الكرسي الساخن : تجلس عليه الأخت ( شايقيه )فتفضلوا أخوتي بإلقاء أسئلتكم عليها ... - الصفحة 3

بنت الشاطئ · 08-12-2007, 12:18

يا شايقيه جيتك راجعه

سوالي بسيط
هل تحبي المطالعه والقراءه ؟

و ماهو اكتر كتاب اثر فيك ؟ واخر كتاب انتي قريتي؟ ومتين ؟ وكتاب تمنيتي قرأته ؟ ؟؟؟؟؟

اسئله ما فيها اي زرزره وظريفه وبسيطه

الأسد · 08-12-2007, 12:37

شايقيه
.. ما قلت عنك إلا ما أحسسته فيك .. وتسلمي على الرد الذي شفى غليلي .. وحسب ما أوردتيه من معلومات بداءً أنك مقيمه بالخارج .. رد الله غربتك .. ما عارف الدعوه دي كيف معاك !! .. وبالمره السؤال .. هناك فرق بين انك تكوني اتولدتي واتربيتي هناك وكده وبين انك تكوني اتولدتي واتربيتي هنا وبعدها اغتربتوا .. العايز أعرفه نظرتك للبلد حسي شنو في عدة محاور ..
التعليم .. الصحه .. الفن والأدب .. وإلى أي مدى الأخوه السودانيون بالخارج ومعارفهم من الجنسيات الأخرى يعرفون عن السودان ونظراتهم إليه !! وهل هناك فرق بين النظرات في الماضي القريب وبين نظراتهم في الحاضر .. عفواً إن أثقلت عليك لكن يمكنك الرد في نطاق مجالك المحيط بك ..

ربنا يزرع الصبر فيك لمن يخلص كرسيك .. أصلي راجع تاني وتاني تاني .. وربنا يحميك ..

عسلنا · 08-12-2007, 13:04

شايقية ازيك كيفيك طبعا انا عزة محمد متخفية بالعسل وكدة لزوم النيو لوك احم على العموم انا ح اسالك سوال واحد بس وملتزمين بالعدم الزرزرة ..... بس وريني لاغيت هسي ادوك كم شاكوش لانو الحزن الفي كتابتك بيدل انو في شويكيش فوق قلبيك الرهيف ولي عودة .............. ودمتي

ahmed hassan · 08-12-2007, 17:05

بسم الله
سلام عليكم هوى
شايقية كيفنك ..
نعل ما وجعك شى .....
شديدة ..

سؤال نمرة 3 :

جدنا كان راجل مولانا امام المسجد فى بعض من الغلباويين اهل هوى كده فى الحلة سألوهو : يا شيخنا حصل حبيت قال ليهم: مافى شجرة ما لولحا الهوى

لولحا : لولح بمعنى حرك وأمال و لولح يلولح لوليحاً فهو ملولح كلمة دارجية فصحى ......

السؤال : هل كان صادقاً ؟

وحيد القرن · 08-12-2007, 17:52

بعد الاسد وحيد القرن..وانا ما قاصد الحيوان العجيب داك (كان شعر للبلد في يوم) اكون قاصد شنو ؟
وقالوا السايقية يفهموها طايرة..

وحيد القرن · 08-12-2007, 17:54

قصدت(شعار) ياشايقية نقطتها المرة دي

الصريح · 08-12-2007, 19:08

بسم الله الرحمن الرحيم

في الوقت الحالي لا اسئلة لي

فقط اريد ان ارحب بكي في الكرسي الساخن

ولي عودة

WeLcOmE

**معتز زيزي** · 08-12-2007, 19:38

شايقست ....

الكرسي منور .... طيب يا جماعة ما في زول كلمني ليه ....؟؟؟؟
على العموم أنا برضو برحب بيك وبرجع ليك عشان نسخن ليك الكرسي شويه ....

شايقية · 10-12-2007, 12:28

اقتباس:

المشاركة الأصلية كتبت بواسطة HimOvicH

العزيزة شايقية .. الله كنت داخل حامى لانو حاسى انو كمية الاسئلة العندى من كترتها خايف يقفل الكرسى قبل ما اسالها كلها فعموما كده الله يعينك!!

ديل كم واحد على الماشى:

*
جكس .. حبيب .. قرين .. زوج المستقبل أو فارس الأحلام .. ل جابو ليكى رسام و قالو ليكى وصفيهو علشان يترسم ..

**
هل تعتقدى إن البنات العرب أوالسودانيات مظلومات او بيحصل ضدهم تمييز عنصرى من ناحية الجنس؟؟ كيف؟؟

***
هل تعتقدى ان النساء العرب يفهمن معنى الديمقراطية؟؟

بيكون كيف .. قدمى الاحد وجاوبى باخلاص!!

اخـــونا هيمـــو
اهــلا بيـــك .. وشكلك كــدا اســالتــك كتيـــرة .. اللــه يقــدرنــا علــى الـــرد عليهـــا

جكس .. حبيب .. قرين .. زوج المستقبل أو فارس الأحلام .. ل جابو ليكى رسام و قالو ليكى وصفيهو علشان يترسم ..

