الدنيا دي .... ضيقة ... شدييييييييييد ... صح - الصفحة 3

ahmed hassan · 27-11-2007, 15:30

اقتباس:

المشاركة الأصلية كتبت بواسطة بنت الشاطئ

والله يا ناس بت خالتي
عروس الرمال يابت تعالي احكي ليهم
ولا احكي ليهم انا

ابو حميد حبل الكضب قصير يعني قصدك شنو
انا كضابه اصبر لي الليله الزقاق البتجي بيه
ده شوف ليك شارع منور بدلوا

ياخ على طلاق ابو الليل انا ما كنت قاصدك انت كنت قاصد هناء لكن طالما جابت ليها تهديد آآآآآآآآآآآى قاصدك وقاصد حنانك زاتو .......
كع انا اخوك آ فاطنة

صدفة البحر · 27-11-2007, 15:34

مرحب بمن زينو الساحات فى غيابنا
عدنا للنندهش معكم بقصصكم الواقعية

بالمناسبة زكرتنى بموقف لزول عسل شديد. صاحبنا كان تلميز فى الثانوى وقاعد مستنى الجرس عشان يخش الامتحان لقى ليك سيدة متزوجة جميلة وصغيرة وقعد يعاكسها ليك
وما خلا شى .. وهى بتقولي يا ود انا ذى امك وما بعرفوا شنو داك .. وصاحبنا ولا على بالو لغاية ما دق الجرس وخش الامتحان.
المهم بعد نهاية اليوم الدراسى وهو راجع على بيتهم يتفاجأ بالسيدة الجميلة ومعها بت هو بعرفها حق المعرفة لانها صديقة خطيبتو الروح بالروح. وما عرف يمشى وين؟ ال\رق انسدت والارض حلفت ما تبلعو

قعد يضحك والسيدة تضحك والبت بتسأل فى شنو وهى بتعرفهم ببض بانها اختها الكبيرة وبتقول لاختها دى خطيبى فلانه صحبتى النحنا جايين منها الهى جارتو هو .

رغم ان الموقف عدت عليه السنين وتزوج اخونا من البت لكن لسه كل ما يتلاقوا يقعدوا يضحكوا على المأذق ..

المهم ياريت نتزكر طوالى ضرورة الصدق والابتعاد عن الأخطا
شكرا اخواتى
الى اللقاء

هنــــاء · 27-11-2007, 15:56

شكرا ياصدفة نورتينا
مرات كتيرة بندخل نفسنا في مواقف بايييييييييخة بقصد وبدون قصد تقولي شنو بس شقاوة وجن

لكن انسعلك سعال هو صاحبكم ده كان في الثانوي وخاطب؟؟؟

كسلاوية · 27-11-2007, 15:56

هههههههههههه والله ياهنــــــــاء مبالغة صدفة عجيبة بالجد الدنيا ضيقة ..

هنــــاء · 27-11-2007, 16:59

كسلاوية ياعسل شكرا ليك على المرور
وابقي اظهري

زين عالم جميل · 27-11-2007, 18:13

بالجد يا هناء (الدنيا ضيقة)

زمان كنت مهووس بالشات شديد خالص، مرة لاقيت لي سوداني بدرس في الهند اتونست معاه وعرفت اسمه (لانو أسمه كان غير تقليدي ما نسيته الأسم خالص أسمه نازر) المهم لفت الأيام وبعد سنة أيام عفراء فتحت جديد كنت راجع البيت والوقت اتأخر شديد مواصلات ماف طبعا (ويا كريم بتاع الملح يجي) عشان نصل بالسلامة. والكريم رزاق جاء بتاع بوكس خم الشباب كلهم علي طريقة (ماشين قدام) وزي ما بقولوا (ود البدري لقاي) عشان كده نطيت قدام طوالي وخليت باقي الشباب متمتعين بالجو في صندوق البوكس. لما وصلنا نزلت وقلت ليه شكرا يا حبيبنا وفرصة سعيدة يا ابو الشباب. فرد لي أسمي نازر. طوالي قلت ليه انت قريت في الهند ولا حاجة (قال لي ايوة) طوالي ذكرته بنفسي واتونست معاه، بعدها حلف لازم يوصلنا الحلة ويعرف البيت وكده. فعلا كانت صدفة غريبة عجيبة والشباب قالو لي (البركة في الملح).

