على بابك ..
نهارات الصبر واقفات ..
بداية الدنيا هن واقفات ..
وكم لهفان وكم طاير ــ
بعد نتّف جناحو وراك نفّض حر ندامتو وفات ..
قطع شامة هواك من قلبو ..إلاّ هواك
نبت تاني و
على بابك وقف تاني ..الغمايم ..
شاقة جوف الليل ..
مسافر فيها وحداني وبدون جنحات ..
يغنيك الهنا المافي ..
يغنيلك رهافة حسّو ..
يفنى على جليد آمالو ..
يحلم بالشتا الدافي ..
وقدر مايمشي
في سور الزمن خطوات ..
يلاقي خطى السنين واقفات
..على بابك ..
يلاقي هواك نبت تاني
و ملا الساحات ..
العرض العادي