حــاقــول لــي الرســام امســك ريشتــك وابــدأ بالأخــلاق والصفـــات .. قبــل ما تــرســم مــلامحــو .. اول حــاجــة يكــون عنــدو ديــن وبعــرف ربــو كويـــس ملتــزم بي صلــواتــو وصيــامــو وقيــامــو .. فتنعــكس الحــاجة دي قي البيــت وتنــزرع في نفــوس اولادنــا ومنهــــا يقــدر يصــونـــي ويقــدرنــي ويعــرف حقــوقـــي تمــامــا .. يكــون زول اخــلاقـــو عاليــة وبــي كــدا يحســن التعــامــل ويقــدر يتــواصــل معــاي ومــع اولادنــا بشكــل واعـــي .. يكــون قلبــو طيــب وحنيـــن .. وبــي كـدا يشيلنــي في عيــونـــو .. ويســندنــي ويمســح دمعتــي .. ونمشــي خطــانــا مــع بعــض .. شايليــن معــانــا طمــوحنــا وآمــالنــا لحــدي ما نصــل بإذن المــولــى لي الدايــرينـــو لمستقبــل احســن لينــا ولــي اولادنــا .. ونتشــايــل احــزانــا ونتشــارك افــراحنـــا .. ويكــون الصبـــر عنــدو زاد يشــيل منــو ويدينـــي .. وتكــون شخصيتــو متــزنـــة ومــرحـــة ( ما يكــون دمــو تقيــل يعنـــي وصــاري لــي وشــو ) وفــي نفــس الوقـــت يعــرف متيــن يتــأخــذ مواقــف ويكــون صــارم .. زول مســؤول يعـــنــي .. امــا الشكـــل الخــارجــي حــاقــول لي الفنــان ارسمـــو لــي يكــون مقبــول ودايمــا روح الــزول لمــن تكــون حلـــوة بتنعكـــس في الخــارج وبتــزيـــدو جمــال ورونــق ..

هل تعتقدى إن البنات العرب أوالسودانيات مظلومات او بيحصل ضدهم تمييز عنصرى من ناحية الجنس؟؟ كيف؟؟

انــا حتكلــم عنـــي انــا كبنــت ســودانيــة عــايشــة في الخــارج في دولــة عــربيـــة .. ومــن تجــربتــي الصغيــر في الحيــاة .. ما شفتــا اي تمييــز عنصــري بالعكــس الســوادنييــن بشكــل عــام شعـــب محبــوب جــدا .. ومعــروفيــن انهـــم شعـــب طيـــب وكــريــــم .. ودي الأغلبيـــة العظمـــى .. حتــى اهلــي بعــرفــو اصدقــاء واســر من جنسيــات مختلفــة وما شفتــا منهــم الا كــل احتــرام وود ..

امــا لــو اتكلمــنا عــن الــدول الأوروبيـــة فممكــن يكــون التمييـــز مــش في الجنــس دي ســودانيــة او دي كــدا .... او دي ....كــدا بكــون في البــت العـــربيـــة المحجبـــة .. والبتلقـــى تمييـــز بشكـــل كبيـــر .. فهــم بشــوفــو المحجبــات زي الإرهــابيـــات .. وبخــافــو يتعــاملـــو معــاهــم .. وبــواجــهو مشــاكــل في التوظيــف لانهــم بتــرفضــو .. دا لو مــا انطلــب منهــم يفكــو الحجــاب .. يعنــي المحجبــة باختصــار بتكــون منبـــوذة ومظلـــومـــة ..

هل تعتقدى ان النساء العرب يفهمن معنى الديمقراطية؟؟

مــافــي زول مــا فــاهــم يعنــي شنــو ديمقــراطيــة .. لكــن الســؤال هــل الديمقــراطيــة دي ممكـــن تتنفــذ بــدون ما يسكــتونـــا .. ويبهــدلـــونـــا .. ويقطــعــو لســانــا عشــان نــبطــل نطــالــب بيهـــا ؟؟؟

نشفتــا لــي ريقــــي .. يديـــك العــافيـــــــة ..

شايقية · 10-12-2007, 12:39

اقتباس:

المشاركة الأصلية كتبت بواسطة المتميزة

انا حا اخش تووووووووووووووووووووش ...
واول سؤال انتي شايقيه من وين ؟

باقي الاسئله دايره قعده ...
صحي مرحب بيك في الكرسي الساخن ..

متميــزتنـــا دومـــــــا

اهــلا بيـــك .. وحبــابــك يا بــت امــي

شــايفـــاك جـــايـــة تـــوووووشــــك .. عشــان كــدا نديــك الجـــواب

واول سؤال انتي شايقيه من وين ؟

احنــا اسرتنـــا كبيــــرة شديــــــــد ( مــا شــاء اللــه ) فجــزو مـــن ( جــلاس) وجــزو مـــن ( كــريمــة )

لســة راجيــاك قعــدة وحكــت راس .. الــله يسـتـر بــس