كنا بنتناقش كدة مع بعض وقمت إتخيلت ليك انو الجكس دة بصلع ..... صلعة وجلحات و شعر خفيف ....
طاقية و حلاقة نمرة واحد .... والله جنس بشتنة ....
اها البنات اكان صلعوا ما خلاص الضحك شرطهم انت قايلين حلاة البت وين والله فى الشعر ( الديس ) دحين اتخيلوا بنات حواء ديل اكان بصلعوا وجلحات والحاجات دى ما كان ابو كل بت باع بتو فى الدلاله صاحبة الشعر تنافس ,,, اتخيل معاى ( سماهر) شعرها خفيف دى بى مليون لكن اكات عصرت ابوها لحدى 750 بتمرق و ( وهاله ) عندها جلحات بى 100 بتمرق اما ( نيفين ) والله قالوا الخاتاها فى شعرها دة باروكة ما شعر حقيقى لكن مفترية وشايفة نفسها وعندها عيون شديدة عشان كدة برضو بى 100 واخر كلام والوسطاء يمتنعون ... اما سعاد دى مرقت من بطن امها وهى رامية جلحاتها لكن قالوا مرطبة وما بتمش دلاله مركونه فى البيت والدايرها يبقى راجل ويدق الباب .... والله ... الله قال بى قولكم
.... وفى عينة البحنسوك ... شيل المصلعة دى بى 50 الف وهوادة امها صلعة نص كم ... ولا اديك اختها شعرها خفيف امش بيعها فى الاقاليم بتجيب ليك ال 200 الف ... وتلقى البت المصلعة لكن مكشبة ... مرايات جمب ورفارف يازول وعقال وتظليل وحاجات براها بى مليون وكمان موديل فى التمينات ... دى سعرها براهو لكن ذى دى ما للعرس طبعا حفظا لى نظافة النسل من الصلع ... ذى دى تقوم تمش بيها المشاوير الفاهمة اعراس بكيات سمايات ... ( الوقت داك الودك ببقى عملة نادرة والناس حتتطبح مش عشان الصحية لا لا.... حتى الخروف العرب بتاعن الخرفان حيلعبوا فوقو ( بسلموا ليك خالى الودك ) المهم ذى ماقلت ماعشان الضحية الناس ببتطبح ... بس مستنين الودك متين يطلع من الخروف ... يازول جنس بشتنة ... ولمن يوم الجمعة يجى من الصباح على الدلاله ... ونشوف الجديد ... اما المغتربين كالعادة بزودوا الاسعار لمن ينزلوا الاجازات بالذات ناس دبى وابوظبى ... ناس السعودية ديل ما خلاص انتهو ديل برسلوا القروش لى اهلم يشتروا ليهم وقت الشتاء ( الرخصة ) اصلو الشتاء ببقى البنات غبش و ما مرقوبات نسبة لعدم الحركة فى الشتاء الناس كلها ملبته جوة البيت ... المهم ناس الف ببقوا بى مليون والمليون بى عشرة ... وهلما جرا غايتو اكان فى واحد فقران ذى حالتى الا يشترى واحدة بالاقساط المريحة وتظهر ليك شركات البيع بالتقسيط والمنافسة الشريفة ناس buy 2 free one ... اما اذا مغترب اشترى حاجة نص كم ,,, غشاهو البودى وخزن بس لحدى الاجازة الجاية والله حواجبين ما بلقاها ... يقوم يكسرها فى السوق بى الخسارة ..... اها وتظهر جينات محترفة حاجة كدة هندية ( راس حربة ابن كلب ) بى 100 الف واحسن من المحلى ( ماهندى عاااااااد ) جنس رخصة .... والجكس يدق جرس فى المجلس الوطنى نسبة لدخول كمية كبيرة من العمالة الاجنبية .... ونحن ما شغاليين بيهم شغلة ونشيل و نجر للهندى المستورد ... جنس بهدلة ... اما الشاب الولد يعنى الشعرو مبالغة الا يجر ... جنس زك ....
سبحان الله.... قبيل و أنا بعمل جك للإيميل و ازا بي الاقي واحد من الدعايات التكرهك الإيميل و تخليك تعدي نص ساعة تمسح فيهم عن دوا جديد للصلعة و امكانية عمل استشارات مجانية اون لاين لكل ذي صلعة..
ضحكت وسألت نفسي... ليه كل الرجال بتعقدو من الصلعة؟ و ليه العندو صلعة الجكس ما بعاينو ليو؟
قعدت أتخيل أنو لو حسي فجأة الدنيا إتغيرت و بقت الصلعة رمز من رموز الجمال و مقياس للوجاهة في بلادي و جميع بلاد العالم......
و وداللمين يبقى رئيس السودان و فرفور وزير الداخلية.......
و يبقى نشيد العلم بتاعنا تبش تبش عجور الصلعة تولع نور.......
و غنا البنات يبقى مركز حول الصلعة و نورا البجهر....
عريسنا قطع البحر يا عديلة....
و الصلعة نص الضهر يا عديلة...
و تجار الأمشاط و الخلالات يفلسو
و الحلاقين يقفلو....
و تزدهر تجارة نضارات الشمس عشان الصلع البتجهر.....
وونسة البنات تبقي: شفتي هناي يا انتي, وجيه وجاهة مبالغة, و احييييييي من صلعتو... تعمي عدييييل
و الما عندو صلعة دة..... ولاااا بعاينو ليو
و الواحدة تحنس بتها و تقول ليها يا بتي الراجل صلعة و كرش.... قرش شنو البتعايني ليو؟
واللهي الدنيا حتكون عسل عديييييييل يا ناس
لقد ولدتنا أمهاتنا صلعا..... فلماذا التشعبط بتوافه الأمور.....
وفي النهاية أهدي ابيات الشعر دي لأصحاب الصلع....... وهي منقولة عن لسان أحد البنات
بحبك انت يبصلعة.....
بحبك حب بدون رجعة....
و بتاوق ليك من الطاقة..... ونت جاي الساعة سبعة
********** و دمتم و دام الشعب الأصلع الحر و الناس اللابسين طواقي في صورهم*********
( موضوع كتب بتاريخ إكتوبر 2007 في منتدى آخر )
أيمن كاسترو .... جدد شوية
وودت توضيح أشياء لبعض المشاركين في البوست
أولا مافي مشكلة انه يكون الموضوع منقول أو مكتوب في منتدي أو أي موقع آخر
المهم يكون فيه فائدة أو حتي إن كان لمجرد التسلية أيضاً ليست هناك مشكلة
لكن مراعاة وضعه في المكان الصحيح حتي لا يسوء فهم الموضوع مثلا يا أيمن
موضوعك ده اذا كان في منتدي التسلية أعتقد إنه كان حيكون أفضل ، لأنه بعضهم
أخده محمل الجد ، وهو تسلية علي ما أعتقد ؟ صحيح ؟
لذا كانت الردود بعدم الموضوعية وانه منقول وهلم جرا
ولكن يمكنك التعليق في أسفل البوست أنك مشارك به في منتدي آخر
أو أنه منقول وهو ليس شرطاً أو ليس لزاماً عليك ولكن لتتفادي مثل الذي حدث
وهذه مجرد وجهة نظر وأتمني أن تتقبلها مني...
أما بالنسبة للموضوع فهو ظريف وخفيف
وِشكراً
[IMG]h
مشاركة: صلعة وصلعة = 2 وصلعة وصلعة بتعمل دلالة
