد كبير شوية ح نبدأ

تحياتي واحتراماتي ليكم

وشكرا على تأييد الفكرة

وتسلموووووووووووووو كتيييييييييييييير ياأهلنا

بنت الشاطئ · 13-01-2008, 11:44

اختي اعتمــــــــــــــــــــــاد

الفكره حلوه شديد وانا معاكم

بس اعتقد انو المواضيع دي تطرح في العام صعبه شويه

لو امكن ناس الاداره يشوفو لينا منتدي فرعي هنا في العام مثل (الكرسي الساخن ) في المناسبات

وبالطريقه دي يكون الموضوع مرتب احسن

لكم التحيه احبتي

ابراهيم خليل · 13-01-2008, 11:50

فكرة جميلة وتفيد الاخوة والاخوات
اليك اطيب تحياتى
وكل عام وانت بخير