يازول انت سودانى ....؟؟

ايمن كاسترو · 17-12-2007, 23:02

شباب سلامات

بكون اكيد معاكم ناس خارج السودان للدراسة او للعمل ..... دة موضوع للنقاش لانو بالجد ماخد لون ماحقنا ولا من اخلاقنا وعاداتنا ....

تكون فى الغربة وتشوف سودانى من بعيد ونفسك تمش تسلم عليه و تسأل عن اخبارو لانو الدم واحد واليلد واحدة ... وانت متأكد انو داك سودانى لانو الشكل واحد ....

بالله لمن تجى قصادو .... يمسحك ؟؟؟ ليه الفهم الكعب دة

ليه دايما السودانيين فى الغربة مفتكرين انو سلامى ليك دة انا داير اشحدك قروش ولا داير منك مصلحة

ليه التحزيرات من الناس القدامك ( اختى السودانيين ) ....؟؟

دعوة للنقاش والمشاركة

سفر العمر · 18-12-2007, 13:23

احتمال يكون توحش ؟؟
او هو عامل الغربه الطويله ؟؟
او هو من قله الدخل ..
مجرد تساؤلات ..
لكن انا شخصيا مالاقاني زول من النوع ده ..!!!!

دي مجرد تساؤلات ..!!

ايمن كاسترو · 18-12-2007, 21:32

واحتمال كمان عشان انت عايش داخل السودان

فأكيد ما حتقابل واحد ذى القاصدو انا ؟؟؟؟

مشكور ع المرور

ابوسماح · 18-12-2007, 22:49

العلاقات السودانيه فى الغربه دائما متماسكه الا فى السنين الاخيره بدات تظهر ظواهر محسوبه على السودانيين من اشخاص اخدوا الهويه السودانيه بالخطاْ وابتدات معهم الظواهر السالبه التى لاتحصى وضاعت معهم الهويه السودانيه

فارس الرومانسية · 22-12-2007, 15:35

بالعكس الناس خارج السودان حلوين كتير ومتماسكين وبالجد بيحيو بعض ..
أنا عن جد جربت المواقف دي كتير وكانت في منتهى السعادة والترحاب ..
بالعكس كانت بيناتنا في معرفة لي قدام ..
تقبل مروري

سفر العمر · 24-12-2007, 01:18

معليش ايمن كاسترو عاتأخير ..
بس انا اغلب عمري في الغربه .. وتحديدا بين جده وسوريا

وابدا ما الاقاني زي ما قلته

mrzool · 01-02-2008, 23:45

تعرف ما كلهم اوكي الا من رحم ربه
يديك العافية