|
الرياضة ليست ترفيه
يعني شيء غريب جدا وواقع بالجد تحس بيهو مرير لمن تصل لدرجة الكورة ما نافعين فيها ومافي زول يجي ناطي لي يقول لي امكانيات والله فى دول ما لاقيه تاكل وصلت كاس العالم .. من وجهة نظر متواضعة ان المشكلة ليست فى امكانياتنا المشكلة فى انه لسه حكامنا معتقدين انه الرياضة ترفيه فى اوقات الفراغ وللاسف انه الرياضة اصبحت سفارة يعني اسي البرازيل ولا الارجنتين ولا السنغال ولا الكاميرون ولا نيجيريا عندهم شنو غير الكورة ما عندهم اى شي لكن لمن يذكر ليك واحد من الدول دي وخصوصا البرازيل والارجنتين تحس بنوع من انهم كبار وما بيخطر ببالك رياضة برازيلي يا سلاااااااااااااااااااام شي جميل ودا على فكرة بسهل ليهم امور سياسية كتيرة جدا مع النو انت بتشوفو بسيط وتافه وجا شي نفسي زي لمن تكون لاعب كورة مشهور شوف كيف الناس تستقبلك وكيف تعاملك وكيف تمشي ليك امورك ومرات وانت فى بيتك مع انها كورة شي تافه على قول جماعتنا.. والشي ء الغريب الآخر طموح محدود جدا يعني لمن يصل فريق الى نص النهائي نقوم الدنيا ونقعده واهازيج فى التلفزيون ليه انحن ما يكون طموحنا نشيل كأس العالم ليه شايفنها كتيرة السنغال بامكانيات متواضعة وصلو الى مراحل متقدمة جدا لكن اعتقد انه المشكلة تكمن فى عدم اهتمام وعدم وعي يؤدي الى عدم تركيز يؤدي الى مستوى مافيش مش ضعيف ..
زمان كنا لو اتغلبنا ستة وخمسة مافي مشكلة كم زول يصادف يسمعه فى الراديو وخلاص لكن اسي وين بالله العظيم تتغلب خمسة تقلب كل قناة تلقى الخبر يعني زي الزول الماسك مكرفون دا ير يسمع العالم كله ورغم انها ما الهزيمة الاولى ولا التانية لكن حارة والله بصراحة ..
شيء جميل جدا يعني انت غير مهتم بالكورة لانها ترفيه وكلام فاضي واعب شفع وغير مهتم بالاقتصاد لانه عندك مشاكل وغير مهتم بالمشاكل لانك مستهدف ومستهدف ليه لانه لابس طاقيه وطاق طاق طاقيه ...
|
العرض العادي
