حاجة حقتى .... ومعليش دخلتكم فيها

ايمن كاسترو · 02-01-2008, 21:36

الفين وستة ....

كانت احلى سنة لى .... كانت سنه العشم والطموح ... كانت اخر لى سنة فى الجامعة ... وطبعا عارفين اخر سنة دى بتكون شكلها كيف ... طموح ووعود وعشم ...

فى بداية السنه ... جات الجامعة ... كانت بتقرا معاى فى نفس الجامعة بس هى فى كلية تانية مامعنا فى نفس المكان ... جوا زيارة لى كليتنا كانت برلومة عسولة ... كانت مبالغة رغم انى عرفت وخشيت فى علاقات غيرها كتير ... والله ما اقل من كم و30 علاقة ... ما عشان انا بلعب ولا ما جادى ... لكن كنت بفتش عن نصى التانى ... كنت داير حتة استريح فيها .... نفسى اقول حبيبتى من جوه واحسها .... المهم جات الجامعة وقلبى من ديك وقع وقال ( ياعمنا انت وقعت وما سمو عليك ) المهم لانها كانت السنه الاخيرة فى الجامعة كنت بفتش على واحدة ابدأ معاها علاقة جادة وقوية عشان ابدأ سنه الحياة ...
ياسلام على 2006 كانت جميلة جدا .... وعلاقة اجمل من كدة مافى تفاهم وحب ورومانسية والاهل عرفوا الحاصل واهلى باركوا لى البرنامج دة ... وامى اتبسطت منها .... تانى مافى حاجة ....

بقيت عاطل :

مطلع الفين وسجم الفاتت دى .... يوم موبايلات ... ويوم تصميم ويوم سايق حافلة ويوم شغال فى محل تصوير مناسبات ... والخدمة الوطنية والفلس .... وو ووو ووو ووو ووو وو ووو ووو وو ووو ووو وو ووو وو والروب

من يوم فلقونى بى بيضة معفنة فى راس السنة عرفت الفين وسجم دى ما ظابطة معاى ....

اها ... المشاكل بدت والشك بدا وكل يوم مشكلة مع زولتى دى .... لحدى ما خلينا بعض للاسف ودة كان برضو فى الفين وسبعة السجم ....

بعد ما خلينا بعض بصراحة السودان ما قدرت اقعد فيه ... طلعت طوالى بحجة دراسة الماستر .... وبرضو كانت فى الفين وسجم ... شهر 4 ...
الغربة كانت حاااااااااااااااااااااارة وانا براى هناك وقلبى فى السودان .... 2007

المهم الحمد لله بى خيرها بى شرها مشت الفين وسجم ....

السنة دى ما عارف لكن ماسكنى تفاؤل غريب كدة بيها .... حاسى انو حتكون جامدة وظريفة ....

معليش يا اخوانا على الحاجات دى بس ما لقيت لى واحد كان مبسوط من الفين وسبة كلو كلو

bad boy · 03-01-2008, 02:03

يا كاسترو ازيك يا مان ............

كل سنه و انت طيب يا رب و 2008 احلي و احلي يااااااااااااااااااااااااااارب

و اصل في تفؤلك دا يا مان ..... و اسعي بس ربنا بديك و الله

و البذره مهما يكون ها تبقي يوم شجره .

تخريمه لي زووووول متفااااااااااااائل ........

كلنا يا مان متفائلين و ماشفنا من 2007 دي شي حلو و الحمد لله علي كل شي

بس السنه دي باذن الله كلو بكون ميه ميه . بس قول يا رب .

عجبتني فكرة البيضه المعفنه الفلقوك بيها دي و الله ههههههههههههههههههه

يلا يا مااااااااااااااااااااان سلللللللللللللللللللللللللللللللللللام

لك و دي ........ و احتراماااااااااااااااااااااااااااااااااااااااااااا اااااااااااااااااااااااااااااتي

الفنان · 03-01-2008, 10:33

أخي أيمن
خالص دعواتنا بأن تكون 2008 خير وبركات على كل السودان بل كل المسلمين ونخص السودان لأنو هذا البلد العملاق تأخر كثيراً وراء صفوف البلدان النامية .. ونخصك يا أخ أيمن وكل شباب الوطن الطموح بكل الدعوات الطيبة لأنكم أعمدة نموه وثمرات فؤاده ..
تفاءلوا بالخير تجدوه
التفاؤل شيء جميل وأجمل حاجة فيه أنه يعيشك في حالة ولو مؤقتة من السعادة حتى وإن كانت غير مؤسسة على عناصر السعادة الحقيقية ..
والتفاؤل شيمة من شيم المؤمن بل هي حقيقة إيمانية عظيمة .. كيف؟ ببساطة لأنك إذا أيقنت أن الله الذي خلقك هو أدرى بما ينفعك في دارك الدنيا والآخرة ستوكل إليه كل أمورك وستطمئن أن المكروه الذي أصابك هو قدر من عند الله في باطنه الخير الكثير ..
تمنياتي لك بكل الخير والسعادة

**معتز زيزي** · 03-01-2008, 10:45

أيمن كاسترو ...

كل سنة وأنت الخير

... " من رحم المعاناة يولد الإبداع " ...
ونحمد الله كثيراً بأن جعل الدعاء بالإبتلاء وجعل الإبداع بالمعاناة
أنها سنة الحياة "مره تضحك ومره تبكي" ولا مفر لنا منها
ورغم هذا وذاك تصبح لحظات الحياة الصعبة هي "الأحلى"
نستمد منها قوانا لأيام أصعب قادمات ...

وتحلو الحياة ،،،

ايمن كاسترو · 03-01-2008, 11:48

تسلمووووووووووو يا قوم التفائل ؟؟؟؟

انا من زمن الارقام الزوجية والفردية ما بحب الارقام الفردية 3 و 5 و7 وحكمة ربنا يا مؤمن البلاوى والمصائب الا فى السنين الفردية ....

لكن نا 2 و 4 و6 تريح الواحد

وفعلا تفاؤلوا خيرا تجدوه واهلنا قالوا الفال تحت اللسان ودائما بنقول بكرة احلى

انا شعار بكرة احلى دة رافعوا من انا فى الثانوى وهو صاح لحدى الان ما جاء لكن اكيد جاى حيمش وين يعنى

تعالوا كلنا نتفائل بى بكرة ونقول 2008 سنه الانجاز و سنه الابداع .... كلنا نخت اهدافنا وطموحنا ونبدأ نحققو الداير يعرس يفكر جادى فى السنه دى والداير يشتغل يفكر انو خلال السنه دى اشتغل والداير يسافر برضو ؟؟؟

صدقونى السنه ان شاء الله حتكون بردا وسلاما علينا كلنا وبدون فرز ....

وبكرة اكيد احلى مع مانقو 96 ههههههههههههههههه

عروس الرمال · 03-01-2008, 11:54

بت الناس · 03-01-2008, 14:01

ايمن سلااااام.............. عارف زى ماقلت الفين و زفت كانت كلها زفت *زفت............زززززايام اللله لاعادها....

ايمن كاسترو · 03-01-2008, 14:53

والله يا بت الناس صدقتى .... لى ناس السوق ( الناس الشغالة فى السوق ) مذكرين لمن جاات 2007 جات مع تغير القروش وما كان فى قروش فى السوق ... مذكرين الفلس داك ....

لا دينار لا جنية ..... والعجب لمن جاء عيد الضحية الفات ... والله محن الناس بطريقة

الله لا عادك يا 2007

mrzool · 01-02-2008, 23:44

و الله المستهان
سلمت اخى على الموضوع