monytop · 27-11-2007, 19:43

والله ياهنا اذكرته موقف بى مناسبة بت الشاطى وقرابت العروس

المهم ايام الجمعه مره راكبين الترحيل ومعنا زميلينا يشيل ويحكى

لما خالى فلان قال ولما خالتى فلانه قالت ولما امى ماعارف شنو

انا فجاه وبى اسلوب هستيرى كدا ماتقول لى انته ولد فلانه هو اى

انا زاتى قمتا انا ياود امك بت عمك ابوى يعنى نحنا اخوان الترحيل

كليوا يضحك قالوا دا مسلسل مكسيكى

صحى والله الدنيا ضيقه

بت الشاطى وقريبتا مبروك القرابه ياخ

هنــــاء · 28-11-2007, 10:17

زين شكرا على المرور والحكاية الجميلة

اي والله مرات الواحد بحتار وبحس انو لمى يلاقي اي زول ده مابكون صدفة بكون القدر مرتب الحاجه دي لانو اكيد ماحيكون لقاء عابر

هنــــاء · 28-11-2007, 10:20

موني معاك حق احنا دايما بنلاقي اولاد اهلنا واقرباء لينا في ابعد مكان ممكن نتخيل نلاقيهم فيو
وده طبعا راجع لاننا او هم مافاضين فبننتظر الصدفة تلمنا

شايقية · 01-12-2007, 01:39

هههههههههههههههههههههههههه... واللـــه يا هنـــوية ابدعتــــي .. وهمتيـــهو عديـــل كـــدا ..

ذكرتينــــي بي وهمــــة انا برضــو عملتهـــا .. كنــا طلعتــا الســـوق دايرة اشتــر لي حــاجـــة .. ولاقــانتي واحـــد شغــال يعاكــــس .. قــدر ما طنشتـــو .. اتلايــــق حلــف ما يمشـــي .. ما عرفتــا اطفشــو كيــف قمتــا تلفتــا ليهــو بي نهـــرة كــــدا وقلتــا ليهــــو .. انت ما بتخجـــل انا وحدة متزوجـــــة .. طبعا هــو اتكشــح فيهــو جــردل مويــة بـــاردة .. وما اديتــو فرصـــة يصحـــى من الخلعـــة .. مشـــييت سريــع خليتـــو .. وفعــلا الخطــة نجحـــت رغــم انــو شكلــي ما بوحــي ابــدا طبعــا الفتــرة ديك كنتـــا في الثانويــة .. المهم عـــدت الأيـــام .. وصدــف اهلــي معـــزوميـــن غـــدا وامـــي اصــرت الا امشــي وعيـــب والنــاس عزمونـــا .. المهـــم طبعــا لحــدي ما جيــت من المدرســـة وغيــرتا هدومــي وطلعنــا وصلنــا متاخرين .. وصلنا واذا بينــا ندق الجـــرس .. ومنـــو يفتــــح البــــــاب ؟؟؟؟؟؟؟؟؟؟؟؟ الولــــــــــد زاتــــــــــو
انــــــــا طبعــــــا بلمــــتا والإندهـــاش انســـو بس .. وهـــو عمـــل رايـــح .. وامـــي تسلــم عليهـــو بي اسمــــو ..الفضيحـــة ما هنــا .. لمـــن مــامــا دخلـــت معليــش يا جمـــاعــة أخرنــاكـــم .. بس لحــدي ما بتـــي جــات من المدرســــة.. امــي رمت القنبلـــة .. طبعـــا ما في زول فتــح خشمـــو لانـــو منظـــرو كـــان جبـــان شديـــد .. وانــا كضبتــي كــانت شينــــة .. والبضحــك اكتـــر السنــة الفــاتت حضــرنــا عرســـو .. طــول العـــرس وانــا اتذكـــر واضحــــك ..