صباحك ومساك عسل يا هيمو
توش في الموضوع أجمل حاجة
وبعدين الموضوع مليان جداً .. بالعكس دا هو بيت القصيد ولب الموضوع .. القروش بتغير النفوس والنفوس فيها السياسي يقوم يتغير والتاجر يبقى رجل أعمال كبير ويتغير .. والدكتور الطبيب يقوم يرفع ويتغير والمريض المسكين يقوم هو زاتو يتغير والشعب السوداني كلو يتغير .. واحد يقوللك أنا مستعد لي التغيير بس هي وينها القروش البتغير دي .. أنا ما شايف غير ماهية شوية زي زمان وبتكمل قبل ما نشوفها .. وحتى سيد اللبن اتغير زمان كان بجي راكب حمار .. واسي بجي راكب ركشة وللا حمار جاري له ركشة .. أوكي نحن موافقين على التغيير لأنه من سنن الحياة .. لكن يكون تغيير للأحسن .. يعني الشارع يبقى ظلت تمام لكن الظلت يبقى شارع نص ظلت ما تمام .. والناس تلبس كويس دا تمام لكن الناس تلبس نص أكمام دا ماتمام الناس تاكل دجاج دا كويس .. لكين لحم الضان يبقى أغلى من الحمام دا ما تمام ..
أنا مبسوط لأني أول زول هترشت في هذا الموضوع ..
لكن والله يا هيمو ما موضوع فارغ ..
تحياتي وودي لك