المشروع القادم .::. الأيام العلاجية المجانية .::. - الصفحة 2

الأسد · 08-01-2008, 10:44

لمثل هذا فليعمل الشباب وكذلك فليتنافس المتنافسون لأنه عمل خير يا شباب ..
نرحب بكل من يستطيع المساعده بشتى الطرق .. وأعني (سروره الدكتوره ) والوقوف جنباً لجنب .. وأعتقد أن أمثالكم يمكن الإستفاده منهم أكثر من ذلك ..
نكرر الإلتزام بالإشتراكات ومن بعدها الدعم والتبرعات لإنجاح المشروع .. تبرع الدكاتره بعلمهم وجهدهم لا يعني حرمانهم من تحفيزهم لذلك أخي Bad Boy نحتاج لكل جنيه حايم ..
الأفكار موجوده والحمده لله وأصحابي الخبرات في هذه المشاريع كذلك موجودون .. والمكمل لإنجاح المشاريع الخيريه ( المــــــــال )

ليل الشجن · 14-01-2008, 18:50

[size="4"]بسم الله الذى لا يضر مع اسمه شيئا
عشان مانضيع الزمن نخش فى الموضوع طوالى من غير رتوش ومقدمات
والله ياجماعة انا بحيكم على الفكره الجميله دى ياناس عشاق السودان وانا على فكرا لاول مره اشترك لى فى منتدى اونلاين لكن من اول فكره حقيقية عشتها مع المشروع الخيرى لعشاق السودان فى الاحتفال باليوم الهجرى للاطفال بالعام الهجرى وانا بقول حقيقية لانو بالجد مابقدر اوصف حال الاطفال ومى السعادة التى ارتسمت على شفاههم بجد عمل عظيم ودا احنا العايزونوا احصل فى البلد دى ماعايزييييييييييييييييين برتوكولات وعربات فارهة وضيوووووووووف واعلام وكمرات والذى منو .انا حقيقى بفتكر انو هولاء الاطفال حتاجيييييين للدعمالمعنوى اكثر من غيرة.وبالجد تسلموا ياشروع عشاق السودان الخيرى .

اما بالنسبة الى اليوم العلاجى المفتوح
1/تحديد الفئة المستهدفة
2/تعين نوع الامراض التى سوف تتم التوعية عليها
3/التنسيق مع الجهات التى تختص فى هذا المجال فربما يمكن الاستفادة من خدماتها المتاحة لانجاح المشروع
4/حصر الكوادر الطبية المتاحة ومعرفة مدى امكانيتها فى المشاركة
5/حصر الوسائل الاخرى التى تعمل على انجاح العمل

يتبع.............................

الأسد · 15-01-2008, 11:06

التحيه لك ليل الشجن .. نسأل المولى تثبيت الأجر ليس إلا ..

القالته أختنا ليل الشجن من نقاط .. حقيقي أقف لجانبها لأني لقيت فيها حاجات مهمه قد ما نكون تطرقنا ليها قبل .. أرجو أخذ النقاط بعين الإعتبار ..

ننتظر بقية الأراء .. برجاء لا تبخلو علينا بكل ما هو لديكم منها حتى لأصغرها ..

مصعب احمد الشريف · 16-01-2008, 14:52

تشكري أخت ليل الشجن ؛؛؛؛
وشكراً عل مشاركتك معنا في المنتدى أولاً ثم المشروع الخيري ثانياً.
الأيام العلاجية تحتاج لكوادر أمثالكم في البدء ثم المنفذين أي الفكرة ثم التنفيذ ...
كوني معنا ...
وشكراً

سرورة الدكتورة · 26-01-2008, 02:39

اقتباس:

المشاركة الأصلية كتبت بواسطة الأسد

لمثل هذا فليعمل الشباب وكذلك فليتنافس المتنافسون لأنه عمل خير يا شباب ..
نرحب بكل من يستطيع المساعده بشتى الطرق .. وأعني (سروره الدكتوره ) والوقوف جنباً لجنب .. وأعتقد أن أمثالكم يمكن الإستفاده منهم أكثر من ذلك ..
نكرر الإلتزام بالإشتراكات ومن بعدها الدعم والتبرعات لإنجاح المشروع .. تبرع الدكاتره بعلمهم وجهدهم لا يعني حرمانهم من تحفيزهم لذلك أخي Bad Boy نحتاج لكل جنيه حايم ..
الأفكار موجوده والحمده لله وأصحابي الخبرات في هذه المشاريع كذلك موجودون .. والمكمل لإنجاح المشاريع الخيريه ( المــــــــال )

الاخ الفاضل الاسد من النواحي المادية و جلب الدعومات انا لا امتلك خبرة و معرفة في هذا المجال.
و لكن ان شاء الله وبالنتسيق معكم انا و زملائي في الكلية يمكن ان نساهم(او نقومب) كل من التثقيف الصحي الذي عادة ما يتمثل في معرض مصور و مجموعة من الطلاب الذين يشرحون محتوى كل جزء من المعرض و اوصيل معلومات صحية اساسية في ابسط صورة، كلية المختبرات الطيبة بطلابها دائما يساهمون بتوفير المعمل و مواده في مثل هذه الايام العلاجية...
هذا مبدئيا فقط واصلونا بالجديد ونحن حاضرون و نسال الله الن يعينني و زملائي على المشاركة الفعالة.

