¨°o.O صداقات نسائيه O.o°¨ - الصفحة 2

monytop · 29-11-2007, 16:51

بت النيل

الحرمان لايولد الغيره يولد الحوجه للاخيرين

ونكون اكثر حصرص على الصدقات لاننا نجد

فيها السلوى لبعض الذى حرمنا منه

ومشكوره على المرور ياغاليه

HdeeL · 29-11-2007, 19:00

السلام عليكم

يا مونى انتى قصدك علاقات ولا صداقات ؟؟

شوفى يا ستى انا بتهيا لى الموضوع ده بعتمد على بداية (الصداقة) يعنى كيف التقيتى صديقتك؟؟ مثلا لما كنا فى المدرسة كانت الصديقه هى اللى بتجلس جنبك فى الكنبة .. او فى البيت كانت بت الجيران .. طبعا قد تظل دى صديقتك لحدى يوم الليله ويمكن تفترقوا لانه اصلا كان اللقاء جغرافى بحت ...وممكن تعملى (علاقه) من باب الاستفاده بمعنى عدو عدوى هو صديقى واعتقد ده النوع اللى انتى بتتكلمى عنه بيكونوا توافقوا فى نقطه معينه مثلا الاتنين (مكجنات) هنايه .. يقوموا تلقائيا يعملوا (علاقه) مع بعض عشان ينفثوا عن (كجينتم) لهنايه ديك .. اها يعتقدوا بعد داك انهم صحبات مافى منهم ... وتلقيهم مقتنعات ومقنعين الحولهم بانهم اصدقاء فلما تسمعى انهم افترقوا تستغربى لكن الحقيقه هى انهم اصلا ما كان فى شى بربطهم ببعض الا نقطة احادية هشه. طبعا ما شرط السبب يكون (الكجين) زى ما انا ذكرت ده مثال بس .. المهم انه سبب او غرض او هدف.

أما لو جيتى للصداقه الجد بلا أغراض .. بلا حدود .. لا إنتهائيه ... ما فيها لا مؤامرة لا دسائس .. كالجسد الواحد اذا واحده اشتكت التانيه تتألم .. دى يا ستى لا بيكون فيها غيرة لا حسد ..محبة فى الله

وتسلمى يارب

بنت النيلين · 29-11-2007, 22:25

اقتباس:

المشاركة الأصلية كتبت بواسطة monytop

بت النيل

الحرمان لايولد الغيره يولد الحوجه للاخيرين

ونكون اكثر حصرص على الصدقات لاننا نجد

فيها السلوى لبعض الذى حرمنا منه

ومشكوره على المرور ياغاليه

موني ياعسل انا ماقصدت الحرمان بمعني حرمان من الحنان ابدا بس حرمان من متطلبات الحياه مثل الاكل او اللبس نسبه لعدم مقدرتها علي توفير المال وعندما تجد صديقتها تتوفر لها كل هذه الاشياء تتولد في قلبها الغيره والحسد من هذه الصديقه وده ما كلام قلت ساكت لا ابدا بس من تجارب الحياه
ولـــكـ منــــــــي التـحــــيه

الهنونو · 03-12-2007, 14:52

اقتباس:

المشاركة الأصلية كتبت بواسطة بنت النيلين

موني ياعسل انا ماقصدت الحرمان بمعني حرمان من الحنان ابدا بس حرمان من متطلبات الحياه مثل الاكل او اللبس نسبه لعدم مقدرتها علي توفير المال وعندما تجد صديقتها تتوفر لها كل هذه الاشياء تتولد في قلبها الغيره والحسد من هذه الصديقه وده ما كلام قلت ساكت لا ابدا بس من تجارب الحياه
ولـــكـ منــــــــي التـحــــيه

ازيكم وعندى حلة فى النار لكن دايرة اقول انو الحرمان والظروف الاجتماعية القاسية بتولد الغيرة والحسد والله انا اعز اعز صحباتى ايام الجامعة طبقت فينى نظرية عجيبة بحكيها ليكن بعد اشوف حلتى ماتحرق كمان واطلق سببى نت

monytop · 05-05-2008, 14:44

بت النيل

شكرا على المرور

الهنون

لسه ماطلقوك

مشكوره على المرور ومنتظرين الرجعه

tago · 07-07-2008, 12:21

الصداقات عموما ما عادت مثل الماضى . .
على العموم نحن عشنا فى أوائل الثمانينات بمثاليات عجيبة وجميلة للصداقات . وكانت التضحيات واضحة وكبيرة للأصدقاء . والناس كانت ما بتتفرق إلا لما تجى تنوم. وكانت الصداقات فى أى محل فى الحلة والمدرسة والعمل وفى الكورة .....إلخ.
- إنهيار عمود الصداقة بين بنى البشر سببو المشغوليات الكتيرة ، والبحث وراء لقمة العيش وحب الماديات.
- صداقات النسوان فيها الجاد وفيها كثير من المجاملة والمداهنة والنفاق . بس الرجال المابدورق عديل كدة بختاك. وإنتى بتحس بأنو ما هو صديق ليك. بس نسوى شنو لى النسوان .. ياهن كدة وكبيعتن كدة وإذا حبيت تقيمن كسرتهن - وبرضو لازم يشكلن وجود فى المجتع .. وإخيرا أحى كل الصداقات النسائية الجادة.