انا شخصيا حاليا خارج السودان ولكن في خلال اسبوع او اكثر بقليل ساكون متوفرة في الوطن الغالي

و شكرا

باشا · 10-02-2008, 01:18

بسم الله الرحمن الرحيم
اولا احى الجميع على الفكره الجميله بتاعة الايام العلاجيه واخص الاخت سرورة الدكتوره وانا كنت بعيد فى اجازه فى السودان وما كان عندى فكرة عن الموضوع ولما رجعت اتفاجأت بالموضوع و ياريت لو كنت فى السودان وعلى العموم
الشئ المهم انو الناس شكلها طنشت من الفكره ولا الحاصل شنو يا سرورة
على الاقل تورونا الحاصل شنو فى الموضوع وهل فى جديد ؟ ولا الموضوع اتلغى ؟
لو الفكره ما زالت موجوده انا طبيب ورغم انى ما متواجد فى السودان لكن عندى خبره كبيره فى الايام العلاجيه والقوافل الصحيه و ممكن ادعمكم بأى شى و لسه عندى اتصالات بكل الجهات الممكن تساعد فى العمل الخيرى ده واتمنى انو اقدر اساهم معاكم فيهو
انا منتظر الردود منكم
والسلام

bintalbadia · 10-02-2008, 20:09

السيد الدكتور الباشا

السلام عليكم ورحمة الله وبركاته

اشكرك اولا بحرارة لمتابعتك القيمة لهذا المشروع
واشكرك اكثر لسعيك البائن في تسهيل مسيرة هذه الايام العلاجية
فلك تحية بقدر شرف وعظم مهنتك

حقيقة الموضوع لم ينس على الاطلاق ولا زالت الترتيبات تجري
لكننا تمهلنا قليلا لترتيب بعض الامور الداخلية قبل البت في مشاريع جديدة
هناك مقترح _تصور_ جاهز تم وضعه لليوم العلاجي ولم يناقش بعد كما اسلفت لحين توزيع المهام وترتيب التكاليف والمسؤوليات..
لكن تأكد أننا سنعود اليك حتما لتساعدنا في كل ما سنخطو فيه

خليك قريب

سرورة الدكتورة
انشاءالله تكوني وصلتي السودان لاني منتظراك

احتاج فعلا انو نتلاقى عشان احنا محتاجين معانا ما لا يقل عن 15 طالب وطالبة للمشاركة
لما تصلي ادينا خبر

abdon · 18-04-2008, 21:37

تحيه لي كل عشاق السودان علي هذه المبادره وهذا العمل الكبير الذي اتمني ان يكتب له النجاح وانا شخصيا جهاز لاي عمل خيري متي ما اتصل بي اي اخ وطلب مني ذلك ..... وادعوكم لاقامة يوم علاجي بمنطقتي تلك القريه الصغيره التي تقع في وسط الجزيره ورغم هذا الموقع الغريب من مدينة ود مدني لكنها تعاني من انعدام اقل الخدمات الطبيه وبها الكثيرين الذين لا يملكون حق العلاج البسيط ناهيك عن اي علاج اخر وانا جاهز لتسهيل كل ما تحتاجونه من اقامه واعاشه وغير ذلك كل ما استطيع تقديمه فارجوا من الجميع النظر لهذه المطالبه بعين الاعتبار ما امكن ذلك

abdon · 18-04-2008, 21:37

تحيه لي كل عشاق السودان علي هذه المبادره وهذا العمل الكبير الذي اتمني ان يكتب له النجاح وانا شخصيا جهاز لاي عمل خيري متي ما اتصل بي اي اخ وطلب مني ذلك ..... وادعوكم لاقامة يوم علاجي بمنطقتي تلك القريه الصغيره التي تقع في وسط الجزيره ورغم هذا الموقع الغريب من مدينة ود مدني لكنها تعاني من انعدام اقل الخدمات الطبيه وبها الكثيرين الذين لا يملكون حق العلاج البسيط ناهيك عن اي علاج اخر وانا جاهز لتسهيل كل ما تحتاجونه من اقامه واعاشه وغير ذلك كل ما استطيع تقديمه فارجوا من الجميع النظر لهذه المطالبه بعين الاعتبار ما امكن ذلك

ارهابيه · 20-04-2008, 13:54

السلام عليكم ورحمة الله وبركاته
التحيه لك الاخ عبدون ... انشاء الله قريبا سيبدا تنفيذ مشروع اليوم العلاجي .. ولم يتم حتى
الان اختيار المنطقه ولكن سيوضع اقتراحك عين الاعتبار وانشاء الله سيتم الاتصال بك ...
ولكل المتابعين نعتذر عن الانقطاع هذه المده الطويله وكل هذا كان في طور التقدم بالجمعيه ...